استفسار عن قيادة السياره بالسفر

طلال القنوعي @user_291608 · 28-03-2014

السلام عليكم ورحمة الله وبركاته

يا اخواني انا ملكتي هذا الاسبوع و زواجي بيكون بعد سنه في العطله الكبيره لعام 1436 او في عيد الفطر .. المهم انا قد جيت الجنوب 3 مرات مرتين نجران مره ابها وكلها مع كداده ماكان معي سياره .. وانا من الرياض وامتلكت سياره من 3 شهور والاامور تمام .. اوقات افكر نفسي في ابها بس اشوف فيها طرق وعره وتخوف زي فالسوده والحبله مع انها اجمل الاماكن با ابها و الوالد دايم يحذرني من طرق الجنوب انها وعره بس انا في بالي اروح وحاط كلام الوالد ببالي لاني شفت طرق فعلا وعره .. انا ابي نصائحكم ودي تقولون البرنامج الافضل لشهر العسل مع العلم الزواج بيكون بالرياض؟

في ناس قالوا من الرياض لابها بالسياره وبشهر عسل صعبه بطياره افضل وانما افضل الطياره بس بتواجهني مشكلة السياره وش اسوي ؟؟؟

وابي تقولون لي اماكن حلوه داخل ابها تعوضني عن السوده والحبله لو الطرق المؤديه لها وعره ؟

وحاب اضيف شي انا ولاعمري سقت السياره بالسفر لان صار لي اسوقها 3 اشهر وبالرياض وسط زحمتها هل بعد سنه اقدر ومع التمرس اني اسافر مثلا من الرياض لابها ومن الرياض لمكه وزي كذا ؟

او احتاج اسافر اكثر من مره عشان لاجاء شهر العسل لما اسافر حاجز الخوف من قيادة السياره يروووح ؟؟

تكفووون لاتخلوووووني ساعدوووني وانصحوووني ونصائحكم بنفذها بحذافيرها الله يسعدكم يارب

طلال القنوعي @user_291608 صاحب الموضوع · 03-04-2014

والله اني ادور الراحه يا الرحال وشكلي بسويها بس مو معقول اسافر من غير اي هدف عندك انا مثلا موظف ماعندي اجازه الا الجمعه ولو بسافر اول مره لازم مكان قريب من الرياض كـ بدايه او الافضل السفر يجي من حاله؟؟ .. واقوى مغامره سويتها من الرياض لدرعيه تبعد عن الرياض 40 كيلو تقريبا

رحاااااال @user_277946 · 03-04-2014

شوف الغالي انا عندي قاعدة في حياتي ماشي عليها من 11 سنة تقريبا

(( الشي إلي تخاف منه سوه إذا كان شي صح ))

انا الآن عمري 29 سنة ما عندي بفضل الله أي مشكلة في السفر بسبب ان الشي إلي كان جديد علي سويته وهو السفر بالسيارة

الغالي سو الشي إلي تخاف منه وصدقني بترتاح رااااااااحه ما بعدها رااااااااااااحه

طلال القنوعي @user_291608 صاحب الموضوع · 03-04-2014

تصدق واحد من اقاربنا عمره 20 كل شوي ماسك خط سفر وانا عمري 25 وللحين ماجربت امسك خط سفر في زي الحذر الخوف تجربة مغامره كذاا

طلال القنوعي @user_291608 صاحب الموضوع · 03-04-2014

الرحال ويوفقك يارب .. انا ادري كل شوي ابرر انا مشكلتي كيف اغير التفكير الباطني الي مسيطر علي كل ماتجاوبني ابرر مو استهبال لا والله بس يمكن تفكير ي الباطني تعود كذا كيف اغير هالتفكير وافتنع السفر حلو وممتاز بالسياره وكذا

ومشكور تعبتك معي يا ولد الاجاويد

رحاااااال @user_277946 · 03-04-2014

لا انا ما قلت انك مب صادق

انا أحس انك ما جالس تقتنع من الكلام إلي أقوله لك ان السفر سهل حلو جميل وشي ولا أحلا

