كابرس 90 ينطفي كثير وش المشكله

تبديلات القير سليمه عندي خاصه الاول والثاني والثالث اما الرابع ما جربته لحد الان وزيته وفلتره نظيف
أما الدفرنس ما درى عنه انا اعبيه زيت ولا اسمع منه اي صوت ولا فيه فضاوه
أما المكينه فيها تفتفه بسيطه ويحرق زيت على خفيف مع العلم انه ما يطلع من شكمانه دخان يعني يحرق او ينقص بالاصح علبه ونص كل تقريبا ثلاث الف كيلو .

دمتو سالمين

أخوي ملك الفن كيف تعاشيق وتبديلاات القير معاك؟؟؟ هل هي ناعمة وسلسه وجميع النمر تعمل بشكل مضبوط دون وجود تفويت او تأخير هذا أولا

ثانيا:- لابد أن يكون كيبل تعاشيق القير Tv Cable موزون بشكل جيد لأنه هو المسؤول عن تعاشيق وتبديلات قير th700R4 transmission وكذلك مسؤول عن مايسمى ب(الدعسة الفجائية) أو مايسميها البعض بالدعسة الثانيه أو دعسة التجاوز الكيك داوون

ثالثا:- يتم معرفة أنه كيبل تعاشيق القير موزون بشكل جيد عند تجربة السيارة والدعس الخفيف جدا على دعسة البنزين وملاحظه أنه:-

1 - 2 عند سرعة مابين 24 - 28
2 - 3 ................. 40 - 48
3 - 4 ................. 64 - 80

ملاحظه جميع السرعات مقاسة بالكيلو متر لكل ساعة , السرعة أو التعشيقة الأولى تبدأ من وضع عصاة تعشيق القير في الوضع D
وهذا أحد الروابط لمصدر موثوق http://transmissioncenter.net/subject.htm
يتحدث فيه عن الوزن الصحيح لكيبل تعاشيق قير th700R 4 transmission ولكن جميع السرعات المجربة أثناءاستخدام السيارة هي بالميل لكل ساعة

رابعا:- حالة المكينة والدفرنس يلعبان دورا مهما في تسارع السيارة وعزمها

لا اتوقع ان المشكله داخل المكينه بس ما اعرف بتحديد ايش لان الابنص ما يدعس لا خر شي مع العلم اني مغير القير من حجم 200 فور ار الى حجم 700 ونفس الحكاية حتى ما يتعدى 140 مره وانا ما احب اوديها الورش يلعبون فيها.



دمتو سالمين

الحمد لله على اصلاح الخلل
ضعف العزم قد يكون بسبب انسداد مصفي الوقود بالاوساخ , بما انك نظفت البخاخات فبل تغيير مصفي الوقود فان الاوساخ رجعت مرة اخرى بسبب الاوساخ التي في مصفي الوقود ومن المحتمل ان البخاخات توسخت مرة اخرى
المطلوب هو : اعادة تنظيف البخاخات وتنظيف مجرى الوقود القادم من مصفي الوقود الى البخاخات
بالتوفيق

الله يعطيك العافية ي اخي بشير
الكابرس 90 الحمدالله انحلت مشكلته بس لاحظت فيه ان المكينه عزمها ضعيف ما يعطي اول ما ادعسه ميت بعد 7 او 8 ثواني يبدا يستجيب الدعسه مع العلم اني مسوي له تصفيه كامله للمكينه


تحياتي وتقديري

راديتر المكيف يبان اذا تضرر من الحادث والا لا ؟؟ ويبين اذا كان بحاجه للتغيير اذا كان تعبان جدا حتى اذا لم يتضرر من الحادث , المهم أنت كلم الكهربائي يشيك عليه ويغير لك الفلتر اللي يجئ على شكل أنبوبه هذا مهم أنك تغيره وسعره رخيص ب 15 ريال أصلي ويشيك على الثلاجه ممكن فيها تنسيم أو بحاجه للتغيير اذا كانت مستهلكه جدا وعليك بفريون أصلي لأنه التجاري ماينفع وراح يخرب عليك كل شئ

الله يعطيك العافية ي عبدالعزيز ولا يهوونون باقي الاخوان
بس عندي سوال بسيط عندي كابرس ثاني موديل 85 مكيفه خربان ورحت عندي كهربايي يقول يصلحه ب 800 ريال من كمبرسر و فريون وشغل يد وش الاشياء اللى اهتم فيها أكثر غير ذلك السياره قد تعرضت لحادث سابقا في المقدمه يجب ان اغير رديتر المكيف ولا اخليه ما يضر

