اصحاب الاكسبيدشن كفووون الراي

للامانه وبدون مبالغة جارنا عنده اكسبدشن موديل 1998 والله انه الى يومك مافيه الا العافيه الموتر روووووعه .... صحيح هو شايب واستخدامه حشمه بزياده ... بس مايمنع اني اطرح لك تجربته مع الموتر

اخوي انا عندي ادي باور 2010 قصير

1. هل السيارة عملية وقطع غيارها متوفرره في الوكاله و برا الوكالة باسعار مناسبه و صيانتها سهله؟
السيارة بشكل عام جدا عملية ماشاء الله والصيانة الدورية معقولة بس بعض القطع غالية شوي يعني مثلا انا انكسرت عندي الجام الأمامي وغيرتها ب 3000 ريال و حساس المطر للمساحات اخترب وفالو نغيره ب 2600 بس ماسويته

2. هل الانوار الامامية اداؤها ممتاز ام مثل الفيكتوريا؟
احسن من الفكتوريا أكيد بس لازال اداءها متوسط بس مع الكشافات الوضع يكون أفضل

3. هل السارة تتحمل الوقفه في الصيف في الظهر و الانتظار دون ان ترتفع الحرارة؟
لا تشيل هم الحرارة لأن موضوع الحرارة انتهت منه فورد من عام 2000

4. هل اداء المكيف في الظهر في الصيف و في الزحمات ممتاز؟
المكيف اداءه متوسط ويمشي الحال

5. هل التعليق الخلفي المستقل يعتبر واطي و عائق؟؟ خصوصا للبر او الاماكن الجبلية (البصيطة طبعا)؟
6. هل اداء الدبل فيه مقارب للتاهو؟
ماني راعي بر

7. هل اداء المكينه و القير مناسب لوزنه؟
المكينة مناسبة وتشيل الموتر بس اذا بتاخذ الطويل يمكن الوضع يختلف

8. هل السيارة سلسة وانسيابيه و تنفع للاستخدام اليومي(سيارة وحيده)
انا استخدمها يومي ومريحة وخاصة مع شوارعنا التعبانة بس يعيبها السلاسة كأي سيارة ثانية بهذا الحجم يعني القومة تأخذ وقت وصعوبة المواقف ولازم تهدي عند اللفات وغيره بس مع الوقت تتعود

السيارة بشكل عام جيده ولكن انا اشوف ان الاكبيديشن مايصلح لك بالوقت الحاضر للأسباب الآتيه:
1. السارة كبيره عليك وعلى عائلتك وممكن تمل منها مع الوقت
2. السيارة شكلها ماهو شبابي و يمكن يتغير السنة الجاية 2014

أنا ارشحلك تفكر بالاكسبلورر أو الدورانقو من دوج في الوقت الحاضر أو خذلك شي مستخدم الين ماتشوف اشكال 2014 من اليوكون والتاهو والاكبديشن ولاتنسى الاستخارة

1- نعم .
2- نعم .
3- نعم .
4- التكييف ما عليه كلام بارد وممتاز لكن للأمانه في عز الصيف وانا اكلمك عن درجة حرارة من 47 الى 52 يخف بالوقفه وهذا أمر طبيعي بسبب الحرارة العالية وزحمة السيارات من حولك وانا ما حسيت بهالشي إلا العام والسيارة عندي من 2008 . لكن بشكل عام لا تشيل هم المكيف راح تجربة بروده ودفع قوي ولا فيه اية مشاكل .

5 - ما عندي أجابة بخصوص التعليق ما جربته بالبر .
6- اللي عندي دفع خلفي ما احتاج الدبل فما أقدر أفيدك .

7- السيارة خفيفة وبالفزه على ما اذكر نظام المكينة يعطي عزم 365 - فعلى حجم السيارة إلآ أنها خفيفة وسلسلة .

لو بتسألني أكثر شي لفت نظرك في هالسيارة بقولك حبيتها لقلة أعطالها ... شبه معدومة . وقبل لا إشتريها قرأت في مواقع السيارات الأجنبية أن الفورد في امريكا سجل أقل أعطال وهذا بشهادة عدة مؤسسات أمريكية مختصه . كملت عندي ممشى 90 الف وما خرب عندي إلا موزع التكييف الخلفي - قطعه صغيره قيمتها 6 دنانير بالوكالة وانا ركبتها بيدي + ذراع الجام وهذا بسبب الماي من غسيل السيارة .

والسيارة من داخل واسعه ورحبه وهالشي خلاني احب مثل هالسيارات .
+ لاحظ أن اللي جالس في الكشن الثالث راح تكون رجولة بمستوى وحال قعدة السايق يعني ما يرفعها مثل باقي السيارات الأمريكية واليابانية + اذا سدحت الكشنات بتشوفها بمستوى مستقيم وهالشي مفيد للتحميل .

توكل على الله ولا تحاتي سيارة جامده ما فيها سلبيات .

لكن والله أعلم بيتغير شكله في 2014 :)

صدق من سماه
(( أسد الصحراء ))

ماشاء الله عليه

صدق من سماه
(( أسد الصحراء ))

ماشاء الله عليه

وعليكم السلام

عندنا واحد طويل xlt 2011 طلعناه قبل سنتين

للحين ماشيه ٤٨ الف ما شاء الله السيارة مريحه وممتازه وعزمها حلو

الراحه مريحه ولله الحمد
مكيفها صراحة مو ذاك الزود بس يبرد ويعتلبر طيب

السيارة تستخدم في جدة واوقات الحرارة توصل ٥٠ وما شااء الله امبير الحرارة ثابت

استخير الله وان شاآء الله خيرة لك

بعض السيارات ٢٠١٣ فيها مشاكل مثل وزنية الابواب او المساعدات بحكم انها واقفه مدة وكلها بتكون ع الضمان

ما في احد ثاني طيب؟؟
وين اصحاب الاكسبيدشن والا للدرجه هذه ماله شعبية و يخوف؟!!

بالمناسبة, اليوم رحت للوكالة وسقت السيارة مسافه للاسف ما تعدت 1كم. ولا قدرت احكم عالموتر زين. ما ادري على ايش يسمونها test drive
بالنسبة للمكينه/ قويييه (قد تكون نفس او اقوى من اليوكن) بالمناسبة انا عند اخوي جيمس 2003 و الوالد يوكن 2010 بس افكر في الفورد للتغيير.
اللي جربته كان الطويل و اللي ابغاه القصير

لمن سألت عن انوار افيكتوريا فهي ببصاطه تتمشى في الخطوط بدوووون انوار (مبالغة ليست كبيرة)

بيض الله وجهك ياخي, والله اني لي يومين اتابع الموضوع و مستغرب مافي احد يرد على ان الزيارات فوق ال80