تقرير عن تجربتي لي جي ام سي سيرا 2011

السلام عليكم ورحمه الله ووبركات

ماشاء الله ع السيرا
الله يحفظه

اخوي سيرا بالنسبه لاستفسارك عن نظام ال 8 و ال 4 سلندر
السياره اصلا شغاله ع الثمانيه بس اذا ثبت السرعه ع 120 او اقل فتره نص دقيقه او 20 ثانيه تتحول 4 سلندر ولازم يكون شارع سيده مش رمله اول طعووس يعن يوانتي ماشي ف البر ما تكون 4 سلندر واصلا اذا شغلت الجبل مستحيل تكون 4
بالنسبه للراحه الموتر عال العال انا استعمله سنه ونص وماشي 100 تقريبا وماشاء الله عليه يوميا امشي 100 كيلو والامور طبية
بالنسبه للصرفيه اذا تمشي 120 الفل تاكي عادي يمشيك 650 كيلو وانا شخصيا مجرب طبعا خط
اما اذا اتسخدام مدينه بدون دعاس عادي 550 كيلو اما دعاس ولعب ( انا اسميها سواقه خباال خخخ ) 450 كيلو .. كلها تجربه شخصيه

بالنسبه للمكان عندك ال 5300 لا تاخذ اقل لان عزمه بيكون طايح
وعندك ال 6000 تجي ع شاصي ال 2500 والدبل تاير 3500 المكينه قويه بس الموتر ثقيل لكن يعجبك ف البررر
وشي مكينه 6200 وهذي تنزل ع الدينالي طبعا هالموتر موتر دلع مش بر ولعب

نصيحه عليك بال5300 غماار
بس اذا انته راعي بر وطعووس خذ شفر ابرك لان خشمه مرتفع وما يضرب ف البررر بس مش مرغوب وايد لان شكل الجمس احلى والناس اذواااق

واي استفسار انا حاضر ^^

الله يحييك ياالغالي وكلنا ماسجلنا في الصرح الشامخ الا اولا لنستفيد ثم نفيد

الله يحييك
هذا ايضا فيه كنسول شفت المرتبه الى تجي في الوسط ايضا ممكن رفعها للاعلى وتحصل درج تحتها كبير هذا غير التكايه الى بالوسط وايضا فيها درج

مشكووور على الرد يالغالي ومعليش اتعبتك معي شوووي..
بس بالنسبة لتحويل الثمانية سلندر إلى أربعه هذا اللي كنت خايف منه
يعني مثلا أنا بالبر,,أمشي خفيف يشتغل الابعه سلندر..وجاني هيار إذا دعست
تشتغل الثمانيه..مشكله كذا أنت تعرف البر والتطعيس تدعس وتخفف تدعس وتخفف
وكذا أحس أن المكينه بتخبط .....
بالنسبة للحساسات والله غريب المواصفات مواصفات خليجيه واللي عندنا
زي اللي عن باقي دول الخليج..يعني أنا ماشفت واحد ولا اثنين شفت عدد
من السييرا فيه حساس....
والله الحوض على العين والراس ويتحمل أكثر ولا بالفرق.لكن سعره 120 ألف؟؟
والله حرام ادفع به هذا أول شي وثاني شي صراحه أنا جربته لمدة يومين
متعب جدا جدا جدا يعني لدرجه تكره الموتر.والشي الثالث اذا مشيت 100
تسمع صوت الهواء مافيه عزل ابد..هو تدري وش حقه..حق اللي يقعدون
بالبر شهر ..أو شهرين أو أكثر..أنا بس إذا جاء الشتاء بكسره بالبر..
وأبي بالسفر على قولتك مريح..ممتاز أقدر أسافر به..وبالمشاوير أقدر استخدمه
يعني هو 3 سيارت في سياره واحده..ولا تنسى الطرب..ودنا ننطرب بالفورتك هع^^
فالحوض مثل ما قلت هو حق شنبات اللي يقعدون بالبر مدة طويله.وكذلك هو استخدامه
جيد جدا جدا من ناحية العسكريه..يعني في احداث ليبيا واليمن اشوف يركبون عليه
خلاط ماشاء الله ويتحمل.وايضا هو جيد جدا جدا في أفريقيا .للذين يحبون.الاستكشاف
لهذا صنع الحوض..أما عن استخدامنا أعتقد أن السييرا أفضل..المهم طولت بالكلام
أشكرك مره ثانيه على تفضلك والرد على اسئلتي الكثير..والله يعطيك ألف عافيه مشكور
وما قصرت تسلم أناملك..تحياتي

