أسعار سيارات رينو "أفضلية الخليج"

شكرًا صاحب الموضوع على الإفادة

هنا المشكلة. صاروا الفرنسيين يفكرون التفكير الاقتصادي الي عند اليابانيين.
الاسم فرنسي و الصناعة كوري أو أسترالي أو غير ذلك. و هذا ينزل من جودة السيارة بلا شك.

خلوا عنكم الوكيل الجديد (أفضلية الخليج) فهو أكيد أحسن من الزاهد بمليون مرة. لكن أتكلم عن نفس السيارة.
هذا غير أن المكينة و القير من نيسان.. و نيسان فيها مشكلة في بعض قطع الغيار! إذا احتجت قطع بشكل مجزأ ما يعطونك! مثلاً الي يبغى يوضب قير و يحتاج حساس فقط بـ 100 ريال, يقولون: ما نبيع إلا بلف بدي كامل بـ 3000 أو 4000 ريال !!
هذه سياسة مصنع نيسان و التي ستطبق بشكل غير مباشر في رينو. و المشكلة الأكبر أن القيرات كلها بتكون CVT من نيسان و هذه مكلفة الصيانة و غير اعتمادية.

أنا أتمنى ترجع سيارات رينو الأولى الأصلية المنشأ: ميقان و كليو, فهي أفضل بكثير, و لكن وكيلها الأسبق ما أعطاها حقها فقط لا غير.

الفوينس الصورة نفس الموجودة هنا لان الاسطبات مختلفة
وكم سعر السافران الاستاندر 2 لتر
مشكور على الصور
والسعر غالي جدا

صراحةً سعرها في رأيي غير مبالغ فيه
يعني مثلاً السيارات في فئة ال New Safrane
اسعارها غالباً اغلى .. بمواصفات أقل ! .. ربما الفرق المكينة
الجودة الداخلية فرنسية عالية جداً ... انا دخلت السيارة .. وسويتلها test drive
فعلاً سيارة روعة ما عليها كلام

الكوري كله صارت اسعاره قريبة .. مثلاً السوناتا الستاندارت 71 الف .. الفل 4 سلندر بتندة 79 الف ... الفل كامل كل شي 95 الف

الكادينزا الفل فوق 100 الف

واليابانيين مثل الأكورد مثلاً ... الفل 120 الف تقريباً !

--
ومثلاً السيارات في فئة الفلوينس
مثل الكورولا , الشفروليه كروز , الكيا سيراتو وغيرها ... سعرا متقارب جداً .. ارخص من بعضها .. وفيها تقنية عالية وجميلة .. وفتحة سقف اضافة الى السماعات فيها من افضل ما رأيت .. جميعها Bose مع تقنية 3D by Arkamys بحيث انه الصوت موزع على كل السيارة بنفس الوزنية :)

سيارات جميله بس سعرها مبالغ فيها بصراحه مقارنه بالكوري ،، ومشاكلها الكهربائيه بالاجيال الحاليه تخوف

اوروبية الاسم
كورية الصناعة

اخوي الوكيل الجديد ما يبيع الميجان
يبيع ال
Safrane القديمة ... وسعر الفل لها يتراوح بين ال 68-71 الف .. السيارة حلوة صراحة
وهم جايبين ال Latitude ومسمينها New safrane ماني داري ليش xD

ويبيعون ال Fluence
والجيب ال Koleos
ويبيعون ال Logan وهي اقل فئة لديهم
في منها سيدان .. وفي ونيت
اتوقع ال Logan السيدان الفل بين 41-43 الف

^^^

غير متوفره الجيل الجديد منها نزل برا السعوديه بس عندنا الميقان العاديه اصلا ما نزلت حتى تنزل السبورت

سعرها لو نزلت راح يكون حول ال 120 الف تستاهل لانها جدا قويه ,,, و ارسى من القديمه و انا عندي الجيل القديم منها و ماشاء الله سياره تعطيييييييك انطباع فورملا ون بدون مبالغه سيارات رينو سبورت سواء ميقان ولا كليو رياضيه بمعنى الكلمه ينقصها عن نفسي جوده المواد الداخليه فقط ...

يا شباب موجودة الرينو ميغان سبورت؟ واذا موجودة كم سعرها؟ لاني ناوي عليها

صراحة السيارة جدا رااائعه !! والسعر من ابدع ما يكون !! عسى بس سمعة رينو ترجع !!

^^^^^^^
مو مره راحت عليهم لانو والله حتى الكوري يقدم شي طيب
بس فعلا سيارة اوربيه وبالسعر ذا افضلها بقوة على الكوري

تحياتي

والله طلعت ارخص من الكوري ومواصفات وامان افضل
راحت عليكم يااصحاب الكوري