إستطــلآع:: ما هو أكثر مــوديــلات الكــابرس أكثر قــوة وصلابـه ؟

من تجربه سابقه لي على موديلات 89 -93-96ss
شوف قوة البودي من 90 وتحت حديييييييييييييد فـ حديد
من 91-96 جباره راحة ورساوة وخاصة اس اس منها لكن اعطالها اكثر
الموديلات من 2000 وفوق اهتمو بالمواصفات والقوة لكن البودي ضعيف والجودة سيئه
الجيل الاخير 2007-2011 افضل شي ,امان وسلامه, مواصفات واكسسوارات, فخامة ,ثبات ورساوة وقوووة دعسسسسس
ودمتم بود :)

من وجة نظري ان الكابرس القديم حديد في حديد قوة حديد ومظره حلووو مانختلف الجديد راحه وقوه وتطور ومنظر والي يشتكي منه تلقه مخذ وحد مستخدم ولعن خير خيره ولا وحد بس شافه وماجربه ومسوي خبرة مواتر ههههه بس الناس اذواق

اشكر كل من أدلى بدلوه .

كابريس 1981 كلاسيك

أيضاً ما كانت تتميز به هذه السيارات الكلاسيكية حتى 1990

أنها كانت تأتي بلونين أختياريين

صورة أخرى فوق البيعة وهدية لبوس :smile:

صار اللي يمدح الكابريـس الجديد متعصب ولا ما يفهم بالسيارات !

كييب قوينق :xyxthumbs:

صدقت يا CTS 10 ..

الكابريس القديمة لها عشاقها خصوصا اللي عاش معاها فترة
لكن لا تقارن بالجديد ..
ممكن التحمل بالسيارات القديمة بصفة عامة افضل من الجديد مو حكر بالكابريس القديمة

الكابريس الأكثر قوة وصلابة على الإطلاق 1979م

حديد في حديد

عمر السيارة هذى تقريبا ً أكثر من 32 سنة

السيارة جديدة ما شاء الله تبارك والصور تتحدث


















وابن أمه اللي يتحرش فيك :bigggrin:

على فكرة

السيارة هذى فيها مثبت سرعة ! والمقاعد الأمامية فيها كهربائية ! وفيها بوصلة أيضاً وساعة لقياس درجة الحرارة !

صدق من سماه تسعاوي يجرح ويداوي :smile:

موديل 96 و 2011

صراحه انا جربتهم اغلبهم بس اللي تحت 96 ماعجبوني نهائياً يمكن لاني ماحب السيارات كلاسيكيه ..
وسيارات قديمه ع العموم التقنيه فيها ليست عاليه يعني بسيطه ومافيها اشياء يعني تخترب حق واحد بس يبي يدق سلف ويمشي وهالشيء مانقدر ننكره لانه سياره قديمه
غير كذه سيارات قديمه لا فيها عزل ولافيها امان وديكورها داخلي بسيط جدا وممل
يعني سيارات قديمه بالعربي الفصيح وسائل ترفيه فيها سيئه جدا جدا جدا
واللي يحب سيارات قديمه وبقول افضل من جديده اعتقد مافي ولا سياره جديده راح تعجبه وبقول الاقدم هو الافضل ..
بالنسبه لي انا اختار سياره جديده بما فيها من مواصفات ووسائل ترفيه وراحه والخ .. ولكن كل هالاشياء راح تكون معرضه للخرابات اكثر من القديمه ..

مع احترامي للجميع محبين سيارات كلاسيكيه

عندي LTZ 2011 V8

عسل

^^^

أخوي هي وحدة من الثنتين

يا أنك متعصب كابريس الجديدة لأنها سيارتك

أو أنك ما تفهم بالسيارات

وإن شاء الله أن الصفة هذى لا تنطبق عليك

أنا وأعوذ بالله من كلمة أنا

جربت الكابريس 1979 سيارة الوالد أخذها جديدة على وقتها كانت بـ 32 ألف

وجربت 81 - 85 - 88 - 90 - 91 - 94 - 96 - 2002 - 2003 - 2008 - 2009

طبعاً أغلبها تجربتي لها كانت بسيطة لا تتجاوز اليومين أو الثلاثة

عدا الموديلات القديمة من التسعين وتحت لأن أكثرها طولت معي !

يعني تقدر تقول أني أخذت أطباع كامل عن جميع ما ذكر وبشكل جيد

الكابريس القديمة أفضل مليون مرة من الجيل الجديد الاسترالي ( كابريس هولندن )

تحياتي

حقين الفورد خصوصاً واللي مايحبون GM عموماً بيقول لك انتهى 96 ههههه
بالنسبه لي انا ماجربت الموديلات من 2001 الى 2005. سيارتي 2006 مطلعها
وكاله وإلى الآن ماشيه 196 الف زي الحلاوه ولله الحمد. جربت 2007 ولكن
مشاوير خفيفه وصراحه السياره جمليه. 2 من اخوياي واحد معاه كابرس 2007
وواحد معاه لومينا 2008 وكلها ماشاء الله تبارك الله, طبعاً صاحب اللومينا مثل
إلى الآن ماشي على القير 80 الف ولا غير زيت القير وانا بعد بس توني مغيره
خايف القير يكون جاه شي هههههه.

عموماً كان معي صابونه 95 LTZ تبي الصراحه 2006 افضل منها بغض النظر
عن المواصفات والشكل.

وعليكم السلام

أكثر موديل للكابريس يتمتع بقوة وصلابة وجودة هو 1979م
تأتي بعده الموديلات اللاحقة من 1980م حتى 1990م وهي جميعها متسوايه
من حيث الجودة والمتانه
لكن كمواصفات وشكل ومركب وراحة أفضلها من 1988 حتى المويل 1990م

الجيل الذي يليه 1991م حتى موديل 1996م
وأفضل سيارت هذا الجيل على الإطلاع موديل 1993م وموديل 1996م

بعدها انتهت الكابريس للأسف

^^^

الصابونة فآآشل لين تتعب من أسوأ ما صنعت أمريكا

الكابريس توفى سنة 96

هذا الاسترالي مع احترامي لملاكه ليس بتلك الجوده المرجوه من اسم كابريس العريق

وطبعا المفضل لدي هو 84 ....


هذي طبيعه الحياه والحال ما في شي يدوم يعني مستحيل الجوده تضل على ماهي عليه

في نظري قبل موديل 96 انتهى تاريخ الكابرس

2011 المشاكل اغلبها انتهت بعد 2011 6 نمر + مبرد قير

بس مشاكل المساعدات ما انتهت بسبب شوارعنا الجميلة

الكابرس بجميع موديلات من أول ظهور له وحتى 90

أنا ارها حديد في حديد بس الأختلاف كان في تشكيل هذا المعدن

وهي إلى هذا اليوم تجوب الشوارع بكل أناقة وكبرياء