تويوتا تـعـاقـب محـبــيــهــا ..... فهل تتخذ من نوكيا مثالا لها!!!

هههههههههههههههه حلوه نقرا مع خشومنا

اول شي الباترول هو اكبر واهم منافس للاند كروزر
هذا اولاً
ثانياً الكلام بشكل عام والنقاش مو معك لحالك حبيبي النقاش مع جميع الأعضاء

بالنسبه لرالي داكار اذا شارك اليوكن والتاهو او ماشارك مو معناته ان الاند افضل لانه السيارات المشاركه فيه تضل مجهزه بتجهيزات مختلفه تماماً عن اللي في الأسواق

وانا ارجع واقولها حتى البي ام X5 مشارك مو معناته اني اقول لأحد روح اشتر بي ام وروح طامر فيه في البر بحكم اني شايفه في رالي داكار

شوف سيارات المجهزه اما رالي او سباقات او غيره تأكد انها مجهزه

حبيبي قسم بالله انا كنت من الناس اللي ما اسمع في تويوتا وبالذات لاندكروزر
واستخدمته لفتره طويله وكريته و كرفته ولا قال شي
حبيبي انا من الناس اللي جلس على سيارات البيت وطرارة خلق الله يمروني وياخذوني بعد مابعت سيارتي وكله لاني كنت انتظر الاند 2008 ينزل وتأخر لين ما نزل
مع ان الخيارات كانت مفتوحه لي مثل الباترول واليوكن والتاهو لكن قسم بالله 3 او 4 اشهر بدون سياره وكل يومين ناط على عبداللطيف جميل امتحنت والديهم متى بينزل كم باقي له وراه تأخر لين اعرفوني كل الموظفين في فرع العلياء ونزوله كان صدمه كبيره لي لا من ناحية شكل ولا من ناحية تصميم داخلي وصرفت النظر عنه
ورجعنا اول مانزل 2009 وشرينا واحد GXR V8
قسم بالله سقطه في تاريخ تويوتا

انا ابيك تفهمني
صدقني اللي يمدح الاند الجديد واحد من اثنين
الأول ان يكون شخص ما استخدم الموديلات القديمه للاند واشترى الاند الجديد بحكم السمعه فأكيد راح يعجبه
والنوع الثاني هم اللي ما يدققون ولا يلاحظون اللي من نوع طالما الموتر يمشي ومكيفه زين خلاص معناته ممتاز

لكن صدقني احنا الشباب ندقق ونفصفص ام الموتر لما اقولك اني انا استخدمت VXR 99 و GXR 2003 و VXR 2004 و GXR 2007 و GXR V8 2009 طبعاً كلها حقة الوالد لانه كان يغير الاند من فتره لفتره
لما اجي اقولك ان 2009 أسوأهم ما اطلب منك تقتنع بكلامي لكن حطها في بالك ولا تهمش رأيي وتجيب رالي داكار ولا تقول اني انا احشرت ورحت للباترول
انا اتكلم عن استخدام 10 سنوات للاند مابين 6 سلندر و 8 سلندر ومابين قير عادي وقير اوتوماتيك وبكل قناعه اقولك الجديد فااااااااشل بالنسبه على الأقل

وللأمانه بالنسبه للـ2011 حق 60 سنه انا ماجربته لكن فيه واحد من الشباب نفس النظام الاند عندهم دايم يتغير كل سنه الى نتين تقريباً وتوهم ماخذين حق 60 سنه ويمدحه يقول انهم تلافوا المشاكل في العزم وغيره اللي كانت في الموديلات من 2008 الى 2010

وعلى فكره

انت عندك خبر ان الاند كروزر من 2008 وفوق صار يصنع في امريكا ؟؟
اوكي راح تقولي مصانع فقط ولرخص اليد العامله مقارنه باليابان وهي مجرد مصانه انا اقولك اوكي معاك حق
لكن لما تسوقه بذمتك ماتحس انك تسوق امريكي ؟؟

بالنسبه لليوكن والتاهو ما أقولك انها شي ممتاز ونازل من السما لكن على الأقل مازال على وضعه من زمان
مكاين جباره مواصفات حلوه وسوء في التقفيل واصوات في الديكورات ويضل الامريكي غدره

حتى الباترول الجديد وللأمانة ماجربته ولكن يكفي نظام التعليق الجديد ويظل القديم افضل من الجديد بمراحل

بترجع تقولي اجل الواحد ويش ياخذ اقولك بكل صدق والله ما أدري لكن اكيد مو لاند كروزر ولا شي له علاقه بتويوتا