فلتر البنزين من اول الأمور في التغيير ولا يستخف به

اليوم غيرت طرمبة البنزين والصفايه حقتها وطلع من الصفاية تراب ووسخ كثير خلنا نجرب السياره اليومين هذي ونحكم عليها عزمه ممتاز جدا اللهم لك الحمد

العفو اخوي

طفية السيارة عندك من عدة اسباب :
1- الديلكو محتاج وزن وانت تقول انك وازن الديلكو كيف عزم السيارة عندك اثناء القومه هل هو قوي او لا
اذا كان عزم السيارة زفت اثناء القومه فاوزن الديلكو صح.
2- فيه حساس فيه انبوب تحت مساحات السيارة تأكد من ركوب الانبوب صح ومن ان الانبوب غير متضخم ويحتاج تغيير.
3- بخاخ السيارة يوجد على جانبه حساس لوزن هواء الrpm فكه ونظفه هو ومكانه




4- حساس بجانب بلف الحرارة جرب افصل فيشه وجرب السيارة

5- علبة الديلكو تأكد من عدم وجود املاح عليها من داخل العلبة


موفق اخوي

اشكرك اخي عبدالعزيز
القير موظبه جديد قبل اسبوع بس اليوم مريت من عند ميكانيكي قلت باساله اشوف وش مشكلتها قالي هذا البخاخ تعبان مع العلم اني سويتله تنظيف وانا محتار وش اسوي فيها وما تنطفي اللى اذا رحت فيها مشوار طويل واحترت وهي بارده الامور تمام وعجزت اعرف وش المشكله اللى يعرف ورشه في الرياض متخصصه في بخاخات الكوابرس يفيدنا عنها

دمتم سالمين

المشكلة الأولى: فيه مسمار لرفع وخفض الrpm على يمين البخاخ تحت قربة الهواء .
المشكلة الثانية : تأكد من مستوى زيت القير وصلاحيته.

ي اخواني الاعزاء لو بحوله كبريتر بيضر في شي
من الناحيه المكانيكيه

وسلامت الجميع

الله يعطيكم العافيه جميعا اليوم غيرت البلاتين ونظفت حساس الهواء بس صار صوت المكينة عالي غير كذا طلعتي مشكله ثانيه وانا راجع للبيت اذا هديت عند مطب وفكيت الفرامل يصير كان شي ماسك الكفره وبعدها تفز وتفحط الكفر الخلفي من حالها من غير ما ادعس بنزين مادرى وش مشكلتها ومره ادا عشقت على الريوس او الدي مره يعشق ومره ما يعشق ومره يتاخر بعدين يعشق

عليكم السلام ورحمة الله وبركاته
1- الديلكو لابد يكون موزون بشكل مضبوط بالاضافه الى القطع الداخليه (غطاء الديلكو - الشاكوش - عمود الديلكو ) أنصحك تفصحه عند ميكانيكي شاطر وفاهم في هذه الأمور لأنه هذا السبب الكبير لهذه المشكلة ومايكفي وزن بالمسدس فقط

2- عدد دورات المحرك في حالة سرعة الخمول الواطيه واللي نسميها ب(الريس) منخفضه حاول التأكد انها موزونه بالشكل الصحيح وماتنزل عن 570 دورة واذا تبي تزيد شوي من سرعة الخمول الواطيه (الريس) عن طريق استخدام مسدس نجمة وتحريك مسمار الأبنص قليلا باتجاه عقارب الساعة

3- اذا كان مايسمى ب سرعة الخمول العالية ( ريس الصباح) يشتغل معاك في حالة برودة المحرك وبداية التشغيل صباحا فامعناته أنه حساس منظم الهواء يعمل بشكل سليم وعليك التأكد من جميع الأسلاك الكهربائية سواء الخاصه بالحساسات أو بكهرباء التشغيل وخاصه كيابل البطارية لابد يكونوا مشدودين بشكل جيد

السلام عليكم تاكد من مضخت البنزين وفلتر البنزين التغيير ممكن خصوصا ادا فيه نفس نوع سيارتك كربراتير . ايضا يمكن تركيب القطع من سياره نوع اخر بس افضل ان تكون نفس النوع لانه في حال التوليف من سياره اخراء يجب ان تكون عندك خبره او عند احد اصحابك لكي لا اتحوس بين الورش والتشليح وربما تخسر اكتير ومتستفيد شي

وعليكم السلام ورحمة الله وبركاته
ينقل الى قسم الورشة
ان شاء الله تجد العون من باقي الاخوة الافاضل , وياريت مشرفنا المبدع < بشير حسن > يدخل على هذا الموضوع لان له خبرة بالكابرسات ولا يهونون باقي الاخوة الافاضل .
تحياتي