محتآآآآر بين الاكورد 2012 والالتيما 2011 ارجو منكم الردود لوتكرمتوآآ

انا مجرب السيارتين اخذت اكورد 2008 جلست معي تسعه اشهر كرهت شي اسمه ياباني ...خذ عندك الفرامل الخلفيه ماتكمل 10000كلم الا وهي تحكك ...علبة الدركسون فيها عيب مصنعي يخلي السياره تحذف يمين وكل ما توديها الصيانه يسوون وزن اذرعه تخف الحذفه فتره وترجع ...الابواب يبي لها دائما وزن ليش ما ادري ...اصوات طقه من الشنطه الخلفيه ....!!! اول ما شريتها كنت اتخيل انها سيارة الاحلام قالوا لي السياره الوحيده اللي يابانيه 100%...خرررررطي ...وروح قسم الصيانه عند عبدالله هاشم تلاقي نفس المشاكل في سيارات اكورد 2008و2009و2010 اللي يقول هوندا تلافت المشاكل اقوله اسمح لي ماعندك سالفه او انك مندوب وكالة هوندا....؟
بعتها بسعر كويس الحمد لله وتوكلت على الله وشريت التيما فل كامل ب87 الف والحمدلله الى الآن لها معاي ثلاث سنوات ما غيرت فيها الا الفحمات الاماميه بعد 70000كلم سياره قوه وعزم ومواصفات وكشخه صحيح الوكيل الحمراني تعبان زي عبدالله هاشم لكن السياره جباره واذا تلاحظ انتشرت كثير الالتيما في الشوارع....
بالنسبه لقطع الغيار نيسان ارخص من هوندا بمراحل ...
حبيت انقل لك تجربتي مع السياراتين لآن الشباب متحمسين اللي معاه اكورد بيوصفلك الاكورد كأنها مرسيدس واللي معاه التيما بيوصفلك الالتيما كأنها بي ام دبليو...!!!

^^^^^^^^^^^^^^^^^^^^^^^^^
اجل الالتيما تاتا على غفلة

مين متى والاكورد ارسى حتى في التجارب العالمية الالتيما ارسى وبفرق مو هين ابد ابد
ومن متى والالتيما ماتتحمل
انا ساحب على الصيانه ماشي الان 91000 وبدون مشاكل
احلى شيء الافتاء بدون تجربه
نصيحتي لك كلها مواتر فيها الخييير
استخير الله وربي يكتب الي فيه الخير

1- التحمل ( اكورد )
2- تحمل الحرارة ( اكورد )
3- جودة التكييف مايبيلها ( اكورد ) مكيفها فريزر
4- الرساوة ( اكورد )
5- اسعار قطع الغيار ( تقريبا متساويه الاسعار )
6- المواضفات ( التيما )

ولاتنسى الاكورد عمليه جدا .. وحقت كرف .. تلعن جدها ماتقول اح .. تسحب على الصيانات ماعندك مشاكل !
والميزة الحلوه في الاكورد سعر البيع افضل من الالتيما
لكن قوة محرك ماتقارن بالتيما .. والقومة الالتيما اقوى


توكل على الله وخذ اكورد .. والله يوفقك يارب

الفحمات فيها عيب مصنعي بالكليبرات وتم تغييرها بالوكاله لان صار فيها استدعاء

وهالكلام لموديلات 2008 و2009 وانا مركب الفحمات ع طول عقب ماركبت الكليبرات في الوكاله وللحين ماشيه 70 الف بدون صفير

ونصيحه لك السيارتين ماعليهم كلام

بس استاجر وجرب افضل لك ولاتنسى الاستخاره

بس بكلمك من ناحية الاكورد

في الخطوط ممتازه ورحت بها المدينه مرتين ومكه مرتين وجده والطايف والشرقيه وكل اخر اسبوع مشوار 160 رايح و160 جاي

وهي موديل 2009 وماشيه 190 الف وماشاء الله تبارك الله بدون خرابات وديكورها ممتاز الا ديكور الباب فيه صوت لما تربط فرامل

لكن مهوب قوي وغير مزعج

عزلها الجانبي جيد جدا وعزلها الأرضي سيء ونفس الشي للألتيما لاني جربتها بس يوم واحد

المكيف للثنين ممتاز مع تفوق للألتيما

ميزة الأكورد في ثقلها بالخط تحس وزنها 3 طن

لكن لو شريت الالتيما او الاكورد ماراح تندم

لكن !!!! وحط تحت لكن الف خط

انت وصلت ل118 الف حرام احطها بهالسيارتين فيه خيارات افضل وشكرا

امممممممممم والله مدري اخوي مدامك وصلت 118 الف مدري احس حرام احطها في 4 سلندر و حتى لو فل .

عندك مازدا الترا / افالون / ماكس / كادينزا / تورس .

تحياتي لكـ

+1

وبالنسبة للتكييف كلهم تمام

اما مشكلة الفحمات...الوكالة غيرت نوع الفحمات من سنة تقريبا..واصبحت افضل وعمرها اطول بكثير من السابق

واذا تهتم بالمواصفات والعزم...الالتيما افضل

اما اذا تهتم بالجودة والرساوة والحجم...الاكورد افضل

وكلا السيارتين رساوتهم عالية بس الاكورد ارسى بقليل

وبالتوفيق ^^"

انا اقول دامك وصلت 118

اشتر لك كادينزا 2012 فل كامل افضل من هالموترين بالمواصفات بسنين ضوئيه
و شكل تصميم اوروربي فخم

مشكور اخوي على الكومنت... بالنسبه كيف عزل الهواء بين السياراتين