السلام عليكم ورحمة الله وبركاته
كيفكم؟ان شاء الله كلكم بخير
بقول مشكلتي من البداية
اول شي\
انقطع عندي خرطوش الرديتر ولفيته بشطرطون (فلسفة زايدة)
ومشيت فيه ورحت مشوار بعيد الا اسمع صوت تنسيم غريب واظغط عالدواسة البنزين والسياراة بالقوة تمشي ومع الزحمة استنيت يمكن دقيقتين لين ماقدرت اوقف السيارة
وقفت وطالعت لقيت قربة الرديتر فاضية الموية كلها اتسربت وعبيت موية من جديد
وانا راجع يطلع الصوت من جديد بس على طول وقفت وعبيت القربة من جديد
ووقفت السيارة
اليوم الي بعده شريت الخرطوش وركبته وراح التسريب وظبط الوضع
بس طلعلتي مشكلة احس عزم السيارة صار ضعيف شوي يعني التسارع قل والقومة ثقلت شوي
بالذات بالريوس
علما ان سيارتي ابيكا 2008
والحرارة مارتفعت عن النص ولله الحمد
من خلال بحثي عن المشكلة في النت
اكثر الي عندهم هالمشكلة تكون البواجي خربانة او الكويلات او يبيله تنظيف ثروتل بدي منظم الهواء
انا مالي علم
واارجو من الخبراء الافادة
والسلام عليكم