إستشارة بخصوص لكزس جديدة مصدومة في الوكالة

خيره والله يعوضك بالي ازين منها ويكتب الي فيه الخير

سعره فوق 700.000 ريال
البورش كاين اقل سعر له 320.000 ريال

الرجل معه قيمة لكزس

.
.
.
السمكرة تبقى عيب في السيارة ، وحرام تدفع في سيارة اصفار مبلغ محترم وتكون مسمكرة

انا لو كنت محلك اسحب عليهم واخذ فلوسي واشتريها من معارض النسيم او انتظر 2014 واعتقد الاسعار تكون ارخص بحكم استقرار سعر الين امام الدولار واحتمال يكون سعرها جيد

الوكلاء من عادتهم ما يستعجلون في تخفيض قيمة السيارة اثناء رخص العملة بل يكون تدريجي على مدى سنة ونص او سنتين

اما اذا ارتفعت العملة فهم اول الناس في رفع السعر

اعيد واكرر

لا اقبل سيارة مصدومة ، لو حتى فيها حك ، لو اضطر انهم يغيرون الصدام ما اقبل ، العيب يبقى عيب


تحياتي

ابو الخل حتى تويوتا تبيع سيارات مصدومه كانها جديده وانا كنت شغال في تويوتا وسمعت هالبلاوي حتى هذا الكزس لو الرجال مايبغاها راح يصلحونها كانها جديد

ترى ال الاودي Q7 بيتغير شكلها قريبا

صراحة هذا شي طيب من الشركة انهم بلغوك بانها مصدومة واعطوك خيار التصليح مع خصم او استرجاع كامل المبلغ في شركات تصلحها وتدفها على الزبائن انها جديدة زي ما سوت الشركة التوكيلات العمومية الي اغلقتها وزارة التجارة قبل كم يوم صراحة تعامل راقي من وكيل ليكزس
عموما انت بالخيار انا بالنسبة لو لي استرجع المبلغ لاني بيضيق صدري ان السيارة ليكزس ودافع فيها مبلغ وقدرة ومسمكرة

Q7 متوقعين جيل جديد منه السنة الجاية
او اللي بعدها بالكثير

فيه خيارات أفضل وأحدث:
طوارق كامل المواصفات - X5 الجديد - بورش كايين - رانج روفر سبورت الجديد

موفق

ماتدري سبحان الله يكمن الي حصل كله خيره لك
قول الحمد لله قبل كل شيء والله يختار لك الي فيه الخير


بخصوص الاودي انا شخصياً ماحب هذي الشركه
تفتني بجمالها الخارجي بشكل مو طبيعي لكن اكره داخليتها حيل
وسبب كرهي لها هو سماكو فيه ناس من اصحابي مجربين الاودي وسب مو طبيعي
اخرهم واحد معاه a8 بدل السلف ب ١٥ الف :confused1:

المهم الاودي حلوه وماحد يقدر ينتقدها من ناحيه قوتها وشراستها وغيره
ولكن للامانه ماتتناسب مع اجوائنا بالاضافه لـ وكيلها الاكثر من سيء وانا شخصياً اكره داخليتها مره


اذا لك رغبه في جيب روح بورش كايين بطل وقوه وهيبه ومن جوه ققمه الفخامه
صح نفس الوكيل سماكو لكن تعامله في البورش غير الاودي والفلوكس واجن

وعندك برضو الـ بي ام x6 فتنه فتنه وهيبه

هذي كلها افضل من Q7

بالتوفيق يارب

اشكر جميع الاخوة على النصايح ، اخذت بكلام اللي قالوا اسحب فلوسك ، الان الوجهة Audi Q7

اذا مبلغ الخصم حلو خذة لان الصدمة خفيفة

اذا تحتاج ال٢٠ الف انا اقول لك خلهم يصلحونها لك وتوكل على الله.

اذا ماتحتاج المبلغ هذا انا اقول لك خلهم يرجعون لك المبلغ كامل وفكر بالموديل ٢٠١٤ الجي اس او فكر بسيارة ثانية مقارب لسعرها .. والخيارات كثير

وش انقز بي ام وطز في لكزس ههههههه
ياخوي هذا الخطا وارد وممكن يسير في اي سياره
والشركه ماجبرته بالعكس قدمه له عرض وهو له الحريه في القبول والرفض
ولو رفض يجيبون له وحده ثانيه غصب عنهم ولكن المساله الان هي التاخير
وانا افضل المطالبه بتعويض للتاخير وفتره الانتظار وهذا الملروض يسير

لكن الشركه ماغلطت في تقديم العرض ابدا

والله ما استلمها حتى لو كانت ايش :blue:

اذا انا مكانك اروح اخذ فلوسي و انقز شركة BMW و اخذ 535i و طز في اللكزس كلها << ( اشتري مصدومة و نخصم من سعرها )


تدري انك اذا ما اخذتها ح يرجع السيارة الى المصنع و يخسر فلوسها بالكامل

ح يضحك عليك اذا اخذتها يا حبيبي

خلي الوكيل يبلش بي السيارة مو يصرفها عليك


اتمنى تاخذ كلامي في الحسبان :smile:


بالتوفيق

ليش ما يعوضونك بموديل 2014 بنفس سعر 2013 أو اقل شوي اذا كان سعرها اغلى من 2013؟؟

اذا ما كنت مستعجل عليها، انا ادري انك صبرت عشانها وماودك تصبر أكثر

استغرب من الي يقول اشتك عليهم !!

يشتكي على ايش بالظبط ؟

الرجال راح وحجز السياره (وكانت موجوده بالفعل) بس عاملهم الله يهديه صدم فيها ولا صدمها

وهم ما جحدو ولا صلحوها وباعوها عليه مثل الجميح

عطوه عرضين وهو مخير

بالعكس اعتبرها نقطه ايجابيه لابو تلفيق

والله موضوعك يحيير اخوي

لكن اذا والله الخصم مثلا 20 الف وكمان يعطوك صيانة مجانية 5 سنوات مفتوح الكيلومترات

كذا لو انا مكانك حوافق عليها
غير كذا لا

المصيبة العظمى عارف فييين ؟؟

لنفرض لو انت مثلا طالبتهم بفلوسك

هذة السيارة راح يصلحوها وحيبيعوها على واحد غيرك بنفس سعر الجديدة !!!

مثل ما قال العضو إستقراطي

إذا الإصلاح يشمل تغيير رفرف وصدام توكل على الله واختاره لانها تعتبر سيارة جديدة بالإضافة إلى الخصم