ترجع تحاول تبرر حق نفسك انك ما تقدر وخايف ومادري إيش

إيش إلي تبغيه منا بالضبط بارك الله فيك

يا خوي الحياة تجربة ولازم تجرب السفر عشان تعرف إيش معنى السفر (( انت إلي تسوق ))

اما إذا بتجلس تقولي واحد قالي والثاني قالي والله ما بتخلص قسم بالله ،، والناس كلامهم أغلبه شي خارج عن الحقيقة (( لاهانوا الربع ))

شوف مثال على حالتك :

فرضا انت جاي تشتري سيارة ،، فا تجي تسأل الناس عنها يقولك واحد انا سمعت والثاني يقولك واحد قالي والثالث والرابع و و و و وهلون ما جرا شي من غير الحقيقة خياااااااااااال وبس

في النهاية تكره السيارة وتكره تقرب منها بس لأن هذا قال والثاني قال ،، وفي مضمونها السيارة ولا أفضل لكن الكلام الزايد شوه صورتها

هذا المثال ينطبق عليك بالضبط (( كلام الناس فقط ))

يا خوي حاول ان تستشير كم واحد من صفوة الناس إلي تعرفهم انهم بيعطونك راي عقلاني

نصيحتي لك الحبيب ،، رووووووووووووح ابها الله يهنيك ويسعدك في الدرب ولي وصلت ولي رجعت لأهلك

الله يوفقك ويبارك لك

طلال القنوعي @user_291608 صاحب الموضوع · 02-04-2014

الرحال اقسم بالله العلي العظيم اني صادق

رحاااااال @user_277946 · 02-04-2014

ههههههه

مدري ليش أحس انك مب جاد معانا ،، أحساس فقط !!!!

طلال القنوعي @user_291608 صاحب الموضوع · 02-04-2014

طيب بسألك الرحال انا القرود ما ادانيها وين اماكن تواجدها في ابها عشان اتحاشى وجودها المفاجئ لي لووو شفتها يمكن استفرغ قسم بالله حيوانات مادري ليه البشر يحبونها ومع هذا يدلعونها بــ موز

طلال القنوعي @user_291608 صاحب الموضوع · 02-04-2014

يا الرحال انا عارف انها مغامره الله يستر خخخخخخخخ

بس واحد قال لي كلام استوقفني يقول كيف تخاطر بحرمتك وبروحك اوقات اقول مافي داعي صح مع اني بروح لابها مو رايح افريقيا ..

واوقات اقول من حقي اسافر لاني عرفت تعليمات السواقه وصار لي 3 اشهر اسوق وسط زحمة الرياض مايمنع السفر اني اخاف ولو اني بسافر اول مره بتكون شهر عسل

رحاااااال @user_277946 · 01-04-2014

لا لا لا لا من الغلط تقول عن نفسك جباااان

الرجال ما يوقفه ارتفاع ولا مسافة ولا سواقة لاهنت ياخوي

إذا حط في باله شي يسويه يسويه بدون تردد

انت ياخوي جرب وغامر وصدقني تراها حلوة في بدايتها وادمااااااااااااان مع الوقت

أعتبرها مغامرة تبغي تجربها وشوف كيف تمشي الأمور معاك

السفر ياخوي شي جمييييييييل ،، والأجمل إذا كان بالسيارة تشوف أمور تسعدك وتشرح صدرك وتنسيك زحمة المدينة ،، ياخي تحس انك حررر بمعنى الكلمة

لا تخليني أشعر لك خخخخخ

الله يسهل دربك

طلال القنوعي @user_291608 صاحب الموضوع · 01-04-2014

اتفق معكم ان السفر بالسياره ممتع وخاصه من الرياض الى ابها لاني سافرت مره بس ماكنت السايق ..

