الكراون فيكتوريا ، جراند ماركيز " معشوقة الحرامية "

إذا كان الشيء صار و خلص فأستغرب كيف نغفل عن دعوة مظلوم. يا خوي واحد زي كذا لا ترحمه لو تدعي عليه بعاهة دائمة و إطالة عمره عليها ((يا سلااااااااااام)). أنا لما أدعي ,, أدعي صح مو أي دعوة و ألح في الدعاء, فأذكر الجميع بهذه العبادة "دعوة المظلوم ليس بينها و بين الله حجاب" حتى لو كان فاسق فاجر.
و الحمد لله شفت بعيني خسارة الجاني أكثر مما أخذ بأضعاف! طبعًا سُرق مني مال سابقًا. أما سيارتي ما أحد يناظرها :bigggrin: و أصلاً غير منتشرة و جنوطها ما تيجي على أي سيارة حتى تركيبها مختلف.

معنا ماركيز 2000 وارد امريكا !! انساه شغال واخش البقاله !! اخش البيت واسولف مع اهلي واطلع والموتر شغال ! ابك اتمناه ينسرق هههههههههههه !! بس الحمدالله الاحساء عندنا حراميه بيوت مو حراميه سيارات ههههههههههه

مرحبا بكم

كل عام وانتم بخير وعيدكم مبارك

في البدايه مبروك عليكم هالامطار :) الجوو على هالصبحيه الماطره يبي جيب مايبي فورد :(

راح اكلمكم عن السرقات الي حصلت لسيارتي


سيارتي جراند ماركيز ٢٠١٠ اخذتها وكاله ،،، اول كسره للقزاز كان الموتر ماشي ٣٠٠ كيلو فقط :(

كسرت سيارتي من اشتريتها وحتى اليوم اكثر من ٨ مرات ،،، مرتين كسرو قزاز الراكب والباقي المثلث

اسكن في احد احياء شرق الرياض " الروضه " وفي هذا الحي خصوصا يكاد لا يوجد فورد او ماركيز لم يسبق وكسر زجاجها ، وسلملي على الامن !!!

في احد المرات اتصلت على الشرطه قلت بجرب وش بيسوون انتظرت قرابه الساعة حتى طل رجل الامن ومعه مرافقه الذكي ... !

اول سؤال وجهه لي : تشك باحد ؟
جاوبته : لا .
فقال لي بكل سماجه : وشوله مشتري هالسياره الله يهديك ،، هذي كثير سرقتها .... !!!! ( اضحك ولا ابكي )

ما ودي اقلب الموضوع امني لان الموضوع ماهو واقف على سياره تنكسر قزازتها ... للاسف !

ماعلينا ...

السياره ياجماعة الخير مافيها نظام امني ،، القزاز كله انكسر ولا مره اشتغل النظام الامني ،،

مايمنع اننا نجرب تركيب نظام امني جيد وفعال . ( مع اني عارف انها راح تسوي انذار ولاني جايب خبرها ،،، وماغير بتزعج العالم :bigggrin: )

و الحل الثاني هو تظليل السياره ... !!! اقصد تظليل يجعل داخلي السياره غير مرئي .

لاني وبحسب خبرتي في الايام التي اترك شماغي مثلا او احد اغراضي الشخصية " نظارة او ساعة او حتى بكت " تسرق السيارة .

و احد الاصدقاء نصحني بتظليل السيارة لعدم لفت نظر السارق لهذه الاشياء " وجهة نظر تحترم "


قمت بالفعل بتظليل عازل من الوكالة ولكنه ( زيرو زيرو ) اي شفاف ، التظليل من النوع هذا لا يمنع بكل تأكيد كسر الزجاج ولكنه يجعل الزجاج يسقط كتله واحده ( ترتاح من تنظيف السيارة :tongue: )

شكرا لتفاعلكم ونأمل المزيد حتى نصل لحل .

