من فترة ظهرت لي مشكلة في سيارتي (( سوناتا 2011 ))
وهي أنه أحيانا ما أقدر أعشق الجير للريوس ( R )
ولازم أطفي السيارة واشغلها عشان يمشي معي ..
وأحد الزملاء صارت معه وصلحها بالوكالة وقالوا له المشكلة عندك من حساس الجير وحساس الفرامل ..
ولأن المشكلة عندي تظهر وتختفي لفترات طويلة .. ما حرصت اني أصلحها ..
وفي يوم كنت موقف في مواقف قليلة الإضاءة ونزلت من سيارتي ..
ولما رجعت وركبت سيارتي .. وجيت باطلع من الموقف .. صارت معي نفس الحركة .. الجير ما يعشق ريوس :a1120(82):
لكن لاحظت شي .. وهو أن أنوار الفرامل (( الخلفية )) ما تشتغل !!
دست فرامل كذا مرة واشتغلت .. ولقيت الجير يستجيب معي للتعشيق ..
عرفت وقتها ان المشكلة من حساس الفرامل فقط :bigggrin:
أمس كنت واقف عند محل .. والجير علق علي .. طفيت السيارة وشغلتها ولا نفع :smilie20:
وبعد عدة محاولات تقارب الـ10 أو أكثر .. الحمد لله عشق الجير ..
وطلعت من الموقف ع الصناعية على طول ..
دخلت أول محل .. قلت له أبي أغير حساس الفرامل ..
قال الأمامي والا الخلفي :confused1:
قلت له الأمامي حق اللمبة والجير <<< مسوي فاهم :xyxthumbs:
الأخ طلع مايدري عن شي .. نادا على واحد هندي وقلت له نفس الكلام ..
قال لي مو مشكلة .. بـ150 ريال :mad1:
بصراحة ما كان عندي فكرة عن مكانه ولا أدري عن حجم العمل اللي بيسويه ..
لذلك قلت له توكل على الله (( بعد محاولات قليلة للتخفيض بدون جدوى ))
قال لي روح جيب القطعة وتعال .. قلت له فكها وهاتها ..
وأنا ابي أشوف وش بيسوي عشان ياخذ 150 ريال:bigggrin:
حاول يصرفني وانا نشبت له وبديت أتضايق جدا ..
بالأخير قال لي شوف .. هي تجي حساسين .. وانا ما أعرف أي واحد فيهم اللي خربان .. روح جيب القطعة وانا اركبها لك ..
قلت له طالما ما تعرف أجل مع السلامة ..
حاول الأول ( يمني ) يرقع له .. ويقول عشان ما يتعب ويفك وتطلع مو هي ..
قلت له الحين حساس الفرامل اللي يولع اللمبة كم واحد ؟
قال واحد .. قلت خله يفكه .. إذا ما يعرفه لا يلعب بسيارتي .. فمان الله ..
وركبت سيارتي ومشيت ..
وقفت عند ورشه ثانية وقلت له ابي اغير هالحساس ..
قال لي وش المشكلة .. قلت له الجير أحيانا ما يعشق ريوس ..
قال ما أعرف للجير .. قلت له هو حساس بس ابيك تركبه لي وبس ..
قال هل تشتغل لمبة الريوس ؟؟ قلت له لا .. قال بسيطة أركبه لك ..
بس لو طلعت المشكلة من غيره مالي علاقة .. قلت لا تشيل هم ..
قال لي فك وتركيب بـ 40 ريال :confused1:
بصراحة اندهشت من فرق القيمة .. وبدون جدال قلت له توكل على الله ..
فك لي الحساس ورحت لمحل قطع غيار هونداي الوعلان(( مقابل الورشة بالضبط ))
وقلت له ابي حساس فرامل (( ولا وريته القطعة لأي كنت أبي أتأكد من كلام الهندي ))
جابها لي وهذي الصور مع القيمة قبل وبعد الخصم ..
والحمد لله ضبط الجير والأمور من أفضل ما يكون ..
التكلفة الإجمالية 85 ريال فقط :bigggrin:
أتمنى اني افدتكم وعذرا على القصة الطويلة :xyxwave:
