تجربتي مع اللون الاسود

صحيح اللون الاسود يبغى عنايه ويبين فيه الاوساخ

دعاية واضحة

بنظري كل هذه الأفلام الشفافه في مقدمة السيارة كلام فاضي وكذلك التظاليل بأنواعها ..!

والكوري الرخيص بـ 100 ريال يؤدي نفس الغرض 100% وكذلك ضد الخدش.!! وأيضا الأفلام تشاهد انها بدأت تميل للاصفرار من الشمس والطبقه واضحه .

أود أن أنبه على نقطه .. هناك أنواع مختلفه من البويات فمثلا الأفلانش الجديد بويته سيئه مع مرور الوقت حيث انها حساسه للون الأسود وكذلك الفورد

فما ان تمر سنه كامله إلا و يتضح على البويه آثار التموج والدوائر على البويه مهما كانت العنايه .!

ولكن انظر للسيارات الألمانيه والأوروبيه بصفة عامه تبقى بلمعتها ولاتشاهد عليها اي تموج حتى بعد مرور سنين
وذلك بسبب جودة البويه وكذلك إضافة طبقه حمايه عليها حتى انه يصعب عليك ان تخدشها بأي شئ ..!!

لذلك الأسود يختلف .. وأنا لا أفضله في السيارات الجديده لأنه سيئ!


شكرا لك

اشوف انك مضلل كاتم ،،، الله يعينك لو وقفوك في نقطة التفتيش مخالفة + ازالة التضليل ،،،

عندي نقطه باضيفها
احس فيه ناس يهتمون بالسياره لدرجه موطبيعه ويتكلف مبالغ هو بغنا عنها وبالعكس فيه ناس (بفلوشه يخرب سيارته ) ويضيف اضافات مالها داعي
اهم شي نظافت المحركات في المقام الاول ثم الداخليه والبدي والسياره بتكون مافي احلا منها
وعني مبداء اني السياره سيرتها تخدمني مااخدمها

انا كان عندي جيب اكس تريل اسود امتره اخطوط على طريق حرض الخرج الشرقيه لا لمعه راحت ولا شي بس الشبك والعلامه شويات خف لونها يعني مو الشي الكبير اللي يخاف ان لون السياره يطاير وفرط مثلا تطاير ياحبيبي 500 ريال بالكثير بويه محترمه وانتها الموضوع
ومن ناحيت اللون الاسود بصراحه حلو اذا غسلته تحس بفرق وعادي 50 ريال في الشهر كل يوم ويوم ابو هنود يمسحه لك وانتها الموضوع
ومن ناحيت ان الاسود يجذب الحراره اوكيه يجذب الحراره لاكن تائثره بنسبه كم يعني اتوقع مايتجاوز5%
واشوف اللي مركبين عوازل للصدام يبان خط العازل وخاصه لكان فيه اغبار والتظليله ياحبيبي ب100 ريال ولا احلا مافيه فرق وذا فيه فرق حط بره وجوا ب200 ريال

صادق يابو ريان ..

جميع اللي ركبو حمايه تحسفوا اخوي مركب للجيب من فيلم وهي شركه دوليه الشمس داخل زي الليزر واللي ركبو تضليل عادي اقل حراره بس صرف اموال على الفاضي يمكن حق الترميل يقلل من اثار الرمل خاصه بأيام العج لكن غالي جداً واحد معه كرلا الوجهيه بــ1700 ريال
,,


*لكن صاحبنا واضح انها دعايه لم يرد او يعقب على موضوعه ولم يوضح الأسعار..

يمديك تسخن شاهي من حرارة الشمس الي عندنا ويقولوا لك ممنوع التظليل

للأسف تجربتي لجيوشلد غير مرضية
وضعت تظليلة كاملة للاكسبدشن ولم أجد ذلك الفرق في العزل الحراري
علما أن لي سابق تجربة مع شركة قوية وكان عزلها ممتاز وملموس
وأيضا وضعت من جيوشلد حماية للوجهية وهي الآن مليئة بالخدوش
من أثار مسح البدي بعد غسيل السيارة

اللون الأسود عاكس لأشعة الشمس وكل الألوان الداكنه لكن الغماره ليسىلها دخل بلون السياره الخارجي الحراره واشعة الشمس رايحه تدخل من خلال القزاز لأي سياره والتضليل يخفف من الشمس لكن الصيف عندنا لايفيد فيه شي إذا كانت الحراره المحيطه بالسياره قريبه من الــ50درجه ستكون الغماره بنفس حرارة درجات الجو المحيطه وقد تزداد قرابة10 درجات لسكون لهواء ,,انا اقول التضليل العادي 80ريال ولا احلى لو شاله المرور ماهو حسافه ,,لكن السيارات المستورده من امريكا فعلاً مواصفات القزاز فيها لاتقارن بالسعودي لأن التضليل اساسي وانا استغرب بأمريكا لاتوجد شمس حارقه والتضليل اساسي بسياراتهم وحنا درجة الحراره نار من الساعه 7صباحاً وقزاز السيارات حسب مواصفاتنا كأنه بيالة شاهي تدخل الشمس من ابدع مايكون وكأننا بالقطب الشمالي لكن المسأله تقليل نفقات على الوكيل لازم نروح لمحلات التضليل يصكونا بـ2500ريال ويمسكنا المرور من بكره ويخلينا نشيلها مع الغرامه طبعاً...

*الله يعين..

حطيت تظليل على البودي يعني ولا ايش الهرجة؟؟

أخوي كوكو 99
أنسخ العنوان وحطه في قوقل بتشوفه حاطه في منتديات كثير وكلها أول مشاركه

8888888

عادي مو مشكله الرجال وضح في اول الكلام انه كان يعاني و بحث عن حلووول و لما وجد الحل نزله هنا للفائده

سؤال هل هذه دعاية للشركة ؟.

يعني ودي أدري وش دخل العناية بالسيارة بتلميعها .؟

الي أعرفه أن كثرة التلميع تخرب السيارة فــيعني أن التلميع ليس من أمور المحافظة على السيارة ..

وبعدين معرفك أفلانش 2011 معقول واحد يلمع سيارة موديل 2011 يعني لها اقل من سنه .؟

صحيح اللون الاسود يبغى عنايه ويبين فيه الاوساخ بس يبقى ملك الالوان