السلام عليكم ورحمه الله وبركاته
حبايبي انا عندي مشكله في سيارتي كابرس 2006 ماشي حول 135الف
والمشكله هي دخان ابيض وريحه كربون ومويه بكثافه من الشكمان
المشكله لاحظتها قبل حوالي شهر او اقل طفيت السياره ابو ساعه كذا وبعدين رجعت للسياره وشغلتها طبيعي وانا قاعد اسولف مع خويي الا قاعد يقولي ليه سيارتك تطلع دخان نزلت الا اشوف دخان ومويه من الشكمان في عز الظهر الساعه 12 !! ولما ادعس لها بنزين اسمع صوت قرقعه في الشكمان والدخان يزيد والمويه تتطاير حول الشكمان
واخرتها امس خليت السياره حوالي يوم كامل وبعدين جيت ابي اشغلها ما اشتغلت الا بعد المره السادسه او السابعه مع العلم ان السلف يدق مضبوط لكن السياره تحنحن وما تشتغل وضغط بنزين حاولت فيها بس ما فيه فايده وبعدين اشتغلت وطلعت نفس المشكله الشكمان فيه صوت قرقعه وطقطقه لما ادعس بنزين بقوه وقبل شوي رحت شغلت السياره واشتغلت لكن مع ضغط البنزين :a1120(82): والدخان والمويه طلعت وايضا لما السياره مثلا تكون في الدي و واقف في الزحمه او عند اشاره او اي مكان وادوس بنزين اشوف عداد الضغط ينزل عن النص و احسها بتطفي وبعدين تمشي السياره
ملاحظه: الدخان له ريحه كربون ويعمي العين - الحمد لله السياره ما تنقص زيت - مويه الرديتر مضبوطه
قبل حوالي شهرين دعست للسياره بقوه وفجاه طلع دخان كثيف من الشكمان ولما هديت المكينه كانت ترج وفيه دخان خفيف من الشكمان والرجه مره قويه وتحسها بتطفى و بعدين غيرت واحد من الكويلات كان خربان وقلت يمكن المشكله منه والحمد لله حسيتها هدت شوي لكن الحين طلعت المشكله ذي فمادري هل هي متصله فيها او لا
وظهرت عندي مشكله ان دخان الشكمان يعمي العين بعد تنظيف البخاخات الكترونيا احس فيها ريحه المحلول حق التنظيف فمادري وش السالفه وهل انا اوسوس بخصوص ان تنظيف البخاخات بالكمبيوتر له اثر او لا !!
تكفووون افيدوني بالحل يا جماعه الخير