لا ياخوووي مافيها لاتشكك ولا حاجه تاكد ان مافيها جهاز انذاار
واذا فيها من الوكاله يكوون ضعيف جدا مايطووط الا في حاجه وحده وهي يووم تفك الشنطه بحديده زي مثلا تحط حديده بين الصداام والشنطه وتنزل الحديده على تحت بتفك الشنطه بس بيطووط عليك ويلم عليك الناااس <<<<<<<<<<حرااامي خبرره


وعلى السرقه انا كم مررره اطلع من الدواام القى بااب السياره مفتووح والسياره منفوضه نفظ من داخل حتى الفرشات شايلينها وكااان فيها جوواال ان 97 ورااح وكاانت محاولات سرقة المسجل بس ماقدر

والله المستعان

اخوي انت متأكد انه كل سيارات كراون فيكتوريا وجراند ماركيز ما فيها جهاز انذار؟؟؟؟؟
انا اذكر يوم شريت سيارتي من الوكالة كان من ضمن المواصفات الي عارضينها انه فيها جهاز انذار
انت شككتني هل انت متأكد؟؟؟؟؟؟؟؟؟؟؟؟؟

السلام عليكم
اخواني بما اني احد مالكي كراون فيكتوريا
الحمد لله انه ما صار لي هالموقف
والله لايكتب لاحد مثل هذي المواقف
عموماً اذكر يوم رحت اظلل السيارة من شركة LLumar قرأت في كتولجاتهم ان تظليلهم لما يوضع على زجاج السيارة يكون من الصعب كسر هذا الزجاج<<<<انا ما قلت مستحيل الكسر قلت صعب الكسر
عندي حل اضافي على حلي هذا وهو
اذكر في سيارتي الكابرس موديل 94 كان تجي صواميل الجنط 4 صواميل عادية
وصامولة واحدة يجي لها مفتاح خاص يكون عندك انت حتى اذا احد بغى يسرق الجنط يكون ما يقدر يفكه بسبب الصاموله الي لها مفتاح خاص
اتمنى اني افدتكم

انا ولله الحمد ما قد صارلي ها الموقف لاني ما ارقد الا والموتر في البايكه

بعدين الي يسال ليش يسرقون الفكتوريا والماركيز بالذات

راح اقولكم ليش لان الجنط تبعها رغم صغر حجمه الا انه سعره غالي

ويمشي على طول في السوق البنشري واثق انه راح يبيع الجنط في فتره قصيره لكثرة الفوردات والطلب على الجنط

يعني الحرامي يسرق وهو واثق ان محلات النشر بشترونه على طول وبسعر حلو

لكن لو يروح يسرق جنط لينكون مثلا

البنشر ما راح يشترونه من الحرامي الا بصعوبه وبسعر قليل حتى البنشري ممكن يقعد الجنط عنده شهر او شهرين ومحد شراه لان الطلب عليه قليل

عموما ما اقول الا حسبي عليهم
كيف راح يرتاح في حياته اذا كبر وتذكر ان ماضيه كله سرقه في سرقه

الله يهديهم بس

يسرقونها لانها اكثر سيارات تجي من الخارج.. استخدام امريكي ومايكون فيها

الكتلوج او الكتيب او استبنه وعفريته والمفكات واللذي منه ويروحو يحطونها

بسيارات مستورده على اساس انها كامله ومكلمه وكلها حرام×حرام وهي مفقشه

ومهلوكه انا ماشوف غير ذا السبب


لن مافي سبب مقنع غير ذا اشمعنا الكوامري السوناتا والسيارات المنتشرهـ بكثره ماتصير فيها ذي الحركات .؟

وانا لاحضت اغلب كمان بمنتديات اخرا اصحاب الجموس الجديده والتاهو من 2007
وفوق يشتكون من سرقة الاستبه ومقاعد الصف الثاني لن الأمريكيه تجي المرتبه الوسطيه منفصله وهنا السعودين مايناسبهم غير المتصل لكثرة البزارين مشالله
هع

ماقول غير حسبي الله ونعم الوكيل

الحمد لله سيارتي الكراون لها خمس سنوات ماحد كسر زجاجه وحتى لو كسره اغلى شي في السيارة شريط ب 10 تريل :bigggrin:

انا مره سمعت انذار سياراتي الماركيز 2010 نزلت لقيت الصندوق مفتوح ومو مصروق ولا شي ولله الحمد و اتوقع انه نضامها الامني قوي جدااا

والله شوف , انا موتري انكسرت القزازه المثلث اكثر من مرة , حتى اني شكيت انهم راعين محلاات القزااااز , يدورون على الحارات ويكسرون القزاز عشان تغير من عندهم ...

