فورد فيوجن / كيا اوبيتما / شيفرلويه ماليبو / نيسان التيما

Faisal89 @user_292181 · 20-04-2013

السلام عليكم
كيف حالكم يالربع

بدخل بالموضوع .. اخوكم في الله له 3 شهور يحوس في ذا الوكالات وفي ذا الانترنت بحثا عن جواب لحيرته :bigggrin:
هالاربع السيارات اللي باينه بالعنوان كلها سيارات حلوه وممتازه بالشكل الخراجي والداخلي وبالمواصفات
ومحتار بينهم .. كل هالاربع السيارات من فئه وحده وكل سياره تتميز بشي .. وكلها سعرها متقارب
ابي رايكم ! اشهد بالله ان هالاربع مواتر داخلها مزاجي .. بس محتار .. واذا باخذ وحده منهم طبعا اكيد فل و4 سلندر
الوكاد انه الراحه والعزل الجانبي والارضي يهموني خصوصا بالخط .. وابي موتر يجلس معي 4 سنوات بدون مشاكل كثيره .. والعزم
اذا انت مكاني وش بتختار وليش ؟

وسلامتكم :blue:

DENZEL @user_176961 · 20-04-2013

F

Faisal89

^

شكرا يعطيكم العافيه على ردودكم
الفيوجن نازل شكلها الجديد من زمان ولا انا غلطان ؟ الا نازل يا اخوان

انتظر ردود اكثر من باقي الاعضاء يعطيهم العافيه

الفيوجن شكلها الجديد موديل 2013 نازل بأمريكا , واحتمال ينزل عندنا برمضان او بعده .

المتوفر حالياً 2012 .

Faisal89 @user_292181 صاحب الموضوع · 20-04-2013

^

شكرا يعطيكم العافيه على ردودكم
الفيوجن نازل شكلها الجديد من زمان ولا انا غلطان ؟ الا نازل يا اخوان

انتظر ردود اكثر من باقي الاعضاء يعطيهم العافيه

snickers @user_273781 · 20-04-2013

حبيبي الاوبتما فيها بنوراما مو تنده
ولو مكانك باخذها هي او الفيوجن

من ناحية الشكل طبعا
لان ماليا اي تجربه مع السيارتين ذي

و الالتما احسها تتهربد بسرعه كانت مع ولد عمي 2006 سنتين وهي مهرررربده
بس هو استخدامو عنيف جداا

اهم شي استخير ولو تشيك على هيونداي فولستر ترا شبابيه وحلوه بس مافيها ولا ربع هيبه سياره كتكوته وحلوه

موفق يارب

Dark_Tango @user_291448 · 20-04-2013

الماليبو فل 6 سلندر ب99 الف عند الجميح وهيا تعتبر افضل الخيارات

بحكم المواصفات والسعر

الالتيما كويسة وتستحمل بس مشكلتها لاخربت بيتعبك الوكيل هنا في السعودية

الفيوجن انصحك فيها اذا كنت تبغا 4 سلندر وهيا افضلهم بالنسبة للمكينة ولو تستنى لين ينزل الموديل الجديد يكون احسن

والله يباركلك في سيارتك ~

plus @user_289361 · 20-04-2013

ماليبو 6 سلندر او اذا تقدر تصبر الين ماينزل الشكل الجديد من الفيوجن وقتها انا انصحك بالفيوجن :smile:

سعد 511 @user_214137 · 20-04-2013

يع يارجل
الالتيما ماااش مشاكل انصحك ابعد عنه
الالتيما مزود بقير cvt ام المشاكل والازعاج
هذا القير وضع نيسان اسفل سافلين صوت ثقيل مثل الطنينصوته مزعج + تسارعه ضعيف + مشاكل التسخين
مشاكل الصيانة
تتفقع المساعدات اثناء السفر لطرق طويلة
الزبدة انها سيارة مدينة

Faisal89 @user_292181 صاحب الموضوع · 20-04-2013

الماليبو الفل 6 سلندر حدود 105

Wget @user_288155 · 20-04-2013

الماليبو بكم الفل 6 سلندر

الالتيما الفل 6 سلندر 117 الف

Faisal89 @user_292181 صاحب الموضوع · 20-04-2013

^

غلطان الماليبو امريكيه وقطع غيار امريكي بس الصناعه في كوريه عشان يسهل تصديره للشرق الاوسط .. الصناعه على يد امريكان في كوريا
الالتيما حلوه وعاجبتني بس 6 سلندر غاليه مره .. اقدر اغير اللمبات الداخليه للالتيما ؟ يعني مثل التورس اللمبات الداخليه لها كم لون
لأن الاحمر ماعجبني

Wget @user_288155 · 20-04-2013

انا املك التيما 2013 الفل 6 سلندر

بصراحة السيارة رائعة ، تجمع بين القوة والفخامة ، سعرها معقول ومناسب

الماليبو كوري والكيا كوري ، الالتيما و الفيوجن امريكي يعني الجودة للامريكي افضل ولو بدرجات قليلة

طبعا الفل 6 سلندر للالتيما تجي مع فتحة وداخلية الالتيما احلى من الماليبو

صرفية البترول ممتازة ومبهرة ، 8 ايام فل ويوميا امشي 95 كيلو

جربهم واستخر

Faisal89 @user_292181 صاحب الموضوع · 20-04-2013

كنت افكر بالالتيما بس طلع مافيها فتحة سقف حتى الفل ! ضاق صدري وفتحة السقف تهمني الصراحه
يبدو اني اقتنعت ان الاوبتيما ماتصلحلي اخيرا .. الخيارات انحصرت بين ثلاث سيارات (التيما / ماليبو / فيوجن) وياليت اللي يدخل ويقدر يفيدني مايسكت

speeed1 @user_47102 · 20-04-2013

بالنسبة لي

التيما

شبابية و شكل جديد بالكامل تماما يعني 10 سنوات ما راح يكون فيه اختلافات كبيرة و مواصفاتها حلوة

ثاني خيار الماليبو

الفيوجن مافيها مواصفات حتى الفل و الافضل الاستنادر فيها كسعر

الكيا عيبها مش كثير بالخطوط اذا مهتم بالخطوط فهي زي السوناتا سيارة مدينة بحتة

سعد 511 @user_214137 · 20-04-2013

مرحبا بك
لو كنت بتاخذ 6 سلندر كان قلتلك تاخذ ماليبو 6 سلندر ماراح تندم بهالاقتناء قوة عزم وراحة عزل ارضي رائع كأنك تسوق سيارة المانية وانوار عالية HID واطي وعالي زينون وصوت الشكمان رياضي
لكن ماليبو 4 سلندر عليها ملحوظات ما انصحك بها
با امريكا عندهم ب4 سلندر لكن اضافه لهم مزوده بتيربو

واذا معزم على 4 سلندر خذ فيوجن افضل