بسم الله الرحمن الرحيم
السلام عليكم ورحمة الله وبركاته
ألف مبروك لكم جميعا :D
شعور *modern* عند شرا السيارة
وأخيرا يا شباب وبعد أنتظار طويل أقولكم أني شريت سيارة العمر سكودا سوبرب وباركولي وأدعولى أن الله يوفقني .
ومثل ماوعدتكم أنا راح أتكلم عن السيارة في كل شئ يخصها .
وقبل مانبدأ راح أقولكم أن سيارتي السوبرب لونها الخارجي أسود ولونها من الداخل بيج ( هوليوز ) فلللللل كااااامل فئة ليجانسي
لحظت أستلامي للسيارة وأنا مستلمها المغرب ركبت السيارة وحسيت براحة غير طبيعية بمراتبها الجلد أغلقت باب السيارة والمكان اللي أنا فية مظلم ,,, والآن تأتي المفاجئة ,,, شغلت أنوار السيارة !!! وفي لحظة تشغيل أنوار السيارة حسيت أني جالس في فندق 5 نجوم أنوار الزينون تخطف بصري والأضائات اللي داخل السيارة سحرت عيني وكحلتها بروعتها أضائة حمراء خافتة أراها تضيئ على القير والمسجل والمراتب والدركسون وأيضا ثوبي الأبيض أصبح لونه أحمر وحسيت بشعور أول مرة أحسه بحياتي قلت خل أنزل من السياره ماأتحمل الصراحه وأيضا مفاجئة أخرى مقابض الأبواب مضيئه بنور أبيض خافت وهذي الأنوار روووووعه إلى أبعد حد شئ خيالي ,,, المهم فتحت باب السيارة وأشتغلت اللمبات اللي على المرايات وااااااااو في كل مكان أنوار تحت الأبواب الأربع لمبات وتحت الكراسي لمبات و و و.... الخ
والله يا شباب أن السكودا سوبرب أبدعوا في الأضائات شئ عجيب الصراحه
==================================
أنا الحين ركبت السيارة ومشيت فيها ماشالله هدوووووء تاااام في الطريق صوت المكينه والسيارات اللي تمشي بجنبك مالها أي آثر ولا تسمعها يعنى بختصار السيارة معزوله عزل غير طبيعي .
الدركسون ثقيل شوي وهذه ميزه في السيارة علشان تمسك في الطريق
الرساوه مايبيلها كلام ,,, والله ياشباب السيارة راسيه جدا جدا جدا وفيها نظام ثبات في الطريق وفي السرعات العالية ,,, وأنا أمشي شفت الطبلون لقيت نفسي قاعد أمشي 150 ماحسيت بالسرعه أبدا مشالله كأني أمشي 80 .
وأنا ماشي حدني واحد وصار وجهي كذا السيارة جديده وتجي تحدني المهم اللي حدني لموزين وأجي وراه وأكبسله ذيك الكبسه ماشالله الزينون يكبس ويوم شفت الزنون يكبس طلعت مبسوط لأنها كبستها مثل كبسة الفكس آر
الحرارة ماشالله طبيعية وممتازه انا اطلع فيها بعز الظهر والله درجة الحرارة 52 درجة وانواع المشاوير من الظهر إلى العصر وواقف عند اشارة ودرجة الحرارة ثابته والمكيف باااااااااااارد .
