سيارتي كراون فكتوريا 2007 فل كامل -- تكفون نصيحتكم بالجنوط والكفرات

Abo Yazan200 @user_278110 · 03-03-2012

السلام عليكم جميعا
انا الحمد اشتريت السيارة الموضحة بالصورة

فكتوريا 2007 امريكي فل كامل
بس الجنوط انا ماعجبتني ... ودي بالجنوط الي تجي على شكل مرواح مثل هالصورة اللي تحت

ابي نصيحتكم ايش افضل شي ممكن اركبه هل هو اصلي او التجاري
ووين احصلها بالرياض
واهم شي الكفرات ايش تنصحوني فيه
علما بانني ابو عيال ولالي في المقاومات وهالامور وسواقتي راكده واحب الراحه في الموتر

المطلوب لو سمحتوا ::: الجنوط المراوح هذي وين القاها بالرياض + ايش افضل كفرات

abo naif@ @user_281240 · 10-03-2012

مدامك بالرياض رووح عند الغراابي شارع كامل كله جنووط

اكيييد لاتركب الا الاصلي

لان التجاري =صيني

يعني تنكسر عليك في اي وقت انتبه اخي العزيز صح الاصلي فرق السعر بكثير عن التجاري بس اضمن لك ولسيارتك

وتحيااتي لك

Night @user_14595 · 03-03-2012

السلام عليكم ورحمة الله وبركاته

في الحقيقه عزيزي انا ارى ان جنوط الفكتوريا اجمل ،، وانصحك تركبها ..

وبالتوفيق ان شاء الله ، ومبروك عليك الموتر ويعطيك خيره ويكفيك شره ان شاء الله

مع التحية

Night

تم نقل الموضوع من قسم اعلانات بيع الاكسسوارات وقطع الغيار الى قسم الالكترونيات والاكسسوارات والعنايه بالسيارات