وعليكم السلام
تقرير رائع
بنسبة لسيارة
لو اخذنا سعرها بالمواصفات الموجود بها مثلا لوجدنها انها رائعة بكل المقايس

كل عام وانت بخير

تشكر على التقرير الحلو وفعلا سياره احلامي السييرا
بس سؤال محيرني ليش السييرا عندنا ما يجي منفصل من الامااام ليش كله متصل الامريكي يجي منفصل وتعرف المنفصل افضل يعني يكون فيه كونسول امامي

^^^^^^
الله يحييك وابشر بالي اقدر عليه
فعلا السياره اقتصاديه والسبب كون السياره تمشي على السرعات العاديه وعدم الدعس بقوه على اربع سرندل اضافه الى انه ست سرعات اماميه
اما عند الدعس بقوه فيشتغل على ثمان سرندل واكيد الصارفيه تختلف لما تمشي السياره على ثمان سرندل لان المحرك من نوع فورتيك
لكن عزمه وهو اربعه سرندل قوي وفيه خفه حلوه رغم انه امريكي
اما التحويل من اربع الى ثمان بالعكس حركه حلوه والسلبيه الوحيده فيها هي بطء التجاوب تقريبا ثانيه ونص عندما تكون ماشي وتدعس لان القير مايعطيك النمره الصحيحه الا بعد ان تتحول المكينه الى ثمانيه وبعدين يعشق على النمره الى تناسب السرعه المطلوبه
وهو يجي ثلاث مكاين الاولى 4200 سته سرندل وهي نفس المكينه الى تجي على البليزر 2006 وفوق
الثانيه 4800 ثمان سرندل والثالثه 5300
وفيه 6000 لكن هذه للدينالي
ومن حيث العزل اعطيه 7 من 10
اما الراحه فهو قريب من الباترول الفتك وممتاز بسفر
اما الحساسات ماادري والله لكن بالسعوديه له ثلاث وكلاء وكلهم نفس المواصفات ماعاد العيسى تجي مراتبه كهرب ممكن يركبونها او هو خليجي الله اعلم
والفرق بين z71 وال 4*4 كبير
ال 4*4 يجي داخليه رصاصي مع اسود والدبل قير ارضي بدون مثبت ولا سيدي ولا تحكم عن طريق الدركسون والجنوط مقاس 16 وبدون دفلوك وبدون تراكشن كنترول طبعا فيه اختلافات في التعليق والمساعدات اما الباقي فهو نفس ال z71

اما الاستخدام السيء فما اعتقد انه بيتحمل مثل الياباني لكن اذا هذا استخدامك وراه ماتشوف الشاص تايوتا اتوقع انه افضل في التكسير من الجمس

