- بسم الله الرحمن الرحيم -
ابي رايكم في E350 سيدان من ناحية الشكل و القوة و المواصفات و سعر مع كيتAMG.
ابي رايك في E350 الكشف و المواصفات و جو الرياض غباار و شمس هل ممكن ان يحدث اي ضرر للسقف كأن بنشق او يهرب ماء او غبار و هل ممكن ان يتغير لونه .
و اى الافضل منهم .
هلا حياك الله اخوي
والله من ناحية السياره كلهم حلوين ومثل مانت عارف المانيه لا شغل ملفق ولا غيره
يعني خذ سياره ونت مرتاح والمرسيدس غني عن التعريف
ولكن انا عندي تعليق من ناحيه الكشف اللي انت تتكلم عنه ..والله شوف يالغالي الكشف بالنسبه للسياره وخصوصا عندك هنا في السعوديه ..تتطلب كم شغله ومن اهمها
لابد يكون عندك كراج وسياره ثانيه تستخدمها ..كذا انا اقولك اشتري الكشف ولا تخاف
لكن اذا ماعندك كراج ولا عندك سياره ثانيه انا اقولك اسمحلي ماينفع لك الكشف
الاجواء عندكم في الرياض غبار 24 ساعه ..معناته الكشف مع الوقت راح يتغير لونه بتقولي لا شدعوه الماني وصناعته كويسه ...بقولك انا والله يخوي غبرة الرياض لحالها كانها بويه لي جاتكم غبرتكم غير شكل حمراء وقويه
ثانيا الامطار وغسيل السياره والى اخره اكيد راح يضر الكشف عندك مع مرور الوقت وشمس الرياض وقت الصيف ..يالبيه تصلخك صلخ ولا بعد جوكم جااف ياسلام شغل عدل ههههههههههه
بس عاد مو معنى كلامي راح يتشقق عليك بنفس اليوم او بعد شهر ..لا يعني ياخذ معاك سنه بالكثير ثم بعدها رح شفه هو نفس اول ولا غير ..
فانا اقولك لك الاختيار تبي الكشف تحمل مايجيك :smilie16:
وبدون كشف راح تستمتع بالسياره مع وجود فتحه طبعا بالسقف هذي تنبلع شوي مع اجواء الرياض ..
تحياتي لك
