انطباعي عن لايدج 2011 بعد الصيانة المجانية الأولي لـ 8000 كيلو

الله يجزاك خير ... واذا السيارة في بالك لا تردد .. واذا عن الازرار السيارة مافيها

ازرار كل شي فيها لمس ... حتى علامة الفلشر لمس ... الاشارات لليمين و لليسار

الكترونية مو ميكانيكة ...

يعني اذا جيت تبي تلف يمين ترفع ذراع الاشارة للاعلى رفعة بسيطة تشتغل الاشارة

اتوماتك 3 مرات الى اليمين وخلاص تطفى من نفسها ... واذا تبي تلف فترة طويلة

ارفها اعلى شوي وراح تطول معك الى ان تلف و اذا تبي تطفيها ارفعها مرة ثانية

وتطفى واحلى مافي الموضوع كله مافي الصوت المزعج الي يطلع اذا وقفت الاشارة او

نزلتها لتحت .... وعلى المواصفات القوية الي فيها تلقا ازرارها في الدركسون بس

وهذا يعطيك هدوى في التصميم الداخلي ....






الله يجزاك خير .. وابد خذ راحتك ...

الجواب الاول .. الكلام هذا سمعته مثلك وسمعت انها ممكن تطول الى بداية 2012 ..

الجواب الثاني .. الي لك صيانة مجانية لشغل اليد ولتغير قطع الغيار و زيوت السيارة

ولكن قيمة قطع الغيار عليك ولازم تنتظم معهم بالصيانة ممكن انك تتاخر الى 1000

كيلو ولكن لزم تجيهم و لا راح يقلون عرض الصيانة المجانية راحت عليك ... ومن

ناحية الضمان ثابت 3 سنوات صيانة مجانية او 60 الف كيلو + سنتين صيانة ممددة او

200 الف كيلو المجموع 5 سنوات 3 منها مجانية و 2 منها كل شي بحقة هههههههه

الجواب الثالث .. لا ولكن سمعت زملاء معي بالشركة يقولون ان قيمة الكفر حجم 18

تقريبا 800 ريال للواحد واكيد 20 راح يكون اغلى ..

الجواب الرابع .. والله الي اذكرة عطوني شنطة سوداء تلصق بالخلف و العدة حقت

الكفر واذا عن الطفاية والله ماادري وين مكانها اصلا توني انتبهت لها الحين ههههههه

بادور عليها وارد لك خبر

نصيحتي لك اخوي اللولوي اشوفة افضل وليس اجمل يمكن فيه الوان احلى منه ولكن

هو الافضل والسبب فتحة البانورما تبين بالليل و مايتوسخ بسرعة وخاصة اذا كانت

جديدة وتبي تكشخ فيها وكنت في منطقة مغبرة زي الرياض او شرقية كل 3 ايام وانت

طاب في المغسلة عشان تنظفها واقل خدش يبين باللون الغامق ... واستمتع بالسيارة و

مبروك مقدما

وشكرا ...

على البركة ^_^

وكل الملاحظات اشياء الواحد يقدر يتعود عليها

راق لي شكل العدادات

ماشاء الله
الله يعطيك خيرها ويكفيك شرها
انا صراحتا السيارة هذي ماخذه عقلي
بس خايف منها من ناحية الكمبيوتر والازرار اللمس
خوفي تبهذلني بالاعطال
ولا معروف فورد جودته افضل من النيسان من وجهت نظري
تقبل مروري

هلابكم اخواني نورتو :wavey: .... و مشكورين على الردود والتفاعل مع الموضوع

الفورد افضل الامريكي من وجهة نظر شخصية

الله يعطيك خيرة و يكفيك شرة

تقبل مروري

^^^

كلنا لنا تجارب وانا الحمدلله تجاربي ممتازة وانت للأسف لا صدقني لو انت قبل المورانو شاري التيما ولا مكسيما او باترول او غير عدا المورانو ماراح تشكي لكن قدرالله وماشاء فعل وانا اذكرك بهذا المنتدى وانت الوحيد الي معاك المورانو فل وحتى اذكر حاط موترك بسيارات الاعضاء بس نقول تجربة بائة بالفشل وربي يوفقك بتورس , حياك

لا شكر على واجب موضوعك يستاهل التقييم فيه مصداقية و وضح حياك الله على العموم الف مبروك وان شاالله وضعها تغير :xyxthumbs:



