أدور على سيارة وميزانيتي 150 ألف

G37

انصحك فيها ودفع خلفي

لو مدخل الامريكي في الخيارات كان عندك دوج كابرس فورد كرايسلر

تحياتي لك

الجي بتتغير في 2013 وبتوصل في 2014 ..

والتغيير بسيط ..

وعليكم السلام
بخصوص تغيير الشكل فلا أعلم ، لكن أقترح عليك تزيد فلوسك وتاخذ إنفنتي FX 35

اودي A4 ^^

كابرس اس اس
او
g35 بس بـ يتغير شكلها حسب كلامك
:
خخخخ توني افكر فـ الياباني الدفع الخلفي نادر فيه واكثر شي فـ الانفنتي !!
شطحه : ليه الياباني مايجيب دفع خلفي .؟
مع اني اظن انه احسن من الامامي .؟!

الله يعطيكم العافية على الردود

أنا جدا عاجبتني الـ m37 ولكن سعرها 192 ألف عندنا على كلام الأعضاء

الكاديلاك CTS
حلوه مره

الانفنيتي G راح تتغير بشكل كامل لموديل 2013 مش بس تغيير صدام وزوايد
راح تتغير بشكل كااااااامل
واللكزس IS بعد راح تتغير لموديل 2013 والسياره قاعدين حالياً يعلومن لها تجارب

اذا تقدر تزود فلوسك الى 180 ألف عندك الانفنيتي M37

كآبريس ss..
آنفتني G37
لكزس IS

وطبعآ شف اللكزس GS .. بس مآدري عن سعرهآ ..

واذا بتنتظر الكرآيسلر الشكل الجديد .. :)

اذا راح تتخلى عن خيار الدفع الخلفي

فانا ارشح لك التورس بكل قووة

وتجي دفع امامي او رباعي



بالتوفيق

اخوي انا انصحك بل جراند شروكي 2011

الاسعار ستاندر 140000

ليمتيد 160000

اوفر لاند 180000

وانا انصحك فيه لانه صدق سيارة كرف ودلع

.
.
.
اخوي G37 ستتغير في 2013 كليا

لو انت في امريكا قلت لك لاتشتريها لانها احتمال تنزل عندهم في منتصف 2012 مثل M56 الجديدة
لكن في الخليج عموما لن تنزل حتى يبدا موديل 2013 وهذا يظهر فيM56الجديدة حيث نزلت مع بداية 2011 مع انها نازلة في امريكا قبل ثمانية اشهر من التاريخ هذا وحتى الحمراني الى الان ماوفرها بشكل كبير ونحن في منتصف 2011 بل بالقطارة يعني يمديك تستانس بسيارتك وتبيعها والموديل الجديد مانزل

واما FX فانه يباع في معرض في النسيم ويغطيه الحمراني بالضمان بعد ماتراسل نيسان الشرق الاوسط وهناك اخ اخذ منهم ودخله في صيانة الحمراني
الغريب ان فرق السعر كان كبير جدا بين الحمراني والمعرض هذا حوالي 25000 ريال اذا كان 2010 وحوالي 40000 اذا كان 2009 مع ان المواصفات والشكل نفس بعض

الـ Infiniti بتتغير في 2012 إن شاء الله والكوبيه بتنزل في 2013 وهذا من كلام المواقع الأجنبية وأيضا معروف أن Infiniti تغير شكل السيارة كل 4-5 سنوات

والتغيير الي تتكلم عنه إسمه facelift حيث أن الشركة تقوم بعمل بعض التغييرات البسيطة للسيارة وهو يعتبر مؤشر لنص مدة تغيير الشكل وهذا صار في موديل 2009 إذا انا منب غلطان

الكاديلاك عاجبتني

والفورد تورس ما عجبني شكلها

وأشكرك على مرورك

G37 ماراح تتغير إلا بـ 2014 وتغيير بسيط اللي هو تغيير في الصدام الامامي بالاسفل وزوائد جانبية بشكل مختلف و الجنوط اختلاف ايضاً بسيط ...

يعني تغييرات بامكانك تاخذ السيارة ووقتها تاخذ الصدام وتركبه

بتنزل بنظام الرادار الامامي الموجود بالـ M الجديدة ونظام النقطة العمياء ..

سيارة روعة ثباتها قوي تحكمها قوي جداً ..

اذا لك نظر في الامريكي عندك التوروس الليمتد الدفع الرباعي لكن جربها قبل في الوكالة قبل تشتري ..

ابعد عن الكابريس او التويوتا الاسترالي مثل الاوريون من أسوء السيارات في نظري عن تجربة طويلة

فيها مميزات وفيها مساويء بنفس الوقت تكرهك السيارة ..

عندك أيضاً الكاديلاك CTS فخمة ومريحة وسيارة رياضية وسواقتها فله من قلب ... قطع الغيار قد يكون غالي شويتين بفرق 100 ريال او 150 ريال عن الانفنتي لكن الوكيل الجميح افضل من الحمراني طبعاً ..

بالنهاية اقولك عليك بالتجربة

والوكالة اللي ماتعطيك تجربة لاتاخذ منها قل خلوها لكم وصدقني بيدقون عليك يترجونك تجي تجربها :)

الله يعطيك العافية على الرد

أنا زي ما ذكرت ميزانيتي 150 ألف وعادي أزود كم ألف والإنفينيتي g37 كانت من ضمن إختياراتي لكن شلتها من راسي لأن الشكل بيتغر قريب

والـ IS نوعا ما صغيرة من الداخل والخارج


شفت الـ fx35 موديل 2009 وفوق وعلى كلام واحد من الشباب الحمراني يبيع منها مستعملة والصراحة السيارة داخلة مزاجي

أتمنى الي عندهم خبرة يفيدني إذا السيارة يجي عليها ضمان إذا هي مستعملة وهل الضمان يتمدد وهل السيارات المستعملة من الحمراني تجي نظيفة