وين القى ميتسوبيشي باجيرو ربع 2014 خليجي؟؟؟

وعليكم السلام

أشوف ماسكة معك سالفة أنك تبي موتر ربع :c0214:

الظاهر مالك إلا الوكالة

وحسب ما اعرف أسعار الباجيرو عند العيسائي أغلى بكثير من الي عند الخليجيين وكذلك أقل مواصفات (طبعا معلوماتي قديمة مدري تغير الوضع أو لا)
لأن أخبر السعودي 3.8 لتر مافيه دفلوك وهي أعتبر أهم ميزة بالجيوب وأول شيء أناظر أذا موجود فيها دامه أحد الخيارات المتاحة أو اصرف النظر عنه

ممكن لازم تنقز تروح للخليج يا الأمارات أو الكويت
حسب زيارتي الأخيرة للكويت لاحظت مواصفات الربع 3.8 لتر فل كامل عندهم مش زي الأمارات مافيه دفلوك إلا الطويل فقط
مواصفات الأمارات أفضل

بس فيه أشياء لازم تعرفها بالباجيرو بحكم أني جربته والي ماعجبني فيه وحبيت تاخذ فكرة عنها
1- محركه ضعيف رغم الأرقام الي تقراها! لما تقارنة بمنافسيه جربت 3.8 لتر ربع الي قوته 252 حصان عام 2010 والله أن الأف جي كروزر نظام single vvti أبو 240 حصان بالشارع أنشط منه؟! غير أن صوت مكينة الباجيرو أعلى منه
2- القير التماتيك فيه غبي جدا لما تحط الموتر على التنقيل اليدوي وتبي تنثبت على نمره من يوم الضغط يوصل الاحمر يغير على طول لنمرة الي بعدها وهذا شيء ما يصلح نهائيا في التطعيس هذا النظام يصلح لسيارات المدينة.
3- مطبة قاسي جدا فعادي لما تدعس عيون القطط ترجف الموتر بالكامل!
4- التراكشن كنترول يتدخل على طول حتى لما تطفيه ما يطفي بشكل كامل وهو مزعج جدا بالتطعيس يخلي الموتر ما يرقى.
بعضهم يسوي قاطع توليف علشان يطفي التراكشن كنترول بالكامل لأنه من جد مزعج لما يشتغل بالتطعيس