احس كلامك موجه لي :xyxwave: اول شي الحمدلله الواحد نيته صافية ولا قصدي فيه المصخرة ولا شي بس حبيت استفسر انا وصاحب السيارة واذا تبي تتكلم عن السيارات
انا من اكثر ناس ملكو نيسان من التيما 10 الى فتك الى مكسيما 04 الى مكسيما 10 وغيره الحمدلله ماشفت فيها حاجة للحين وعندي المكس 04 ماشية 140 الف تقريبآ الله يعطيها الصحة ماشكيت منها اما المورانو مدري عنة ممكن سوء استخدام او اي شي ثاني سوء الاستخدام يعدم الشاحنات مو عاد السيارات ,, وحنى ماحنى بصدد التكلم عن الخبرات السابقة وهو حاط الموضوع لنقاش ومو شرط اني اهزئة لو حبيتة الفورد يمكن اشترية << وترى عندنا فورد ومفتاحة معاي يعني ماتحدث من فراغ ,,
اتمنى ماكون اطلت سلام :wavey:

الله يعطيك من خيره ويكفيك شره. تقرير مميز ما شاء الله.

ماشاءالله تبارك الله

الي يقول الديكور الامريكي سيء اقول وين راح ديكور سيارات نيسان اسوء ديكور مصنوع مواده هي ديكورات نيسان

يكفي كان عندي نيسان مورانو 2009 طلعت روحي وهي مو ماشية اكثر من 13 الف
كل يوم صوت بديكورر وبدى يتهررربد والله يمكن لو كان وصلت فوق 30 الف كل سيارة
راح ينهاررر ديكورهااا من الاصوات الي فيه

الفورد وتجربتي مع التوسس وللحين ماشي فوق 25 الف اقول يالبيه يالفورد

من المواد العالية المستخدمة في ديكوراتها لا اصوات ولا يمعزنون ابداع وربي

هلابكم اخواني ومشكورين على تقيم الموضوع ....



الله يبارك فيك ... وابد خذ راحتك ... والاجوبة كتالي ..

1- للاسف لا ... ولكن على ماظن انها ما راح تفرق عن الايدج 2010 او 2009 واجد

لن لها نفس قاعدة العجلات ...

2- بالعكس تسارعها ممتاز مقارنة بالــ SUV كروس اوفر من 0 الى 100 في 7

ثواني ولا تنسى ارتفاع السيارة ...

وهذا مقطع تسارع انفنتي FX 35

http://www.youtube.com/watch?v=DSeu28Bg8Vo

وهذا تسارع اللكزس الـــ RX350

http://www.youtube.com/watch?v=lNYpqn89uMs&feature=related

ولو تلاحظ كل الكورس اوفر تسارعها قريب من بعض ....

ومن ناحية القومة جربتها مع كامري و فورد كراون فكتوريا وكانت الغلبة للايدج :ch19:

3- اعطية 8 من 10 بحكم ان السيارة مرتفعة و مقاومتها واحتكاك الهواء راح يكون اكبر ..

4- من ناحية مريحة فا الايدج للراحة عنوان ههههههههههه <<< فاصل اعلاني ههههههه :bigggrin:




الله يسلمك من كل شر ....



الله يبارك فيك ... وبالنسبة للامريكي خذها مني فورد الجديد راح يغير النظرة 180 درجة الى الافضل ويرجع امجاد الامريكي السابقة لن سياسة الشركة تغيرت الى الافضل بعد الازمة المالية عام 2008 ولازم تسدد الشركة التزاماتها للحكومة الامريكية عشان ماتخسر وتقفل ...

و اذا عن المدة انا ناوي اخليها معاي 10 سنوات ان الله احيانا ... وليش لا المواد المصنوعه منها ذات جودة ممتازة و تقدر تلاحظ الشي هذا اذا رحت لوكالة فورد وشفت الايدج المس البلاستك الي على الطبلون وراح تلاحظ انه مرن وفوق هذا الشركة عريقة وهاذي مو اول سيارة تصنعها و لاتنسى عليها ضمان 3 سنوات صيانة مجانية وسنتين اضافية المجموع 5 سنوات .... يعني 5 سنوات ماراح تشيل هم اي عطل في السيارة واذا صار شي ودها الوكالة ... ولا تنسى الوكيل سمعتة ممتازة .....
وبعدين مافي احد يقدر يضمن احد .... السيارات صنع البشر و الخطاء وارد مهما بلغ الانسان من علم سواء كان امريكي او ياباني او اروبي ... ولو كان فيه سيارة ماتخرب ماكان حطو فترة ضمان من 3 الى 5 سنوات لاي سيارة ... كان قالو خذا السيارة و لا عاد نشوفك مرة ثانية لنها ماراح تخرب و راح تجلس السيارة معاك الى الابد فما راح تحتاج الضمان !!!!!!!؟؟؟؟
وانت انسان ماتقدر تضمن نفسك انت راح تعيش و لا راح تموت بعد 10 دقايق .... فكيف تبي انسان يضمن لك سيارة انها ماراح تخرب ؟؟؟؟

