السلام عليكم يا إخواني
أنا ابغى اقولكم عن تجربتي بالنسبه لمكيفات السيارات والحلول
& اولا بالنسبه للسيارات الي مكيفها يبرد لما تمشي السياره وعندما توقف بالزحمه او عند اشاره يكون حار فيه ورشه بالرياض عندهم فني فلبيني ماشاء الله عليه فنان يضمن لك البروده في عز الظهر والسياره واقفه لو ساعتين وياخذ شغل يده ٥٠٠ ريال اذا سيارتك احتاجت فريون يزيد عليك ١٠٠ ريال وممكن يقولك تحتاج مروحه خارجيه ترهيم سواها لي أنا بسيارتي الاكسبدشن وخويي بسيارته لنكون
هو يجيبها لك من الجميح اصليه ب ٣٣٠ ريال مع الكتاوت او انت تجيبها يعني ممكن تكلفك العمليه كلها من ٥٠٠ الى ٩٠٠ ريال وضمان ٣ شهور
لكن الصراحه السياره تصير ثلاجه من جد أنا سويتها عنده من السنه الي فاتت والى الان مشاء الله زي اللوز حتى حرارة السياره ما تتعدا الربع بعز القايله
على فكره هو يسويها لكل أنوع السيارات
وصاحب الورشه سعودي أخذت رقمه للي يبغى يروح له
٠٥٤٠٤١٤٠٥٤ الورشه بالروضه شارع انكاس مقابل الرياض مول داخل محطة الدريس جنب الطازج
& ثانيا بالنسبه للسيارات اللي ما يشتغل مكيفها على طول ويتأخر خمس او عشر دقايق وبعدين يشتغل وممكن مع السرعه يعطي المكيف حار واذا هديت يرجع يشتغل الكمبرسر بارد وهذي كانت مشكلة واحد دار الصناعيه كلها وحقين المكيفات اللي يقوله فريون واللي يقوله كمبرسر وغيار الكمبرسر ب ١٥٠٠ وغير حساسات الطبلون وما فيه فايده وراح للوكاله وقعدت السياره عندهم اسبوع وقالوا له بنغير لك كل الحساسات والكمبرسر واشياء ثانيه والله مدري وشو المهم تكلفه ٦٠٠٠ ريال قل لهم معصي وأرسلته للفلبيني قاله عندك حساس الثلاجه سماه له duel valve ممكن ينضفه او ممكن يطلب تغييره بالنسبه لخويي قاله أنضفه لك و اشيك على دورة التبريد ويصلحه ب٦٠٠ ريال والله وزبطها له وصار المكيف يشتغل تمام وسيارته لنكون تاون كار واحد ثاني سيارته لكزس وزبطها له بعد
حبيت اشاركم بتجربتي وللي يبغى يروح له ويجرب ويقولنا اذا زبط سيارته على العموم هو يعطيك ضمان واذا ما صلحت ما ياخذ ولا ريال
الورشه بالروضه شارع انكاس مقابل الرياض مول داخل محطة الدريس جنب الطازج
جول صاحب الورشه ٠٥٤٠٤١٤٠٥٤
هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 700x479 وحجمها 295 كيلو بايت .
[/COLOR][/SIZE]