انا مشكلتي رقم 1-الي اقصدها اننا في شهر عسل مو معقول بنمسك خط 10 ساعات ففضلت الطائره افضل

مشكلتي رقم 2- اذا جيت ابها يمكن اصير جبان ما اطلع منها واتمشى يمكن اروح لخميس مشيط لقربها من ابها ولزيارتي لها قبل لكن اروح للحبله والسووده شي مفجع ودي اروح بس خايف لاني سمعت يقولون على بعد ارتفاع عن الارض 300 متر وغير هذا يقولون في طريق السوده اوقات ماتشوف من السحب او البخار يغطي على السياره

والله يعافي الي ردوا

رحاااااال @user_277946 · 31-03-2014

الله يبارك لك ويبارك عليك ويجمع بينكم على خير

اسمحلي باطول عليك بالأجابة شوي

الغالي انا من البحرين رحت ابها بالسيارة ما يقارب ال 6 مرات ،، كانت من أجمل السفرات تشرح الصدر وتنسيك همومك وترتاح فيها ما ودك ترجع وأغلب سفراتي بالسيارة لأنها أمتع وتحسسك بطعم السفر !!!

الغالي لازم يكون عندنا تفكير إيجابي عن أي شي أحنا ناويين نقوم فيه ويكون فيه خير لنا سواء سفر مشروع زواج وظيفة أي شي في الحياة لازم الإيجابية موجودة فيه

بالنسبة لسفرك لأبها فانا أشوف انها من أفضل الخيارات إلي الواحد يقدر يختارها بالذات إلي ما يبغي يطلع خارج المملكة

والسفر بالسيارة يا أخوي ادمااااااااااان والله ،، وأحلا ادمان صراحه ،، وموضوع إنك تتعود على السفر نعم بتتعود وبيصير سهل جدا جدا مثل شرب الماء

مثل ما أنت تتعود على بعض الأمور في حياتك مثل عملك ووظيفتك مع الممارسة تصير أسهل من أي شي ثاني والسفر نفس الموضوع

والطريق من الرياض إلى ابها سهل سهل سهل وأمان ومافيه أي خطورة بإذن الله

وإذا جات المسألة على الموت والخوف فا الواحد يخاف حتى من فراشة إلي ينام علية كل يوم إذا بناخذها من هذا المنظور السلبي !!!!

لا يا حبيبي سافر واستمتع بهذي النعمة (( ابها ،، الباحة ،، النماص و و و و )) وانطلق وشوف نعم الله على المملكة وابعد عن حررر الرياض والزحمة

الله يسعدك دنيا وآآآخره ويبارك لك في زواجك

مبروووووووك مقدما

cover me @user_164128 · 31-03-2014

ط

طلال القنوعي

كلام جميل .. طيب من هنا لسنه لو اول سفره لي بتكون بشهر عسل خطر او مع الممارسه يكفي ؟؟ او لازم اسافر قبل شهر العسل

قال الله في محكم كتابه ((قل لن يصيبنا إلا ما كتب الله لنا هو مولانا وعلى الله فليتوكل المؤمنون))

اخوي مع ممارسه السواقه راح تعتاد عليها و الخطر موجود سواء في السفر او في المدينه

اهم شي تعزز الثقه في سواقتك و تكون حكيم في اتخاذ القرارات و عدم التفاخر بمهارات السواقه و خاصه في الطرق الجبليه

توكل على الله وفكر كيف راح تنبسط في ايامك المقبله فهي احلى الايام الي راح تمر عليك

و بالتوفيق ان شاء الله

طلال القنوعي @user_291608 صاحب الموضوع · 30-03-2014

كلام جميل .. طيب من هنا لسنه لو اول سفره لي بتكون بشهر عسل خطر او مع الممارسه يكفي ؟؟ او لازم اسافر قبل شهر العسل

cover me @user_164128 · 30-03-2014

وعليكم السلام ورحمه الله و بركاته

اخوي انت توك تسوق من 3 شهور و ماشاء الله الاسبوع هذا ملكتك و الف مبروك

الشي الي تمر فيه شي طبيعي التخوف من السواقه و التفكير لكن اترك عنك الافكار هذي و راح تتعود على السواقه و تكسر حاجز الخوف

