مكسيما 2000 ( كربون + كتمة ) الرجاء المساعدة

بسم الله الرحمن الرحيم

السلام عليكم ورحمة الله بركاته ..

اخواني شريت مكسيما قبل فترة

موديلها 2000 ..

من شريتها وفيها كتمة عجيبة ..

اول مايوصل عداد ضغط المكينة ل 4 تفز السيارة وتطلع كربون خيالي ..

ركبتلها بواجي رياضية ونظفت الفلتر وغيرت حساس هواء الفلتر وشيكت الطرمبة وكانت كويسة ..

ومسكت فيها خط الجبيل قلت يمكن يبيلها خط ..
يوم شديت عليها بالخط احترق حساس الهواء وطفت السيارة .. ( لا اعلم ماهو السبب )

ركبت حساس ماليزي ووضعه زين لكن اذا فكيت الدعسة ينزل ضغط المكينة مره
المهم ماكملت معي فترة وخبطت المكينة ..

ركبت مكينة يابانية وللاسف ركبو لي نفس الثلاجة حقت المكينة القديمة

لان مكاين اليابان تجي الثلاجة ألمنيوم ..

يعني الثروتل والثلاجة نفس المكينة القديمة ..

فكيت الثروتل ونظفته كامل ( كان فيه حساس الدعسة وحساس ثاني له راسين اتوقع وظيفته يقرأ حركة الثروتل ) المهم الحساسات هذي ماغيرتها نظفتها بس ورجعتها فرقت السيارة الصراحة بشكل بسيط جدا
لكن الكربون مازال موجود .. والمكينة بعض الاحيان تكتم بشكل عجيب جدا والدخان كانها ديزل ( طبعا كربون أسود )

واللحين السيارة ماتشتغل الا بالموت بعد اربع او خمس تشغيلات .. ولازم اوزن دعسة البنزين ( وانتم بكرامة ) لين ماتضبط



البواجي : اتوقع انهم غيروها وممكن نقول انها يبيلها تغير

الكتاوت : شغالة وكان واحد مايوصل له كهرب وبرمجة الكمبيوتر وضبطت

حساس الهواء : مضبوط واتوقع مهيب منه المشكلة

حساسات الثروتل : اتوقع ان المشكلة منها لكن ماني فاهم فيها

السلف : مدري تأخير التشغيل منه ولا من حساس الكرنك

الدبة ( الشكمان ) : فحصته وموتري يجي بدون شخالات ولاهوب منها .. !

فيه منظم هواء او حساس يركب بالمكينة عند الكويلات اللي ورى .. يطلع منه هوز ينشبك بالثروتل .. هذا الحساس انكسر وابغيره لكن هل معقول ان منه السبب ..


السيارة حدها بالخط ماتعدي ال 200 مستحيلل :xyxwave:


وجزاكم الله خير