شو رايكم بأودي A5 ؟

الله يعطيك الف عافيه و الله عالموقع و المعلومات القيمه جدا :)

الحين فهمت منك ان اعتماديتها عالياً هذا المهم :)

نسيت اقولكم
مدري لو قلتلكم و لا لأ :)

انا فعلاً سألت بالوكاله عن الكميرا
بس و الله من السعر الخيالي السعر ما عاد ببالي و لا افكر فيه فيمكن نسيت اقولكم :confused1:

المندوب (الظريف) قالي لو ركبنالك الكميرا لازم تيجي مع نظام الملاحه كامل و هادا يكلف 25 ألف درهم
مدري عاد يتكلم من عقله و لا يستهبل !

عموما جاري النظر بالسيارات المستعمله المضمونه + برنامج الـconfigurator بالموقع نفسه و بنردلكم خبر لو قررنا على شي :)
بالتوفيق,,,

شيك الموقع مرة ثانية ! دخلت و اخترت المواصفات وكلها متاحه

http://configurator.audi-me.com/controller?next=equipment-page&mandant=accx-me-az

اعتمادية السيارة عالية لو عاملتها بـ عقلانية ( طبيعي ما راح تعاملها مثل الكرولا والسيفك )

السيارة تحتاج رعاية و اهتمام ..

عموما ضمان السيارة يشمل اغلب الاشياء في السيارة

و يكفيك انك ما راح تدفع ولا فلس عالسيارة طوال فترة السرفس المجاني 105000 او 5 سنوات

و السرفس كل 15 الف .. بس تحتاج تضيف اويل للمحرك بين السرفس والاخر ( شي طبيعي ) و راح يكون على الوكالة وما تاخذ منك 10 دقايق

عندي لك نصيحة اخرى .. ادخل موقع http://www.audiapproved.com/

و اختار البلد اللي انت فيه .. و راح تطلعلك سيارات الوكالة المستعملة ( اغلبها سيارات المدراء او سيارات التست درايف و تحصلها ماشية شئ قليل و تحت ظمان الوكالة والسرفس المجاني )

و ارخص من السعر الاصلي بكثير ! و السيارة مضمونه من الوكالة كأنك مشتري الجديدة

أي والله
سيارة الرفاهيه المطلقه !
و لا المرسيدس C Class و لا BMW تنافسها !

بس انا فعلا عاجباني الـsportback حتى اكتر من الكوبيه فعلا :wavey:

بس موضوع المواصفات هادا للأسف يكلف كل متضيفها للسياره :confused1:

لذلك عالأغلب بكتفي بالمواصفات الحاليه المذكور أعلاه,
و الكميرا بعمل جهدي أضيفها بطريقه أو أخرى, طبعا تكون موصوله بشاشة السياره او عالأقل المرايا !, ما يهمني المهم يكون في كميرا :smile:

بس سؤال اخوي
كيف اختار المواصفات هادا اللي محيرني؟!
قصدك من الموقع ؟! لان هالموديل بالذات ماني قادر اعدله عالموقع
باقي السيارات اقدر !

لو سرت للوكيل و قلتله ضيف هادي و ضيف هادي اخونا بسلخني بالسعر :S
مدري يا ريت توضحلي كيف اعدل المواصفات عكيفي ؟!

و الكميرا اول مأسمع عنها خبر اكيد بقولكم و هالموضوع منضاف بمفضلتي

بس اهم شي ما جاوبني عليه اي من الشباب
إعتمادية السياره, لانه اكثر شي مخوفني و الله, و سيارتك كم ماشيه و هل صادفت اي عيوب ولو صغيره ؟

بخصوص الكاميرا انا ودي انك تسأل الوكالة لأن انا بعد ناوي اركب كاميرا

عطنا الخبر اليقين و ان شاء الله تكون من ملاك الاودي عما قريب

انا امتلك اودي اي 5 كوبيه 2011

سيارة اكثر من رائعة و قمة في الاداء

و جودة الداخلية 100 %

سيارة كاملة والكمال لله .. تحسها خالية من اي عيب

و الشركة مهمة بأدق التفاصيل وما تاركه مجال للخطأ في السيارة

الاسبورت باك ( 4 ابواب ) جميلة جدا .. و ارخص من الكوبيه

بس المساحة الخلفية تعتبر ضيقة لأن السيارة بالاساس كوبيه

انصحك بها وبكل قوة .. خاصة لو عندك صبر اختار المواصفات اللي تبيها

و السعر يطلعلك بعملتك المحلية من المصنع دون ان يتدخل فيه الوكيل

اليوم رحت شفت السياره
و الله قمة الرفاهيه و الجمال ! و لا ستين مرسيدس c و لا حتى E مع احترامي لعشاق المرسيدس :)

السعر 185 ألف A5 Sports Back
صور:
http://img824.imageshack.us/img824/6363/1680x1050aa5d10111.jpg
http://img52.imageshack.us/img52/7422/1680x1050aa5d10108.jpg

و عندهم 165 لكن الاولى فيها شوية مواصفات زياده, الظاهر انها تستاهل مثل الكراسي الجلد, النوعيه الحاضنه للسائق للثباتية, جنوط 19", sports suspension, audi music interface
Glass sunroof, مدري هي زجاج كامل السقف و لا بس فتحة, مش سالفه عموما :)
S Line exterior package (اتوقع شبيهه بالـإي إم جي للمرسيدس)
lighting package شبيه بالمرسيدس ايضا

تخشيب للكونسو الأوسط
تبريد اوتوماتاكي بـ3 مناطق
كروز و بلوتوث
زينون بلس Xenon Plus
حساس للضوء, حساس للمطر !
حساسات خلفيه,
مقبض تبديل السرعه على الستيرنج paddle shiftters

بس الخساره ما فيها كاميرا اكثر شي كرهته
بس للأمانه باقي المواصفات شي رائع و الله !

ضمان 3 سنين
صيانه 5 سنين !
السؤال هل في امكانيه نركب كميرا للموديل ؟؟ مع العلم انه فيها شاشه ملوه طبعا !

للأسف اخوكم انغش بسيارته الوكاله الجديده, و لهالسبب صرت احسب ميت حساب قبل شراء اي سياره
رغم اني التزمت بالصيانه بحذافيرها و التزمت كمان بكتيب السياره اكتر من اللي صنع السياره و ساقها :c0038:
و من كثر مشاكل السيارات و حتى الجديده اللي توها طالعه من الوكاله
صرت متخوف لو اشتري تويوتا !

فعلا المرسيدس سبب غلائها حتى بس إسمها اكتر من اي شي تاني, ي يقولو إعتماديتها عاد الله اعلم :c0214:



شكرا لمرورك اخي, صراحه اللي مخليني اشتريها هو الضمان 5 سنين اللي مقدمينه الحين
بس لسه السؤال وين محل الوكيل بابوظبي :S

الله يعينك والله شي يحير

الاودي قمه


اما المرسيدس كل ماقدمت زداته جمال
انصحك بالاودي

تمشي ملك بين العالم