تعصب x تعصب :a1120(121):
عايش في إحدى المدن ويقول التايوتا بدأت تنقرض هههههههههههههه
تعال لم الجنوب في الباحة أقص يدي إذا لقيت محل يعرف سيارة سيدان غير الكامري
و الكورولا و الأفلون فمابالك بالجيوب :a1120(121):
أخي الكريم ، بعيداً عن التعصب ، و اذا تكلمنا بواقعيه ، عدد السيارات فـ الجنوب كـ عددها فـ المدن الكبيرة [ الرياض ، الدمام ، جدة ] . فـ واقع عدد السكان يؤثر على عدد السيارات اللتي تمتلكها .
و اذا تبي الصدق ، بيتنا فيه 4 سيارات كلها امريكي ، [ يوكن ، فكتوريا ، دودج ، دودج ] .
ما اقولك تعصبنا للأمريكي ، لا بالعكس ، فـ السابق ، ما كنا نركب الا ياباني ، لكن و الصدق ينقال الحين أسعار تيوتا مبالغ فيها ، و مواصفاتها دون المستوى .
الأمريكي اصبح فـ الصدارة بعد الالماني من ناحية الجودة و المتانه ، و الدليل على كلامي
و انت لا طلعت لأحدى المدن الكبيرة رح تعرف بنفسك ، و انا أزور الجنوب ، فـ السنه اقل شي مرتين ، و بصراحه ابها و خميس مشيط كانت كلها كرسيدا ، لاند كروزر ، هايلوكس ، الحين الوضع اختلف [ ما اقول انهم قلبو 180 درجه ] لآ ، بس صرت تشوف سيارات امريكية بكثرة . و ما فيه شارع تعدي منه الا و تلقى هالسيارتين [ فكتوريا ، يوكن ] .
و الصحيح ان الكامري ، و الكورلا ولى عهدها ، و الحين الاقبال على السوناتا و الالنترا . بالنسبة للسيارات الصغيرة . و اذا تبي تفهم قصدي صح امسك خط الرياض الجنوب ، و شوف كم سيارة هونداي تشطفك .
اما بالنسبة للأفلون ، فـ ما لك لوى يا صديقي ، تعال الرياض و شوف ، كم فيه فورد تورس / و فورد كراون فيكتوريا .
الجيوب ، تاهو و يوكن بلا منازع .
مع العلم ان عدد سكان الرياض : 4221242
و عدد سكان الباحه : 341418
عدد السيارات بالرياض : 4049960
عدد السيارات في الباحه : 320599
و هذي الاحصائيات لعام 1427 .
و اذا تبي تتأكد اكثر زور هذا الموقع :
http://www.cdsi.gov.sa/