واتمنى اني اكون فهمتك ورديت على تساؤلاتك

وشكرا

اول شي الف مبروك الموتر وربي يعطيك خيرة ويكفيك شرة ان شاالله ,, لكن

بصراحة الامريكي معروف بتلف الاكسسوارات مع مرور الوقت وذات جودة رديئة نوعآ ما فيها لكن الاشياء الميكانيكية ممتازة و من المفهمو هذا ممكن سؤال ..

كم تبي تقعد معاك السيارة 7 سنوات تقريبآ ابغاك تحسبها صح هل تتوقع ان الطبلون بأكمل (الداش بورد) اللمس هل سيعيش يعممر معاك .!!!؟ اعتقد لابود من خلل واعتقد فورد خطوتها هذا استعجلت فيها وليس بلقرار الصائب لو عاد هم مخلينا بصغيرة ممكن بكروسفور ماتمشي لان الكروسوفر مهيآ نوعآ ما لطرقات الوعرة كيف عاد اللمس فيها !

هذي تسألاتي واتمنى تفهمها وتاجاوبني من منظورك وتحافظ على الموتر لان شكله حساس حدددة .. واتمنى ماثقلت عليك او طولت

السلام عليكم

ما شاء الله
تقرير رائع ومميز يحمل المصداقية في ذكر اللميزات والملاحظات والتي كما ذكرت تعتبر ثانوية ولا تؤثر على السيارة بشكل عام

اشكرك على تقريرك الرائع وعقبال تقرير ال100 الف ان شاء الله

مشكور ويعطيك العافية والله يبارك لك في موترك ويكفيك شر الحوادث

ماقدر اقول الا ماشاء الله تبارك الله ..الله يعطيك خيرها ويكفيك شرها ويحفظلك هيا يارب .
واحسنت الاختيار في هذه الجوهرة .

.....

وبصراحه كلام الرجال صح والله بدون مبالغه الادج الجديد هذا مصيبة الصلاة ع النبي :bigggrin: كل ما اشوفه ماشي يخليني غصبا عني التفت له لاني شفت واحد ليميتد احمر ماشي من بعيد خلاني اطالع غصب ماشاء الله وواحد الظاهر ابيض سبووورت شكله هذا الي صراحه توب التوب .
......
وبالنسبة للأساله كلها خفايف .

1- هل سألت عن قطع الغيار او الاقمشة او اي قطعه كانت ؟

2- كيف عزم السيارة من ناحيتك لاني في الفيديو كاني ملاحظ انه ثقييل في التسارع !! ولا انا غلطان يعني كيف مستواه مع الكابريس 6 سلندر والالتيما 4 والماركيز ؟

3- مارأيك في العزل الصوتي للسيارة على الخطوط كم تعطيه من 10 ؟

4- هل هي مريحه في القيادة او ماشابه ؟

ومعليش طولنا اسأله ^^ .
....
تقبل خالص تحياتي..

الله يجزاك خير ......

هلابكم اخواني ...مشكورين على الردود والتفاعل مع الموضوع ....



الله يجزاك خير ... وهذا من ذوكك اخوي وعقبال ماتاخذ السيارة الي في بالك :smilie16:



الله يسلمك اخوي وابد حاضرين وبالخدمة ... وبالنسبة للمواصفات الي ناقصة النافيقيشن فقط والسبب المشاكل في التشغيل وتحديد المواقع ويبي لها وقت ...



هههههههههه ... هلابك اخوي وابد خذ راحتك وانا حاضر وبالخدمة ...

وانا ايدك بالراي ... وخاصه اذا كنت ماشي بالسيارة في الزحمة ولكن اذا وقفت عالم ثاني ....


