مشكله فكتوريا ارجو الدخول فيديو +صوره للمشكله

zaher2 @user_211215 · 15-08-2011

السلام عليكم

عندي مشكله في كراون فكتوريا 99 كنت ماشي وفجاه ارتفعت الحراة واشتغلت لمبة التشيك انجن

وحصلت
تهريب موية الرديتر من ثلاجة المكينة هذا الي توقعته

وما ودي اويها محل لان مويه الرديتر اذا فضي ترتفع الحرارة واضطر اوقف واعبي الرديتر

اللي عندهى خيره ياليت يساعدني وتقبل الله صيامكم
هذي الصوره

والفيديو جاري رفعه

zaher2 @user_211215 صاحب الموضوع · 21-08-2011

طلع فيه شق في راس الماكينة وما قدروا يلحموه ولازن تغغير الراس

وحصلت في التشليح بسعر 350 ريال هل احد يعرف ورشه تضبط السياره قبل العيد لانه لازم فك للمكيه

اللي يعررف ورشه بالرياض يدلني اهم شي يخلصونها ويكون شغلهم مضبوط

فني سيارات @user_8460 · 18-08-2011

الله يحفظك وييسر امرك

zaher2 @user_211215 صاحب الموضوع · 17-08-2011

شريت ربلات كويل 200
بواجي 60
بلف حرارة 30
مويه رديتر 50
طرمبة موية 230

واشكر كل من نصحني او اعطى رايه وان شاء الله احط التكلفه الاجمالية هنا بعد ما استلمها
احس اني شريت اشياء زيادة وضحكوا علي

zaher2 @user_211215 صاحب الموضوع · 17-08-2011

الله يوفقكم انا شريت ثلاجه مكينة وفك القديمة وحصل ترسبات مويه وبعدين نظف بالديزل

وكلمني وقال يحتاج تغيير بواجي وربلات بواجي وطرمبة مويه

عاد ايش رايكم وهل احد عنده خلفيه عن الاسعار وهل اقدر استفيد من الثلاجة القديمة ببيعها

shagra @user_11136 · 17-08-2011

احتمال أن المضخة تهرب بسبب فشل قطعه صغيره اسمها (العازل الميكانيكي) mechanical seal و هي قطعة تعزل بين الرادييتر داخل الماكينة و الجو الخارجي للمكينة في الجزء الذي يحدث فيه دوران... و للتأكد من ذلك جرب شغل السيارة و طفها و هل تلاحظ أن معدل التهريب يزيد في حال تشغيلها؟ و يقل في حال اطفائها؟

و أعتقد لا توجد قطعة غيار خاص لهذه القطعة لذلك يبيلك تغير المضخه كاملاً

فني سيارات @user_8460 · 17-08-2011

موديل سيارتك معروف ان الثلاجة هي الي تهرب ولكن بحسب الصور قد يكون من المضخة ومن عاين ليس كمن يعتقد
شوف الكراج بما انك فكيت وتاكد من مكان التهريب

zaher2 @user_211215 صاحب الموضوع · 16-08-2011

شكرا اخوي يعطيك العافيه انا بمرهم اليوم ان شاء الله وما اتوقع انها الهوز لكن بتاكد والله يوفقكم ويبارك فيكم
ولي عودة

M~أمير بكلمتي~M @user_58367 · 16-08-2011

z

zaher2

طيب الحين هو بيغير الثلاجه وكيف اعرف انها مضخة الماء انا يروح له اليوم وما ودي اغيرها اذا مافيها شي
الله يوفقكم يعني بروح اقول الثلاجة مافيها شي

بارك الله فيك الثلاجة معروفه انها تهرب لأنها من بلاستيك مقوى او فيبر جلاس

ولكن الأهم هو الهوز او الماصور الي تكون مابين ثلاجة الماكينة والماكينة تبع المكيف الحار

هذه تهرب وممكن يظهر نفس الي ظهر لك

وهذه صوره له بعد ماتفك ثلاجة الماكينة

الهوز في منتصف الماكينة باللون الاسود يكون اسفل ثلاجة الماكينة أعلى الماكينة

أخوكـ

HULK HOGAN @user_267953 · 16-08-2011

بسيطه وانا اخوك صارت لي المشكلة بفورد فكتوريا 2000 غيرت الثلاجة من الحاج حسين رضا ب800 ريال وغيرت 2 كويل لان المويه تسربه عليه وغيرت 8 بواجي(البواجي مالها دخل في الثلاجة بس انا كنت ابي اغيرها)

zaher2 @user_211215 صاحب الموضوع · 16-08-2011

طيب الحين هو بيغير الثلاجه وكيف اعرف انها مضخة الماء انا يروح له اليوم وما ودي اغيرها اذا مافيها شي
الله يوفقكم يعني بروح اقول الثلاجة مافيها شي

فني سيارات @user_8460 · 16-08-2011

باين ان مضخة الماء هي الي خربت عندك والله اعلم
ولا دخل في الثلاجة في هذا التهريب

M~أمير بكلمتي~M @user_58367 · 16-08-2011

وعليكم السلام ورحمة الله وبركاته

أخوي حاول انك تتأكد انه من ثلاجة الماكينة وليس من الهوز الي اسفل ثلاجة الماكينة

أخوكـ

musicar @user_256949 · 16-08-2011

انا صارتلي نفس مشكلتك ,, غيرت الثلاجة و2 بواجي و2 كويل
بـ 180 ريال شغل اليد فقط

التكلفة الثلاجة 950 ريال
2 بواجي بـ 15 ريال
2 كويل بـ 220 ريال
وموية رديتر اصلية بـ 60 ريال

والحمدلله رجع كل شي تمام

zaher2 @user_211215 صاحب الموضوع · 16-08-2011

الله يعطيكم العافيه
انا مريت كذا ورشة وقالوا الثلاجة رحت شريت ثلاجه 830 شغل يد 300 يعني كلها 1130 وباقي بيشترري مويه ويقول يمكن يكون البواجي تاثرت والله يعين
طبعاً انا قلت اعلمكم ورايكم يهمني اذا فيه شي ثاني اساويه

Made for ksa @user_184992 · 15-08-2011

أولا أشتر الثلاجة من الوكالة أرخص بكثير من السوق وأضمن وتجي معه جميع المسلتزمات اللي تحتاجها مع الثلاجه .. السيارة شلها بسطحه للورشة دايركت وأتفع مع الفني بتركيب الثلاجة .. وأرجع عب الرديتر مويه أصليه .. وترجع أمورك تمام بإذن الله .. بس بيكلفك حوالي 1300 ريال مع شغل اليد ... ولا تمشي على السيارة حتى ما يصير مضاعفات وترتفع الحرارة وينشعر الراس لا سمح الله .. سطحه بخمسين ريال وريح بالك .

FAISAL M @user_264987 · 15-08-2011

غير الثلاجه وترا في مستعمل بعد أو جديد خذه من وكالة الحاج حسين ميركوري أرخص من السوق وتغيرها 200أو 250ريال والله يعينك.

zaher2 @user_211215 صاحب الموضوع · 15-08-2011

http://www.youtube.com/watch?v=cVW_llBbB7U