هذي اول مشاركة لي في هذا المنتدي الي والله مب مجامله اعتبره مكتبه كامله ومكتمله لجميع السيارات(وخاصة السبورت)ياعيني على السبورت ماشاء الله اي شي في بال الواحد يحصله هني من الاسعار لقطع الغيار لين طرق التصليح وافضل الطرق . المهم ياشباب عندي ثلاث اسئله محتار فيها وايد وايد وبصراحه دورت في المنتدى عن الجواب وحصلته بس كان الجواب مب كامل او يعني مب محددوبصراحه لازم اعرف الجواب لاني ناوي ادخل السياره الكراج ومب فايق اوديها بعدين من كراج لين كراج وتعرفون اصحاب الكراجات مستحييييييييييل يقولك ما اعرف فابغي نصيحتكم يا شباب طبعا هم ثلاث اسئله . نوع السياره
فورد موستانج97
امريكي
V6 القير عادي (كان قير اتوماتيك وحولته لقير عادي )
س1)- صرفية السياره زادة بعد التحويل يعني كنت افول السياره بترول قبل وتمشي 350كيلو متر والحين افولهابترول وتمشي 260كيلو متر:mad:هل هذا طبيعي او انها صدق تصرف ((بصراحه ما اشوفه شي طبيعي))
س2)- السياره وااااااايد تقطع وهل هذا ياثر على صرفيه البترول طبعا البعض بيقولي كهرباء او بلكات لازم تغيرهم بصراحه فكرة بهاي النقطه بس كل شي اوكي البلكات100%وقالولي غير فلتر البترول بس بعدني مب متاكد وبغيت رايكم في الموضوع بس راي 100% وللعلم المشكلتين طلعو بعد ماغيرت القير الاتوماتيك لقير عادي
س3)- بصراحه هذا اهم سؤال عندي......حبيت ازود السياره تزويدات خفيفه في عزمها وشفت ان احسن شي هوو فلتر الهواء ......حبيت اعرف شو احسن نوع فلتر اروح ادور عليه للموستانج وهل يبغيله الفلتر اضافات ثانيه ....يعني فلتر الهواء اركبه في السياره بس ولا يبغيله اشياء ثانيه مساعده له .........وهل بيكون فيه فرق في قوة السياره وعزمها لو ركبت فلتر الهواء ........وهل فيه مضار للمحرك او في المستقبل
<===========وايد ترمس تراك اول موضوع وكرهوك الشباب
<===========تعبير هذا مب سؤال
وشاكر لكم تعاونكم (((بصراحه ما ادري اني كتبت هذا كله |9|وايد))
واسمحولي عالاطاله ....وانتظر الرد يااااا حلوييييييييييييييين
