200 الف ريال وش احسن شي ينشرى بها؟؟

مخربها ارفع العقال تحية لك على ردك وتفاعلك الجميل....

انا لو بشتري من البي ام 523 بشتري السياحي ابو 210 << بيكاسرهم

هذا النوع مخوفني فيه شي انه يكون ماصخ بزود مافيه اي ملح

اللي فهمته من كلامك ياطويل العمر انها تفرق عن النوع الفل من 523 في عدم وجود كاميرا ونفيقشن والسي دي .. فقط لا غير ؟

الشي الثاني اللي مرددني في هالنوع هو انه يمكن بنفس القيمة 210 الاف احصل لي مرسيدس فئة E أو أودي A6 تفرق كثير بمواصفاتها عن البي ام 523 السياحي... وش رايك؟؟

السلام عليكم

محد شار عليك بـ523 لأني مابعد رديت عليك ههههه

حبيبي شوف
الفئه الخامسه الجديده سياره جباره وممتازه وعلميه والجيل الجديد منها تفوق على الفئة السابعه في عدة أشياء منها المساعدات أو خلنا نقول الثبات بشكل عام والرساوه افضل من الفئه السابعه الجديده غير ان معروف من ناحية العمليه والاستخدام اليومي هي الأفضل

بالنسبه لقطع الغيار اسعاراها جداً رائعه واذا راح تاخذها وكاله فراح يكون عليها صيانه مجانيه لمدة خمس سنوات أو 100 ألف كلم


نجي للمهم وهو الأسعار

بالفئه الخامسه عباره عن عدة فئات هي 523 و 528 و 535 و 550 و M5
طبعاً حسب الميزانيه وحتى لو كانت الميزانيه مفتوحه أشوف أفضلها هو الـ523 الف لأن مواصفاتها ماراح تفرق عن الـ550 الا في الكومفورت سيتس والبصمه والرؤية الليله وتدفئة وتبريد المراتب والألوان الداخليه لأن الـ523 ماتجي الا بيج من الداخل أما الفئات من 528 وفوق ففيه خيارات غيرها مثل البني المحروق والأبيض
اما الأشياء الأساسيه فهي موجوده في الـ523 الف وحط خطين تحت كلمة فل
لأن الـ523 منها فئتين
الفرق بينهم ان في الفئه الأولى منها CD واحد فقط والفئه الثانيه 7 CDs واحد في نفس المقصوره وسته في الدرج
الفئه الأولى بدون نافيقيشن وبدون كاميرا خلفيه بينما الثانيه فيها هالمواصفات

بما يخص البصمه

ترا البي ام الجديد صار الفرق بين البصمه واللي مو بصمه في فتح وقفل الأبواب فقط أما في التشغيل ففي كل الحالات بصمه

نجي للأسعار

الـ523 السياحي بـ215 ألف
أما الفل بـ230 ألف

أمس كنت في الناغي قسم المستعمل في الضباب عند الغرفه التجاريه

لقيت عندهم 523 فل موديل 2011 ماشي 25000 الضمان المتبقي سنتين لكن ما عليها صيانه مجانيه وهي من الدفعه الأولى يعني مافيها لغه عربية، اللون أبيض بقيمة 180 ألف

اذا مصمل على الجديد ولا تبي مستعمل فهي أفضل الخيارات مقارنه بين المرسيدس والأودي من ناحية الأداء والعمليه والشكل الخارجي والتصميم الداخلي <-- رأي شخصي

وأي استفسار عن البي ام انا في الخدمه

الله يكتب لك الصالح واللي فيه الخير لك

واذا بتسأل كثير راح تتوه وكل واحد بيقول لك الشي اللي هو مقتنع فيه
الشكل الخارجي والتصميم الداخلي انت اللي تحدده فحاول تكون أسألتك عن الصيانه وقطع الغيار أسعارها وتوفرها، واعادة البيع اذا كنت من النوع الملول وماتطول معاه السياره

البي ام الفئة الخامسه غاااليه سعر الفل منها اتوقع حدود 310 الف يعني كم تتوقع تبدأ من 240 الف تقريبا

:wavey: ياحبيلكم ياشباب مشكورين على ردودكم وتفاعلكم .....ترى الميزانية الى 215 مهنا مجال زياده .. اللي مستغرب منه محد رشح البي ام 523i :c0214:

عندك اودي A5 بس سعرها مرتفع شوي يعني ممكن توصل 215 الف تقريبا ً لكنها حلوه و جودة عاليه يكفي انها اودي و المانيه و عزل ..


اذا كنت تبي سيارة شبابيه و ما تندم عليها ان شاء الله .. عندك كومارو SS كشف سعرها الجديده 206 الف تقريبا و السياره عجيبه و انا لو مكانك خذيتها علطول . .


اما اذا كنت ما تحب الرياضيه عندك اللكزس ES350 فل اوبشن مع سقف بانورامي و كشخه ..

على ذا الميزانيه انا افضل الانفنتي G37


مع العلم ان الالماني افضل بمراحل بس انا اشوف ان الالماني يبي له من 300 وفوق .

وتقبل مروري

Audi A6
--------

أنا أرشح لك انفينتي M37 وسعرها تقريبا بــ 210 آلاف
أو G37 كوبيه

وإذا تبي ألماني عندك أودي A6 2012 بس الله يعينك على الوكيل
أو مرسيدس E-CLASS

وإذا تبي أمريكي ارشح لك جيب لينكون MKX 2011



بالتوفيق إن شاء الله

طوارق 2012 شكل جديد+مواصفات خياليه

شف الجي اس :)

زودها شوي وخذلك رنج روفر إيفوك .
جيب شبابي ومواصفاته روعة وتصميمها جبار و ملفت .
والأهم أنه يصلح لشوارعنا المكسرة أفضل من السيدان .







هذا راييء الشخصي وبالتوفيق لك

على طاري الـc class عندك ال c250

واحد من الشباب شاريها ماشاء الله تبارك الله سياره روعه

اخذها بـ 190 وشي ماتزيد عن ال 200

المرسيدس الفئه الصغيره اللي هي C-Class و4 سلندر كاملة المواصفات سعرها يتعدى الـ 200 الف ريآل .. فانا اشوفها فوق ميزانيتك بشوي ..

اذا قدرت تزيد الميزانيه و تاخذها انا اشوفها الافضل في هالفئه ..

الاودي رائعه جدا و ارخص من المرسيدس ..

حاليا مافيه خيارات ثانيه في بالي اذا حصلت شي برجع للموضوع ..

موفق

اودي او مرسيدس بس
تبي نصيحتي مرسيدس احلى شكل واوسع وافخم من ال اودي
ال اودي تحس انها فولفو مدري وشي كذا غريبه
فـ شوف لك مرسيدس رزه وتعيش معاك
وو اتوقع عندهم عرض الي ادفع القيمه نصها الحين والباقي بعد سنتين :)
يعني شي حلو والله :)

خذلك اودي a6

اخوي wolfy مشكور على ردك الراقي عموما مابرد عليك:smile:

اوووه معليش اخوي تو اقرا جديده:xyxwave:العذر والسموحه اذا جديد اشوف المرسيدس e-class 195000ريال وعند الاودي a6 بحدود هالسعر على ماتوقع

انت ******* كاتبلك سيارة جديدة