نصيحه لوجه الله تجنبو الموركري ميلان

يا خوان عندي نفس موتر الرجال ونفس المشكلة !!

و الرجال صلح موتره بـ 8 الاف وانا صراحةً مقدر على هذا المبلغ !!

يمدي الموتر يعيش مع المشكلة هذي .؟!

الله يحفظكم ماقصرتم والله وفيتم وكفيتم ... السياره وديتهاا وكلفتني 8 الاف وبادلت واحد معاه كامري 2010 ماشيه 70 الف وزوته 15 الف
أبي رايكم الله يحفضكم وش أفضل الكمامري ولا الميلان ؟؟

اخوي انت من ويين .؟

رح اكثر من ورشة توضيب مشهوورة وفاهمة ويوضبونه لك ..

انا شايف ميركوري ميلان بعيني يوم وضبت قير الكابرس ,,

تقريبا جميع السيارات الأمريكية تتوضيب ان لم يكن كلها

عندك المركز السعودي الامريكي يوضب اي جيربوكس ولو مرسيدس والقطع لو مهي متوفرة يجيبها من برا

ويكلف بالكثير 6 الاف مع ضمانت 6 شهور

ولو رحت لورش ثانية يكلف 4000 الاف ونص كأكثر حد,,

بعدين البطيخة غريبة .!! تتغير

معروف انها تنفك وتتنظف ,!!

هذا والله اعلم والله ييسر لك امورك

بالتوفيق

يالغالي اخوي معاه ميركوري ميلان 2008 وصارت معاه نفس حركتك واتبهذلنا وكلهم نصابين يقولون كلام من عندهم الين طبيت في واحد امين وقالي المازدا والميركوري كلها كذا فيها مشكله في الجربوكس ويقولي ووضبت 20 سياره زيها.... المهم

قلي غير كلتشات وو الحزام وونظف الحساسات وغير فلتر جربكوس ووزيت

تقريبا القطع 2500 وشغل يده 1300

واذا تبغى راسلني على الخاص واكلمك
ترى والله ماسجلت الا عشانك مابغاك تتبهذل زي ماتعبنا وحطمونا هالنصابين
يقولون جيب جربكوس جديد ب 16000 السياره كلها ماتجيب 30000

ومابغى منك غير تدعي لي

كلام منطقي وصحيح كيف كل القطع ذي تخرب وفي وقت واحد
اجزم انه نصب في نصب بدون ماشوف شي
ياخي وربي بحسن نيه مرت عليه لااني التمس الخير في الناس
ياعمي احلق دقني من الحواجب اذا كلامهم سليم
وربي ماقد مرت عليه كل القطع ذي تخرب في قير ومن اول مره
انتبه عزيزي وشاكر لك اخ msiii على التنبيه
دمتم جميعا بخير

بروح الصباح عنده وخليه يطبقه زي ماكان وبغير حساس بجرب أنشاء الله يزبط > لو زبط يرجع الفضل لله ثم لمنتداكم الاكثر من كفووو:wink: انشاء الله مايفك باب الورشه الا وانا محضر عنده

موجوده القطع في تريستار المشكله في الغربيه دكسول مغطي عليه من جميع النواحي
اذا مالقيتها عند المحلين تلاقي قير كامل تشليح او القطع ايضا تشليح

بالتووووووووووفيق

ما دام فك الجير وانت ضامن انه فعلا فكه! "لا اقصد سوء الظن بالورشة لاكن الاحتياط في هذه الامور مطلوب" فما لك الا الدعاء لله وفي حلول اخرى ممكن تطلب القطع من الخارج اذا لك في الشراء من الانترنت وفي مواقع كثيرة موثوقة. لكن بصراحة مع اني ما عندي علم كثير وأشوف انه القطع المطلوبة مبالغ فيها مقارنة بممشى السيارة. يعني مثلا الطرمبة والبطيخة والبودي بلف بدري عليه الخراب وهي ممكن تتفحص بعد ما فكها لكن نادر انها كلها تخرب . وهذا سبب آخر للتأكد من موضوع الفك. واللهم سامحني على سوء الظن بالناس...... وان شاء الله ينحل موضوعك بأسهل الأمور.

ياليت يالغالي تفيدني باسم الورشه الي راحهاا

اسال الله ان يسهل امرك .

اخي الكريم اتوقع حساس والله العالم صارت مشاكل مشابهه لمشكلتك وكان السبب الحساس لا واحد الاشخاص صارت له نفس المشكله ومر كل الورش على التوضيب الا واحد قال حساس ونعم طلع حساس فانتبه انتبه انتبه انتبه .

يالغلا رحت يوم الاحد تري ستار . الي قريبه من شبك المطار قالو مانستقبل الموركري ميلان لان برنامجها بشركه فقط . ورحة شارع الصناعيه الي بشارع الاسان وبضبط مركز البشام الدوليه وقلي بسويلها فحص . وقلي مايبين حتى نفك القير المهم فكه وقلي التروس والكلتشات معدومه..:wink: وقلت وضبه قلي حاضر بس جيب القطع 1- طرمبه زيت 2-بطيخه 3-طقم أصلاح 4-تروس كركم 5-درم أمامي وخلفي 6- بودي بلف
قلت أبشر علا بالي تايوتاا هههههه ورحت الحاج حسين رضا قلي في جربكس كامل مافي توضيب لهاا قلي ب24 الف قبل الخصم وبعد الخصم 15900 وصراحه أيست يوم قلي كذا

هل سبق وغيرت زيت الجير, صحيح انه 90 الف ما توصل انه يخرب اذا افترضنا انك ما غيرته. لكن طبيعة الاستخدام تفرق .

وبعدين لا تعتمد على الصيانة واظن انك تقصد الوكالة , اكيد بيقولوا تغير الجير بواحد جديد,
روح اي ورشة توضيب معروفة لأجل تشخيص المشكلة اولا وليس التوضيب مباشرة والأفضل اكثر من ورشة.
اذا انت من جده عندك تراي ستار, ديكسول, العالمية. يعتبروا الافضل حسب علمي. ومشكلة قطع الغيار اسأل عنها في هذه الورش وان شاء الله تحصلها

لانه ممكن تكون مشكلة بسيطة لا تحتاج الى توضيب من حساسات وكهرباء والاخوان في المنتدى اعلم بهذا المجال ويفيدوك بإذن الله. ولا تفكر تبيع السيارة ابد. اغلب السيارات تكلفة التوضيب بين 3000 الى 4000 ريال هذا اذا كانت تحتاج اصلا. وبصراحة ما قد سمعت او شفت احد يشتري جير جديد الى هذه اللحظة.

هو كان هدفي كذا بس الفاجعه .. قالوو مافي قطع للجربكس عندنا جربكس كامل .. وعلى فكره الشركه قفلت وشراهاا الحاج والحاج حولهاا لتوكيلات الجزيره .. يعني ساقوها عليناا

طيب وضب القير لاتشتري جديد

أميـــن وياكم يارب

الله يكون بعونك أخوي و جزاك الله خير

و بقولك كلمة دايم السيارات الي ما جربوها الناس أبعد عنها ...

لأنك ما تدري وش مشاكل السيارة الجديدة

يجي من يفيدكـ

تحياتي ,,