غيرت كويل وبوجي وحساس هواء ولا صلحة

أخوي بوظافر سبق وان قلت لك المشكله من حساس الكرنك وللمعلومة حساس الكرنك فقط خليه ينظفه مايحتاج انك تغيره تنظيفه يفي بالغرض..

يا بو ظافر

الله يرحم والديك الشباب ما قصروا معك من البداية قالوا لك طرمبة بنزين

وقلتلك افحص ضغط الطرمبة ويبين لك ضعفها بس انت الله يهديك تحب تنكد على روحك

مر لك ميكانيكي كويس وقله يفحص ضغط الطرمبة بالساعه إذا كان الضغط اقل من المطلوب معناتها طرمبة عندك تعبانه وانا اساعدك فيها بس انت خذ رقم اللي يطلع على الساعه وحطه هنا وإن شاء الله ما نقصر معك إذا ما طلعت العله من الطرمبه نعطيك الخطوة الثانيه

الله يوفقك يالغالي

وانا رحت للمكانيكي وجرب لي كويل من عنده وطلعت المشكله كويل وغيرته
واذا انت تبي تروح للمكانيكي الي انا رحت له كلمني وانشالله تنحل مشكلتك

رحت عند محل اسمه 4*4 قبل مربع تويوتا وانت جاي من اشارة المطار

قلت له وش المشكله قال قبل ما اكشف كمبيوتر واخسرك

بنفحص طرمبة البنزين ونشوفها وهي بارده وحاره

قلت طيب خليت السياره عندهم

اتصل بعد ساعه قال عندك الطرمبه خربانه سعرها 800 ريال وتصليحها حول الـ300 ريال

قلت طيب إذا ماكان الخراب منها تتحملون مسؤليتها قالوا بكره كلم المسؤول ويسير خير

هذي علومي وسلامتكم

اوك انتظر ردك وانا بعد بشوف وش يصير معي واعلمك

انا اليوم بروح لواحد كهربائي وبشوف وش بيسير واقلك

السلام عليكم

اخوي ابو ظافر انا صايره معي نفس المشكله تقريبا وسيارتي ابيكا 2006 السياره تومتيك احيان تكتم في القومه واحيان لمن ارجع لها نمره تكتم ومافي عزم وشوي يرجع لها عزم واحيان مافي شي بس انها تتفتف وهي واقفه والتفتفه مو مستمره يعني تجي ثواني وتروح ثواني ولمن تمشي ماتحس بالتفتفته واحيان تجي التكتميه دخلتها العالمية للسيارت في الصناعيه كشفوا عليها بالكمبيوتر قالي حساس الشكمان بس مايسوي كذا قالي غير بواجي واسلاك بواجي ونظف البخاخات وفلتر بنيزين وفلتر هوا قلت طيب ودفعت 1000 ريال في قطع واصلاحات والمشكله ماراحات بالعكس صارت تزيد عن اول قالي فرغ الرصاص من الشكمان رحت وسويتها نفس المشكله ماراحات ورحت كذا واحد من الميكانيكين الي يقولي كويل والي يقولي طرمبة بنزين والي يقول الحساس حق الشكمان وغيره يقولي مايسوي كذا بس تولع اللمبه اذا خربان والي يقولي الكهرباء ضعيفه للبخاخات عشان كذا احيان تقطع
بس انا لاحظت شي غريب وانشالله يكون بداية حل المشكله
ان التفتفه عندي ماتجي الى بعد مامشي بسياره مدة طويله شوي يعني ساعه تقريبا والي لاحظته ان المشكله ماتجي والى المكيف شغال اذا طيفت المكيف تختفي واحس ان السياره ترتاح في الدعسه والتفتفه تختفي وحتى هي واقفه وانتظرت نص ساعه والسياره شغاله بدون مكيف بمجرد ماشغلت المكيف ماوصلت لدقيقه من وقت تشغيلي للمكيف الى التفتفه تروح وتجي خليتها نص ساعه المشكله موجوده رجعت وقفلت المكيف اختفت المشكله وكمان انتظرت فتره بدون مكيف السياره زي الحلاوه بمجرد ماشغلت المكيف رجعت المشكله انا كذا اعتقد ان المشكله كهرباء لمن السياره تسخن وتمشي فتره من الوقت تبدا الكهرباء تضعف هذا والله اعلم لكن انا بروح لمكانيكي اليوم فلسطيني واذا وصلنا لحل المشكله ببلغك بها وبرسلك عليه واذا انت وصلت لحل المشكله بلغني
واتمنى من الاخوان والاعضاء افادتنا بحل لهذي المشكله لاني والله لي 3 اسابيع وانا افر من مكان لمكان عشان المشكله هذي والسياره هذي طفرتني اخذت الي ورايا والي قدامي الله يعنا على السيارات وسلامي لكم جميعا

هل قام بتنظيف حساس الكرنك

لتصحيح معلوماتك أخي العزيز
اذا كانت هناك مشكله بحساس الكرنك السيارة تشتغل وتمشي معاك لكن في السرعات العاليه من 100 مثلآ الى 120 السيارة تبداء بتفتفه بسيطه او تقطيع ثم تنطفى نهائيآ !

إذا كان حساس الكرنك فيه مشكلة السياره لا تعمل ابدا

والاخ ابو ضافر يقول ان سيارة تشتغل بعدين توقف عن العمل

ما ادري ابو ضافر هل وديت السيارة لميكانيكي يفحص لك طرمبة البنزين أو لا

انت الان مخلي هالميكانيكيه يجربون على سيارتك

ود السيارة عند ورشة محترمه وقله يفحص لك طرمبة البنزين وانتهى الموضوع

عسى الله يوفقك

الورشة ماعندي اي خلفية عن ورشه متخصصه لكن على تنظيفه فيأخذ تقريبآ ساعتين واذا تأخر تكون ثلاث ساعات كحد أقصى طبعآ بخصوص السعر فطبعآ يتفاوت من ورشة لأخرى لكن لايتعدى 150 ريال
بالتوفيق عزيز بوظافر

يابوظافر ( حساس الكرنك ) وبس نظف وبأذن الله تنحل المشكلة