في يوم الاحد الماضي ذهبت بعد العصر بوجه منشكح مبتسم ( مالي من الشيطان طاري ):xyxwave:
وصلت الوكاله (الرياض فرع خريص )
وحصلت سطحة واقف ومقفله المدخل حق مواقف المعرض
جلست اقول في نفسي الله يعوض على ذا الرجال شكلها خربانه سيارته الجديدة ) :c0038:
وهنا حصلت المفاجأه : السطحة كانت جايه لسيارتي :a120(17)::a120(17):
السطحة طبعا كهربائية اللي تنزل وتمشي السياره عليها بعدين يرفعونها بالكهرب
المهم كانت سيارتي هي المطلوبة للسطحة
السبب : كانو في منطقة تغسيل وتسليم السيارات ،، وسبحان الله ، قدر الله ان سيارتي تدعس حصا شكله مخروطي شوي وفقع الكفر ، الحمد لله على كل حال
اول ماجيت شفت السياره واقارنها برقم البطاقة الجمركية اللي معي : طلعت سيارتي :blue:
وقفت العامل اللي كان يسوق وجلست اناضر وش المشكله وجلست اتفقد البدي لا يكون السبب حادث او شي ( قبل ماعرف انها حصا)
المهم ، حصلتهم حاطين الحصا في كيس صغير ومعه ورقه زي المحضر او التقرير عن الللي صار
جلست اتناقش انا وياهم : وقالو انهم راح يودونها المستودع ويركبون لها كفر جديد ( طبعا الكفرات كانت من نوع "بريللي " )
وانتظرت في المعرض لمدة ساعتين حتى تطل علي "معشوقتي " من جديد :ch19:
وجاء الخبر الصاعقة :smilie20:
قالي البائع انهم لم يجدوا كفرات من نوع بريلي في المستودع ولا يوجد الا ميشلان ، والان امامك خياران
1- انهم يركبون لي ميشلان واروح لوكاله بريللي واشتري كفر جديد واجيب فاتوره ويعطوني تعويض
2- استآجر سياره ، حتى يروحون ويركبون لي كفر بريللي ، وعند التسليم اعطيهم الفاتوره علشان يعطووني حق الاجار
،،
الخيار اللي اخترته هو : اني رفضت كلا الخيارين ، وقلت انني لست السبب في اعطاب الكفر حتى اتحمل المتاعب هذي كلها ،
طلبت منهم سياره بديلة ، وكانت الموافقه بدون اي نقاش منهم ، واعطوني "فورد فوكس" فل كامل
** طبعا بعد ماطلعت منهم ، كلمت شركة فورد في الصباح من بكرة ، حتى اتاكد هل لي حقوق اخرى ولا ولا
**وكان ردهم نفس الوكالة **
وجيتهم بكره ووجدت " معشوقتي " واقفة تنتظرني ، بعد ماركبوا لها كفر بريلي جديد
وهنا صوره كفر السياره اول يوم جيتهم
ولكن اليوم وانا جالس ادقق في السياره لاحضت هذي الملاحضة ، واتمنى من اصحاب التوروس ، يعطونني علم هل هذي عاديه ولا السياره عندي فيها مشكله
( لاحظت ان ابواب السياره الامامية اللي يمين يختلف قربها من الرفرف عن اليسار ) ، المسافه بين البابين الامامي والخلفي من الجهه اليمنى تختلف عنها في اليسرى .
لاحظو في الصور التالية
هذي الصوره لباب الراكب
هذي الصوره لباب السائق
استفساري لمن لديه توروس :
" هل هذا شي طبيعي ، لا يوجد اتقان 100٪ ، وانا موسوس ودقيق بزياده ":smilie16:
ولا لا ، هذي مشكله ولازم اراجعهم :a1120(82):
