بسم الله الرحمن الرحيم
السلام عليكم ورحمة الله وبركاته :
كيفكم ياشباب عساكم بخير وكل عام وانت طيبين
حبايبي البارح صار لي حادث والله أفجعني ، ورع معاه كريسيدا 88 مطير ماشي 100 في شارع سكني ، المهم ضاربني من وراء وطيرني انا واهلي (زوجتي وولدي ) بالسيارة عشرة امتار ، والله مدري ويش صار تقال اندرهت ، طلعت ومعاي ولدي عمره 4 سنوات ويصيح وانا ماني دراي عن نفسي مدري ايش صار ، المهم انا ماافجعني غير ولدي خفت عليه من الخلعه والخوف ، بعد دقيقة من الحالة الهيستريه طلعت الجوال ودقت على 1100 ، لاحول ولا قوة إلا بالله من الدوخة موبايلي اخذت عقولنا، وبعدها دقيت على 999
وقال دق 993 ودقيت عليهم واخبرتهم بالحادث ، وياليل مااطولك ، دقيت عليهم 12،50 وجاوني 1:50 يعني ساعة ملطوع، المهم صار الولد الي صدمني يبكي عندي ويقول تنازل يرحم امك تنازل !!!
انا ما اعطيته وجه من القهر الي فيني ، جاء المرور وحطوا الخطاء عليه 100 بالمية ، بعدها رحنا للمرور وعطوني تقدير الحادث اروح به لشيخ المعارض يقدر الحادث اليوم ان شاء الله والورع مرزوع بالحجز ، السوال ياشباب :
السيارة اشتريتها عن طريق عبداللطيف جميل تأجير منتهي بالتمليك وعليها تأمين اسمه اكسا ،
نوع السيارة كورلا 2011 معطيهم دفعة 26 الف , ومنتظم بالاقساط إلا قسط قبل شهر ،
ماذا افعل بعد تقدير الحادث من شيخ المعارض ، هل الشركة تتكفل بإصلاحها أو تعطيني سيارة جديدة ،
الله يوفق من يرد ويوجهني التوجيه الصحيح ،
اخوكم : ثابت الخطى
0558867559
