نــاوي علــى الشــراء ومحتــار .. الصــور بالداخــل ؟؟ !!

اكسبدشين
السياره الثانيه خخخخخخخخخخخخ

لا والله انا انصحك بالدرانجو
لان المكينه اكبر وهيمي
واطلق من الفورد

ادا كنت تتكلم عن الدورنجو الجديد فأن سعر الدرونجو الـ 6 سلندر هو الذي سعره مقارب للأكسبدشن 8 سلندر اما اذا بغيت دورنجو 8 سلندر راح تدفع مبلغ اعلى بكثير من الأكسبدشن
اما عن الأكسبدشن فهو مريح جدا جدا العيب الوحيد الي فيه هو صوت الديكور خصوصا في فصل الصيف و خصوصا في النهار بسبب حرارة الجوا عندنا وغير ذلك فأنها ممتازه

نصحني البعض بالإنتظار حتى نزول موديل 2012 للاكسبديشن

لأن الاحتمال الأكبر أن يكون هناك تغيير في الشكل ،،

أشكر جميع من وضع رأيه هنا

الأقرب للشراء هو الإكسبديشن

أما بخصوص الإكسبلورر .. أنا كنت بالوكاله أمس وقالوا ( بعد عيد الفطر ) ،،

دام انك بتصبر ل 2012

انصحك تشوف منافس الدرانقو الفورد اكسبلورر

الدرانقو

[img]http://www2.0zz0.com/2011/05/23/08/904417072.jpg" alt="" loading="lazy" class="post-attachment">[/IMG]


الاكسبلورر

[img]http://www2.0zz0.com/2011/05/23/08/518412139.jpg" alt="" loading="lazy" class="post-attachment">[/IMG]

امس كنت قريب من شركة جيب ودودج , دخلت وشفت الدورانجو الجديد

بصراحة تعيس بشكل ما تتخيله

المقعد في المنتصف مرررررة صغير وغير عملي والجلوس فيه متعب وغير مريح

انا انصحك بالاكسبيدشين

واذا حبيت تشوف تويوتا سيكويا تراه ذو جودة عالية ووسيع

لكنه ضخم

اي سيارة ما تشوفها منتشرة بالسوق لا تجيها لانك تتورط بالاخير انا اشوف الاكسبيدشن افضل ومعروف من قبل الناس ولة شعبية ممتازة بالسوق لكن الدودج ما علية اقبال من قبل الناس وكذلك وكيلة تعيس ماعليك صح مكينة مااادري وش حجمها وهيمي وماااعرف ويش لكن الفودر الاكسبيديشن افضل منها وعلى كل حال انت اسال اللى جرب السياراتين وخذ انت الانطباع منهم وكذلك شوف اسعارها بالمعارض وقارن وشوف كم اكسبيدشن بالمعرض وكم دودج دورانجو وراح تعرف وش تشتري ولكن عن رغبتي لو باشتري الاكسبيدشن اكيد بلا تردد افضل من الدورانجو بكثير والله الموفق

شوف بقول لك موضوع القوه لا تهتم له كثير اقصد يعني كل السيارتين اداء محركاتها فوق الجيد جداً وبعدين مااتوقع انك راح تمشي بسرعات عاليه بسياره ضخمه مثل الأكسبدشن او الدرانقو . علشان كذا أنا انصحك تهتم بنقطة الصيانه اكثر يعني مثلا توفر قطع الغيار وكذلك رخصها وكل الشيئين هذولي متوفره في الأكسبدشن وتوكيلات الجزيره مشهوره بأنها افضل وكيل يقدم صيانه لسياراته . هذا رئيس الخاص والله اعلم *

على حسب تحتاج المساحه الداخليه الكبيره ولا لا

لأنك قاعد تقارن سيارتين مختلفتين من حيث الفئة

وانا اقول بينهم احتياجاتك هي الي تحدد



مسألة ذوق تعتمد على ذوقك الشخصي ومافي تصميم يتفق عليه الجميع



المواصفات كلمة عامة وشاملة ولا ادري وش تقصد فيها بالظبط
اما الراحة والعزل والثبات والرساوه فهي جيده في الاكسبديشن
لاكن مدري عنها في الدودج



الاكسبديشن يتفوق بدون نقاش

واهم شيء لاتنسى الاستخاره وبالتوفيق

و عليكم السلام ورحمة الله وبركاته

اخوي , اذا انك تقصد دورانجو الشكل السابق ( 2007ـ2009 )

فأنصحك أكيد في الـ إكسبديشن :)

اما اذا الدوارنجو الشكل الجديد , برأيي الدورانجو 2011 فيه مميزات متطورة وحلوة ,

وتحس انك مشتري سيارة 2011 :)

والسيارتين روعة , لآ تنسى الأستخارة

والله يوفقك , اخوك سهيل :)

اضم راي ال المفارق
جربت اكسبدشن 2003 جبار
مع انه تم شرائه مستعمل من صاله
احسن السيارات الامركيه

اكسبدشن ولاكن بيتغير قريب

لو تشوف الدورانجو الشكل الجديد

كا ماتعطي الاكسبدشن وجه وجربته

مااقول الاماشاء الله القوة والعزم

والراحة والمكيف وارجواني افدتك

والسلام عليكم وحمة الله وبركاته

(

الشكل ( من الخارج الأمام والخلف ومن الداخل )

هذي تعتمد عليك وإختيارك لأنها مسألة ذوق

- المواصفات - الراحه - العزل - الثبات والرساوه - الأقل أعطال - الوكيل والصيانه وقطع الغيار - الأكثر تحمل لأجوائنا )

أنا جربت الإكسبديشن وأشوف فيه هالمواصفات ممتازه جدا
وبالنسبة للصيانة وقطع الغيار , معروف أن الدوج قطع غياره غالية
عكس الفورد قطع غياره أنسب من الدوج

والأهم تجرب السيارتين عشان تحكم بنفسك من ناحية الرساوة والثبات والعزل

وفي الأخير لك حرية الإختيار