ارتأيت ان اقدم هذا الموضوع هدية بسيطة مقابل ما قدمه لي هذا الصرح الرائع من خدمات ومعلومات مفيده في السيارات
بختصار
عندي كامري جراندي (ستة سلندر) مرتاح منه وبدون مشاكل ومرة من المرات قبل شهر رمضان الكريم وانا جاي على الهاي وي في عز الظهيرة ومع ارتفاع درجة حرارة الخليج اللي توصل بعض الاحيان لــ 50 لاحظت ارتفاع درجة حرارة السيارة الى النصف !!!قلت عللا وعسى ان هذا شي طبيعي وهي اول مرة تحصل لي لان دائما تكون الحرارة بين الخط الثاني والثالث في مؤشر الحرارة سواء في الشتاء او الصيف وان اشتد الحر تتعدى الخط الثالث بقليل هذا ما تعودت عليه من الكامري منذ خمس سنوات
المهم
وما ان تعديت بعض الوقت والمكيف شغال حتى ارتفع المؤشر فوق النصف وبدأ يرتفع ويرتفع وعندها وصلت الى اقرب محطة بترول وفتحت غطاء المحرك وشفت علبة الماة الخاصة بالرديتر تغلي بشغل مو طبيعي وكأنما قدر من الماء يغلي على موقد وقفت المحرك الى ان برد وخليت فيه الماء بعد ان اتضح لي ان كل الماء الموجود سابقا تم فقده كاملا من الضغط الحاصل وخروجة من فتحة الضغط الموجودة بعلبة الرديتر
قلت هذا يمكن شي طبيعي ويصير مثل هالحالات عندنا في الخليج
وامس طلعت بعد في عز الظهيرة حق بعض الشغل وحدث مثل ما حدث من ارتفاع الحرارة وغليان ماء الرديتر
وديتها كرااج قال لي هذا الرديتر يحتاج تشييش
قلت مو معقولة الرديتر باين عليه جديد والماء نظيف
وديتها لمحل غسيل السيارات قال بعد تشييش سلمت امري لله وقلت له يالله اشتغل فيها
قال لازم توديها كراج يفتح الثرمرستات عشان يقدر يركب مكينة التشييش
المهم شلتها ووهديتها لكراج صاير جنب فرع من فروع تويوتا قلت له يشيل الثرموستات ....الخ
قال: من يقول هزا كلام «مسكين توه بشرب ماي وبياكل تمرة توه مأذن المغرب»
قلت له: نفر تاني في كراج قال لا هذا رديتر واجد زين ما في مشكل هذا ممكن «كاب رديتر» فتحة وقال هذا كاب خراب لازمبدل يصير زين
المهم بدلته بـ اربعة دينار 40 ريال واشوف اليوم الحرارة طبيعية ولا في اي مشاكل
ومسامحة اخذت من وقتكم
العبرة من كل هالحدث وهالكلام ان لربما يتشابه لشخصا ما حدث لي ويتفادى الخسارة وصرف الاموال