وعليكم السلام ورحمة الله وبركاته
أولاً أشكرك كل الشكر ومن أعماااااق قلبي على طرحك
تجربتك ومجهودك وتعبك الواضح في تنسيق وطرح الموضوع.
وبما ان التجربه للسييرا هههههه سأزعجك قليلا بأسئلتي
لأنه إن شاء الله أني بشتريه..
اول استغربت لما قلت أنه اقتصادي في الوقود..
هل هو أقتصادي عندما أفجر المكينه؟؟ وأجرب التسارع؟؟
لاني إذا شريته بيكون استخدامي سلبي له..
والشيء الثاني هل تشغيل اربع سلندر موجوده بالسييرا
أم في اليوكن والتاهو؟؟.وإذا صار فيه ..كيف طريقته؟
أنا سمعت على حسب الدعس للبنزين إذا دعست خفيفه
يشتغل اربعه سلندر واذا دعست على الاخر يشتغل 8 سلندر
وهذي صراحه قمة في الغبااااء اتمنى أن تكون المعلومه غلط
وهل هو مريح بالسفر؟؟.كيف عزل الهواء؟.ماهو تقييمك من 10
بالنسبه للمكنيه يجي بس 5.3 ولا يجي بعد 4.8
وبالنسبة للحساسات..صراحه فقع رااااسي
اللي معك اللحين مابه حساسات وأنا شفت 3 سييرا
غماره فل اوبشن sle به حساس هل هم يركبونه ولا يجي بلد؟
ومالفرق بين z71 واللي مافيه z71 ؟
والله عندي اسئله كثيييييره بس والله منحرج منك كثرت عليك
السييرا السياره نمبر ون عندي ولا افكر بغيره ابد ابد
وإن شاء الله في المستقبل القريب بشري لي واحد
ومشكوووور مره ثانيه الله يعطيك العافيه أخوي
واسف على كثر الاسئله والازعاج

الله يحييك سعره بالمعارض يختلف بختلاف اللون الابيض مابين 105 الى 108 الف طبعا هو ارخصهن
اما الفرق فقط بالاكسسوارات
يعني الي اقل منه داخليته رصاصي مع اسود الدبل عصا ارضي وليس فرار بدون دفلوك وبدون مثبت سرعه وسيدي وتحكم عن طريق الدركسون
جنوطه مقاس 16 ويسجل على رفرف الصندوق الخلفي 4*4 ولا يسجل عليه z71 اما من الخارج مافيه اختلاف سوى الجنوط وعلامه z71 بس والسعر كان 89 الف غماره وحده دبل
اما الصور عندي طالعه
واسف على التأخير في الرد

ماشاء الله تقرير مميز

بسآلك كم اخذته ؟ وش الفرق بينه وبين اقل فئه واذا عندك علم بسعره ؟

وبقولك ان الصور ماطلعت

ولاهنت .

هلا وغلا
اما موضوع التحمل فكلا يغني على ليلاه
فيه شركات يابانيه لا يشق لها غبار بالجوده والتحمل لكن الحين صفر على الشمال ومابقا لها الى الماضي العريق وفيه شركات يضرب بها المثل برداءه وسوء الصنع اصبحت الان علم في رئسه نار
لذالك موضوع التحمل لا يقاس الا بتجربه

والله ياالغالي مرورك انت المميز وشكرا لك

الله يبارك فيك الغماره ونص 117 الف لكن الغمارتين ماادري والله

لكن بلا شك الافلنش افضل لان يقابل الافلنش من شفر الدينالي من جي ام

قناص الرياض

سفير فوق العادة

الله يبارك فيكم وشكرا على المرور

الله يحييك ويرزقك ماتمنى
وزن السياره حسب الاستماره 2219

سيارة جميلة
انا جربت اختها من الشفر مريحة على الطرق الوعره لكن بصراحة لا يمكن مقارنتها بالياباني في البر الياباني اقوي بكثير و شكله ما يتحمل كثير طلعات بر
تقبل تحياتي

السلام عليكم

تقرير رائع لسيارة مميزة وغير مستغرب من مثلك

اشكرك عزيزي على التقرير المميز ويعطيك العافية

يعطيك العافيه اخوي والف شكر لك
عزالله انه مووتر وكبير
لكن السؤال الغمارتين كم سعره؟
وهل هو افضل او الافلنش افضل؟