وفعلا صحيح تقدر تتحكم في اغلب خيارات السيارة من الدركسون و في الطبلون شاشتين LCD مصغرة الي على اليمين للــ ( المكيف , المسجل والراديو، النافيقشن و غير متوفر حاليا, الهاتف ) طبعا لبعض الوظائف المهمة و الباقي من شاشة اللمس والي على اليسار تتحكم في خيارات السيارة مثلا اذا كنت تبي باب الشنطة يفتح بالهيدروليك ولا لا او المكيف تبية يشتغل توماتيك مع تشغيل السيارة عن بعد ولا الا او تبي تفعل البصمة للباب ولا لا و الكثير من الخيارات....


وبالنسبة للصيانة المجانية جاء مع السيارة بدون اي رسوم اضافية ومدتة 3 سنوات او 60 الف كيلو و ايهما اولا ....


وبالنسبة للبانوراما مظللة وتقدر تستمتع فيها حتى اذا كان فية شمس ....


واذا عن التطيعس للاسف لا ماجربت ... ولكن فيه واحد من الشباب معاه اديج 2010 من هواة التطيعس يمدحها كثير ....


وبالنسبة للالوان انا اشوفها مسئلة اذواق وانا افضل اللون الؤلؤي لسببين ...
الاول لون مرغوب عند اغلب الناس ويعطي منظر اضافي للسيارة ...
الثاني عشان فتحة البانوراما تبين سواء بالنهار او بالليل ولاتنسى ان السيارة مرتفعة واذا كان اللون غامق ماراح تبين فتحة البانوراما بالليل ...

وعقبال ما تاخذ السيارة الي في بالك




فعلا السيارة ملفتة للانتباة واذكر مرة وقفني واحد ونزلت له الدريشة واول جملة قالها لي مشاءالله تبارك الله عيني على سيارتك باردة وقالي سيارتك ملفتة للانتباة ...


اما النقطة الخامسة كلامك صحيح اخوي تقدر تتحكم بقوة الاضائة مو بس للطبلون وحتى للشاشة اللمس و مو بس كذا فيها حساس يتحكم بقوة الاضائة اذا كنت بالنهار تكون الاضائة قوية واذا بالليل تكون الاضائة خافتة على حسب برمجتك للاعدادت ولكن حتى لو تخلي الاضائة على اقوى شي راح تلاحظ بضعف الروئيا نسبيا
وعقبال ما تاخذ سيارة احلامك

وشكرا ....

ماشاء الله تبارك الله

الله يعطيك خيرها .. ويكفيك شررها..

اول ما شفت الايدج 2011 عن طريق الصور في النت قبل نزولها عندنا في السعوديه صراحه ما هضمت شكله وكنت افضل شكل القديم عليه لكن بعد ما شفت السياره عالطبيعه تغيرت نظرتي لها وفعلا طلعت غلطان والسياره ملفته للنظر بالتصميم الجديد وانوار الصدام الطوليه
بالنسبه لاغلب الملاحظات الي ذكرتها اتوقع كلها مساءلت وقت وتتعود عليها
اما بالنسبه للنقطه الخامسه سمعت من الشباب انك تستطيع تغير لون الاضاءه حتى تناسبك
الله يطعمك خيرها ويكفيك شرها ويبارك لك في حلالك

مبارك على اول 3 شهور وعقبال ما تحتفل بعيد ميلادها اول سنة :)

بطء الشاشة مواقع كثير كتبت عنه وبيني وبينك هي صحيح الشاشة اللمس تعطي شكل ومظهر تكنولوجي لكن ما احسها عملية لواحد قاعد يسوق

لكن اللي اعرفه ان جميع وظائف السيارة تقدر تتحكم بها من الدركسون وتطنش الشاشة تمام اذا تبغى , هل هذا صحيح؟

وبالنسبة للصيانة المجانية هل هذا عرض جا مع السيارة؟؟ وكم مدته ؟

والسقف البانورامي هل هو مزعج مع الشمس ام فيه تظليل؟

وجربت تدخل البر بالسيارة ولو على خفيف؟؟

هههههههه ويكفي هذه الاسئلة الان وباقي الاسئلة بعد صيانة ال 16 الف كم :)

ااااااخر سؤال ليه ايش رايك باللون الفضي هو احسن او الابيض اللؤلؤي ؟؟

وربنا يبارك لك في السياااااااااارة