الحمد لله الحين حاط 3 فواصل مع انذار بوري + تم ترهيم الزجاج البلاستيكي اللي ماينكسر على المثلثات (كلها عملها ابوي الله يطول بعمره بنفسه في حوش بيتنا) , والحمد لله ما انسرقت الى الآن بعد خمس محاولات سرقة ولا قدروا ..

مرة اشتغل البوري وانخرشوا وانحاشوا
والثانية حاولوا وماقدروا وفتشوا الدرج ولقوا كم فاتورة + علبة كبريت خخخخ
والثالثة محاولة نتع الموتر ههههههه تخيلوا طلعت صلاة الفجر والقى موتري قالط قدام الجيران في نص الشارع هههههههههه
والرابعه اشتغل مرة ثانية البوري وطلعت لهم لكن لاذوا بالفرار " العن امهم اقسم بالله ولا كأنهم بشر عليهم سرعة مجنونه "
والخامسة فاتحين الكبوت يحسبون سلك ولا حاجه خخخخخخ

وبعدها كم مرة الاقيهم سارقين موتر وحاطينه قدام بيتنا يقالهم تحدي ههههههههههههه

والحمد لله الحين شكلهم طفشوا واستسلموا ...

اقول على طاري الرقم السري اعتقد ان كل فوردات لها نفس الرقم صح ولا لا ؟
افيدوني

تم كسر زجاج السيارة 4 مرات وفتحو الدرج ولم يسرقوا الكتلوج ولم يسرقو الجنط الاستبنة بالرغم انه سعودي وسرقو فلاش ميموري الله يشل يد اللي سرق سيارتي الماركيز حتى ان مخفر الشرطة طفشو مني

شباب يمكن في حرامي جالس يتصفح معنا ويقراء حلولكم واقتراحاتكم ههههههههههاي

الله يعينك على الحي اللي انت ساكن فيه

وعليكم السلام ورحمة الله وبركاته
حياك الله أخوي وبياك
بالنسبة للموضوع:
الله يعين بس
والله ثم والله لو تحت مو كفر ذو جنط أسود ألا تحت جنط بلاستيك ألا وأخذوه والله أنا تأذيت منهم خمس مرات ينسرق موتري الماركيز وكلها أكون قافل الشنطة بالقفل ويجون ويكسرون القفل اللي عند الباب
والجنط أول واحد كان من الوكالة اللي في الخارج
وبعدها صرت أحط أسود وبأحسب أني بأرتاح ألا يسرقونه ما يخلون شي أبد أخر مرة أخذوها وأخذو حتى العلوك والعطور والنظارة الصراحة نظفوا السيارة تنظيف ما خلو ألا شي واحد (( حبة علك وحده)) ياخي تضحك وتصيح بنفس الوقت هههه
والحل هو وضع جهاز أنذار وإن شاء الله نخلص منهم وأنا أشك في ذلك
مشكور أخوي على موضوعك الحساس حقيقة مشكلة للي ما عنده مناعة من الحرامية وفي النهاية الشكوى لله وحسبي الله ونعم الوكيل

وتقبل تحياتي ودمت:xyxwave:

صارت معي مرة واحدة
كسروا القزاز وفتحوا الدرج وسرقوا الكتلوج
المصيبة الكتلوج انجليزي يعني حرامي متعلم ويبي يقرا
الحل انصحكم تقفلون زر الشنطة اللي عند السواق بالمفتاح وعشان تفتحها عندك الارقام او تفتحها من الشنطة بالمفتاح
واللي ينسرق غالبا السعودي لان الاستبنة حقته جنط عادي مو زي الامريكي يجي اسود وصغير