انا رحت مره ابها ورحناها من مكه مرور بالطائف و النماس و الباحه و ابها و خميس مشيط كلها بسفره مع العائله
الطريق صحيح خطير للي غير حذر و الامان بالله سيارتنا كانت سوبربان 1988

لكنه ممتع جدا و على كلام واحد من اهل ابها انو طريقنا خطئ و خطر ليش جيتو من هذا الطريق كان في طريق ثاني على ابها على طول ؟!
و الحمد الله انبسطنا بالمناظر الخلابه في كل المناطق الي مرينا عليها من غابات و كذا لكن كان ينقصها الكثير من التحسينات و استقبال المسافرين
مافي خدمات و كذا
و اكيد الان اختلف الوقت لان سفرتنا كانت قبل حول 10 سنوات و الصراحه كانت مكلفه

بالنسبه لك

من هنا الى بعد سنه راح تكون متمكن من السواقه وغير متسرع و تقدر الامور
السواقه في السفر اريح من السواقه في زحمه الرياض مع الحذر طبعا

الطريقه الاريح
انك تشحن سيارتك الى ابها و تروح بالطائره و تستلمها من هناك و ترجع بالسياره الى الرياض او تشحنها مره ثانيه
* او تسافر بالطائره و تستاجر سياره هناك

الطريقه الاتعب و فيها متعه

انك تسافر بسيارتك الى ابها و ممكن في الرجعه تشحنها و ترجع بالطائره

وبالتوفيق ان شاء الله

ѕмѕм @user_299550 · 29-03-2014

صح كلامك انفتاحيه ..

طيب انت احسبها براسك ...

كم بيكلفني شحن السياره ؟ وكم بيكلفني اذا استأجرت سياره ؟

وشوف الافضل واستخير قبل كل شي واتوكل ..

ويصير تروحو طياره وبعدها يا تكون سيارتك مشحونه وجاهزه هناك او من المطار ع اقرب محل تأجير سيارات

وموفق ان شاء الله والف مبروك مقدمآ الله يهنيكم ويحميكم ويرزقكم الذريه الصالحه <3

طلال القنوعي @user_291608 صاحب الموضوع · 29-03-2014

والله غير مؤيد لسفر خارج السعوديه بلاد الخارج انفتاحيه وانا ما احب .. انا مبيت النيه في ابها وانا سافرت من الرياض الى ابها مع كداد قبل تعب وطريق خطر فـ في ناس نصحوني اروح بالطياره واستاجر سياره من ابها ومحتار من ناحية المواصلات فقط

ѕмѕм @user_299550 · 29-03-2014

ياخي شوف نصيحه شهر العسل ذا

لو تخليه اسبوع برا السعوديه يكون احسن

بتفرح زوجتك والله ، لو تشيلها اسبوع بس ل تركيا

بلد جدآ جميله واغلب اللي يتزوجو يروحو هناك يجلسو اسبوع او اسبوعين

ذا شهر عسل يعتبر هههههه ، وتكاليفها قليله وعندك ماليزيا كمان رخيصه

واذا الوضع ما يأهل للسفر عندك ابها والطايف بس انتبه من الطريق

والله اليوم صاحبي داق عليا يقولي زوج بنت خالتي اتوفى بالطايف

طاحت عليه صخره بالطريق وانقلبت فيهم السياره ومات الزوج وسلمت زوجتو و ولدهم الصغير

ما بقولك كذا عشان اخوفك لا بس انتبه ، اذا بتسافر برا السعوديه احسن لك من السياحه الداخليه

وكلها اسبوعين ، فكر فيها وقولي ايش رأيك ؟ مؤيد ل فكره السفر وقضاء شهر العسل خارج المملكه ؟