سيارتي مشت 270 الف كيلومتر وما غيرت زيت الدفرنس وش راي اهل الخبره

أخوي. مثل ما قال لك الفني, زيت الدفرنش مثله مثل زيت المكينه والقير في تأديته نفس الغرض وهو تزييت الأجزاء المتحركه والتقليل من تأكلها. مع الوقت أكيد الزيت بيفقد اللزوجه وخاصية التزييت. واذا كان فيه تهريب أكيد بينقص. أحسن حاجه تشيك عليه واذا تعبان تغير واذا بس ناقص تزيده. وبالنسبه للنوعيه أحسن شي أسأل الوكاله لأن بعض السيارات ماينفع معه الا زيت معين والا يطلعلك صوت طقطقه.

مثلا الشروكي جربنا وما نفع معاه الا زيت موبار من الوكاله ولازم يحط معه علبتين من زيت التراكشون عشان الكلتشات اللي في الدفرنش الخلفي. ولو سألت أصحاب البناشر مو كل واحد بيعرف هالشي.

الظاهر ان الطلي هج وراح الله يخلف عليك يا الفني

انا اشوف انك تغيره

لأني بالومينا غيرته لما مشيت 40 الف وما شفت فيها مشكله بلعكس
انا ذاك اليوم غيرت البواجي و الفلتر حق الهوى وفلتر البنزين زيت الجربكس وفلتر الجربكس وزيت المكينه وفلتر المكينه وزيت (الدفرنس) يشيخ ماشاء الله رجعت السياره احسن من اول

ltz93 حبيبي اسالني أنا اوعى اتغير الزيت لنك راح تطورت بعدهالا بالدفريشن زيد وبس مثل ما جالوا الشباب
الدفريشن اذا انفتح انساء يرجع مثل الأول فخلك طبيعي وعلى ما انت عليه

الأخ ltz93 ... بصراحة ما أعرف أفضل نوع من زيوت الدفرنس ,, ازيده واغيره في المشاحم .. ولكن اذا كنت حريص ( مرة ) اسأل الوكالة .

دام انك دايم تزيده وتتفقده ومستوى الزيت جيد وكذلك لزوجته ، ولم تظهر منه ىاية مشاكل فاتكل على الله وخلك على ما انت ن واسمع راي الميكانيكي ربما تظهر لك مشاكل كانت نائمه .
طبعا يفضل من البدايه اتباع تعليمات الشركه الصانعه في كتيب الاستخدام وهو يوصي بالتغيير على فترات معينه وبموجب جدول محدد ، ولكن طالما السياره قديمه فاعقلها وتوكل

ما قصرت اخوي سلندر ويعطيك الف عافيه ، بس ودي اعرف وش افضل زيت للدفرنس ، لأن حقين تغيير الزيت ماتضمن الزيت اللي عندهم.

الأخ ltz93 >>> شيك على زيت الدفرنس بنفسك ... وشق بونه ولزوجته ( وريحته )

أنا معي كابرس 89 ,, بعد ما غيرت الزيت والسيفون ( حق المكينة ) قلت للعامل شيك على زيت الدفرنس ,, وكنت شيكت عليه قبل سنتين ثلاثة

المهم ... قال لي العامل أن الزيت يحتاج الى تغيير لأن ريحته تعفنت ( غريبة يمكن )

وفعلا غيرت الزيت والموتر ما عليه

المعروف ان زيت الدفرنس ما يتغير وانما تزيد عليه

ولكن اذا كان فيه تغير في ريحته فالأفضل انك تغيره

ارجو أني أكون ساهمت في مساعدتك

استخدمه لان كل جديد مطور عن الي قبله




تحاياي

اخوي الفني والاخوان المشاركين مشكور على ردودكم وابشروا بالطلي اللي على كيفكم بس قولو لي طيب وش رايكم بنوعية الزيت ،بصراحة راعي ورشة قالي ان فيه زيت جديد للموديلات الجديده من 94 وطالع يباع بالعلبه والعلبه يمكن بثلاثين بس يقول انه ممتاز ويخلي الدفرنس زي الحلاوه ، وش رايكم والا اغير من الزيوت اللي عند حقين غيار الزيت واللي والله ما ادري وش حاطين معها.

ههههههههههههههههههههههههههههههههه




تحاياي

طيب يا متخصص .. والطلي ..؟؟؟|5| مافي أمل يعني ..؟؟؟

اوافق الفني برايه وخاصة بالي راح تصحيه من النوم .. طالما الدفرنش ماشي تمام مافي صوت ونه او طق تروس لا داعي لتبديله فقط زيادة المستوى اذا نقص .. شكراا

أول شيء تروح تدورلك على شي طلي مدهن .. وتذبحه .. وتزعه ( جم بيتنا )...:D

ما شاء الله ...
زيت الدفرنس يفترض يغيير كل 30ألف كم .. نعم يفضل أن تغييره ..
وإن كنت أخشى إنك تصحيه من النوم ..
أقصد بعض القطع تكون تأقلمت على شيء معين ولما تعملها صيانة تبدأ تخبص .. لا اتصور أن ذلك سيحدث في سيارتك .. بس ممكن .

اعتقد ان زيت الدفرنس ما يتغير بس تزيد عليه اذا نفص وواحد من الشباب عندة كابرس موديل 87 وما غير الزيت من يوم شراة والسيارة ما شية تمام والحمد لله

اخوي اذا حدث اي شئ من الدفرنس او ان احد الميكانيكيه قالك

فيه مشلة ما غيره وسو الذي ينبغي انك تسويه اما اذا مافيه شي

لا تقرب له ممكن تحدث مشاكل اخرى وهاذي مو غريبه ان يضهر

اي اعراض جانبيه يعني لا تغير وتسوي اي شي غير او زوده اذا

سمعت للدفرنس صوت ما ...


تحاياي

شكرا لردك اخوي عاشق عبود بس المشكله اني اعرف ناس ما غيروا زيت القير مهوب الدفرنس من مده طبعا القير التماتيك وبعد ما جو يغيرونه مع الفلتر حقه خبط القير وقالوا لازم توظيب، وبعدين انا اعرف ناس عندهم سيارات من الثمانينات وما غيرو الزيت حق الدفرنس ، بس انا ودي اعرف وش الصح انه يغير والا يزود بس.