رأيكم بالنيسان تيدا ..

امممم لاتنسى يالغالي ان مثل هالفئة من السيارات اسمها (فئة السيدان الصغيره) :rolleyes1:

وتعريفها عند اغلب الوكالات انها سيارات داخل المدينه يعني حق مشاوير بيتزا هت , سوبرماركت ، كورنيش .... الخ

ولا تخاف انا مجرب التيدا هاتشباك ... بصراحه رساوتها معقوله على سياره صغيرة مكينتها 1.6 ... يعني مشوار من الدمام الى الخبر تحس السياره ترضيك برساوتها

وعلى فكره السيارات الصغيرة حق مشاوير داخل الديره بالزحمه .. لها متعه في السواقه مو طبيعيه ... يعني مافي احسن منها حق النحشة وقت المصايب :smilie16:

السلام عليكم
انا عندى تيدا 2007 هاتشباك ماشية عندى 30.000 .. بالنسبة للرساوة على حسب الطريق , صحيح تحس بأنها خفيفة لما يكون الجو رياح قوية وفيها عيب انه تعليقها { نوابض} قاسية مخليتها تنط بشكل ملحوظ لكن ثباتها فى المنعطفات فضيع .
نقطة ثانية .. انا عندى 1.6 5 قير ماانصحك بـ 5قير على الخطوط الطويلة لان تحس بالمحرك على جهد , يعنى على سرعة 130كم تكون دوران المحرك على 4000 رم . انصحك 6 قير والمتوفر بس بمحرك 1.8 احس انها حتكون اكثر راحة للمحرك عند الخطوط الطويلة .

انا جربها عند خطوط الطويلة الاسبوع الماضى سافرت بيها أنا والعائلة الى تونس وقطعت مسافة أكثر 1700 كم وأكثر من 12 ساعة قيادة وبصراحة ماشعرت بالملل او التعب والضيق فيهاكانت احسن من سيارتى الى قبلها {شيف اوبترا} عيبها انا الصندوق الهاتشباك ضيق { يادوب شنطتين + شنطة صغير}.

انا مو نادم على شراء لها ابدا لانى خديته بسعر مخفض {على الزيرو} حوالى 10.000 دولار.

ياريت تجرتي تفيدك عزيزى

وعليكم السلام ,,

بتكلم عن تجربة .. السيارة أفضل سيارة بفئتها و أوسع للمعلومية


شكلها حلو .. مقارنة بفئاتها


مع خويي 2006 ماله اسبوعين مشتريها .. وجربناها بالخط .. حلوه وماعليها

انت تملك افضل سيارة مقارنة بفئاتها .. ماعليك من كلام الناس أبداً



يعطيك خيرها ويكفيك شرها ..


بالتوفيق ‘

وعليكم السلام ورحمة الله وبركاته ,,

ارسى + اكبر سيارة بفئتها

جودة المواد الداخلية مو مرة ممتازة لكن اذا حافظت عليها تمشي معك

العزل الارضي تعبااان بس مو اسوء من منافسيها

ولو انا باشتري سيارة من هذي الفئة...التيدا راح تكون خياري الاول لان رساوتها اعلى من المنافسين والهوا يأثر عليها بس مو مرة زي الاكسنت واليارس

وشكل السيارة راح يتغير السنة القادمة

وبالتوفيق ^^"

لا يالحبيب امدحها طبعا

مثل كلام اخوي عشق هوندا
لكن مالك الا تخليها شد بلد لا تفكر انك تلعب فيها جنوط تنزيل مدري كيف
مره ما يجي عليها شي

لكن السياره قويه بالنسبه للسيارات اللي من فئتها
الله يبارك لك فيها و يبعد عنك شرها
الف مبروووووك

إذا بتسمــع كلام النـآس بتتعب ^_*

حـآول تآخذ المفيد او الايجابيات واترك السلبيات او التفائل السيء

من تجربتي مع كلام النت
تلقاه كان معاه سياره المانيه او امريكيه ولما يشتري ياباني ينصدم بالفرق في بعض الاشياء فيبدأ يعيب كل شيء في السياره ويركز على السلبيات
وفي ناس متعصبـه ضد صناعه وهو ماجربها !

الصناعات الكبيره فرق الاعتماديه بينها متقارب جداً والفوارق بينها تعتمد على المستخدم :xyxthumbs:

ونصيحــه
انت شريت السياره وهي الآن معــك
خلك انت الحكم ومرشد ومنصح لكل من يريد امتلاك السياره

الله يبارك لك فيها

هههههه انا ما فهمت الحين انتا تمدح ولا تذم !!

اي انا وخووي كلة ننطز عليها ونسميها اسرع سيارة بالعالم و تبط البوجاتي بط

مبروك على السيارة وافتخر فيها لانك في اسرع سيارة بالعالم ههههههههه