ما رأي المجربين في الطوارق 2006 إلى 2008 ؟

اكورد 506 @user_172348 · 19-03-2014

السلام عليكم ورحمة الله وبركاته

يا اخوان انا بشتري خلال اليومين القادمه طوارق من موديل 2006 الى 2008 .

يا اخوان كم اسعار المساعدات والمقصات هنا ووين تتواجد ووين افضل ورشة تفهم بالطوارق بالرياض .

انا سمعت ناس كثير يذمونها لكن للاسف ما جربوها والكثير من اللي مجربين السياره مدحوها لي لكن ذمو الوكيل وانا ما راح امر الوكيل ابد .

ياليت تعطوني لسته بقائمة قطع الغيار الاستهلاكيه وارقام محلات قطع الغيار وايضا الورش اللي فاهمه بالطوارق

طبعا انا من سكان مدينة الرياض .

تحياتي

super_safari @user_201024 · 02-04-2014

على البركة
الله يعطيك خيرها و يكفيك شرها
بحثت عن دليل الماللك و لم أجده في النت. ارجع للكتالوج إذا موجود في درج السيارة. هذا الموضوع لا يستهان به. بعض السيارات لا تقبل إلا الزيت الخفيف 10w30 أو 5w30 و إذا وُضع غير ذلك (20w50 مثلاً) ودعت طرمبة الزيت و من بعدها المكينة.

أتمنى الي يعرف يتفضل بالمعلومة المهمة. قسم الورشة فيه مواضيع كثير بسبب هذا الموضوع.

اكورد 506 @user_172348 صاحب الموضوع · 01-04-2014

جزاك الله خير ي اخوي

اشتريت 2007 اندفجوال نظيف ياربي لك الحمد .

حبيت اسئلكم عن لزوجة الزيت انا استخدمت ماجناتيك الاخضر لزوجة الزيت 10W-40 وش رايكم مناسبه له ولا احط لزوجة 5W-30

انتظر اجوبتكم

تحياتي

1100r @user_30426 · 21-03-2014

ولله اشوف غالب ملاكة يمدحونة، اعرف قريب لصديقي معاة واحد 2005 وكرف الي 250 الف وباعة وشرا واحد 2008.

وعندنا واحد 2013 ماشاء الله ممتاز لكن الحكم يبدو مبكرا نوعا ما سالت على قطع الغيار قبل ما نشترية وكانت معقولة الي غالية نوعا ما.

اتذكر:

فرامل 1800 ريال اربع اقمشة مع حساسات وكل شي.
اسطب خلفي 800 جزئين كامل.
امامي ب 3200 للعادي و 4500 للمزود بLED والانعطاف.
بواجي 360 ريال طقم كاملز
هوب 600 ريال واحد.

هذي اسعار 2013 والشكل الي قبل اكيد ارخص بكثير.

اكورد 506 @user_172348 صاحب الموضوع · 20-03-2014

يعطيك العافية على المرور

وننتظر ملاك الطوارق .

super_safari @user_201024 · 20-03-2014

و عليكم السلام و رحمة الله و بركاته
لا أعلم أحد استخدم السيارة , و أنصحك بها فيها في حال لو اطلعت على قطع الغيار و شفت سعرها مناسب.
روح الصناعية القديمة - شارع الجمعية , هناك محل قطع ساماكو. اسأل عن كل شيء في بالك.
و بعدها روح لورشات الأودي و الفولكسواجن و الماركات الأوربية , كلهم موجودين في الجهة الشرقية من الصناعية خلف مراكز القيرات ترليستار و جيركو و شلنجر.
منهم: العربة , الأندلس , الرصيص RBS , ... و غيرهم مما لا أذكر أسماؤهم. كلهم في هذيك المنطقة.
علشان تفهم منهم إذا هالموديل فيه عيوب متكررة , و هل إصلاحاتها مكلفة أم لا. عندهم علم بلا شك.

بعد كل هذا عليك بالاستخارة , إذا فيها خير ربك راح يسهلها و يبارك فيها.

و أتمنى لك التوفيق