سلام عليكم ورحمة الله وبركاته
اسعد الله اوقاتكم بكل خير
اتمنى ان تكونو بتمام الصحة والعافيه وشهر مبارك عالجميع
اليوم كنت ماشي بالسيارة كابرس 2008 LTZ 8 سلندر جاي من الطائف الى جده كان فيه شوية سيارات سحبت فرامل وهديت الا اطالع فالعداد رجع كأنه انطفت السيارة واشتغلت من جديد نزلت العدادات كلها واشتغلت كل اللمبات ورجعت على وضعها الطبيعي سوتها مرتين بنفس الحركة لما اهدي يصير الكلام هذا بالاضافة الى انه لما اشغل المكيف واوقف عند اشارة اللاحظ شاشة البيانات يضعف نورها يتفتف ويطلع صوت (مثل صوت الامبي ثري اذا شغلته بسياره وصرت تسمع دعسة البنزين بالسماعات اتمنى فهمتو الوصف )
البطارية 80 امبير بصراحة السيارة كويسه معايه لها شهر وصاحبها قريبي ومامرت عليها فيها اي مشاكل بس الرجال يقول قبل ماابيعك هي غسلت الكبوت من داخل بمويه اتمنى تفيدوني بخصوص هالمشكلة انا بصراحة توقعت من الدينمو
وايضا مشكلة اخرى لما امشي بالسيارة على سرعة 25 تقريباً تظهر رجه مع نتعه للتعشيقه الثانيه المقصود بالنتعه تعشيقه قويه تلاحظها كأنها سيارة قير عادي ويقودها شخص غير متمرس بالعادي وتختفي الرجه بعدها
ملاحظة لوصف حال السيارة
الحرارة لاترتفع ماشاء الله تبارك الله صرفية البنزين مقبولة بحكم انها 8 سلندر اعتبرها مناسبة جداً رساوه ثبات لايوجد اي ملاحظات غير صوت عند لف الدركسون عاليمين مع ضعف فالكهرب عند لفه عاليمين واعتقد ان الصوت من ذراع او جلد اما ضعف الكهرب بسبب نفس المشكلة الاولانيه والله اعلم اتمنى اني قدرت اوصلكم المشكلة وفهمتوني مضبوط واتمنى ماتقصرون معي في ايجاد حلول وارجوكم لاحد يقول السيارة تحتاج سيارة :bigggrin: هههههههههههه نراكم على خير
