استفسار عن حرارة جمس يوكن

السيارات الحديثه وخاصه من 2000 وصاعد موحده كل القطع الخاصه بالتيريد ودورته ولا يوجد فروقات بين الامريكي والسعودي ابداً وحّدت القطع بسبب التصدير للخليج والاديتر يأتي رصه واحده عريضه من الالمنيوم اما النحاس ترا لو تحط 10 رصات مايفيد ابداً لأنه لايشتت الحراره مثل الألمنيوم ..انا معي 2004 له 6 سنوات الحمدلله تمام لكن مع صعود المرتفعات لازم ترتفع عن النص لكن لو ارتفعت يجب مراقبتها بحث لاتصل للأحمر

يالغالي بنفس رديتر المكينة
في نفس الطبات الي امام السائق للديتر في مدخل لزيت القير ومخرج اذا كانت طباته جانبية
وتكون مشبوكه فيه ليات مرور زيت القير
وطبعآ يتم تبريد الزيت بنفس الرديتر بشكل منفصل عن ماء الرديتر
ولأجل ذلك في البعض يركب رديتر للقير بشكل منفصل عن رديتر الماء
بالتوفيق

اشكر كل من شارك في الموضوع
وجزاكم الله خيرا
لكن سؤالي كيف يكون مبرد للقير

الوضع طبيعي ... بس تأكد ان في مبرد للقير بسيارتك .. و اذا مو موجود انصحك بتركيبه بشدة .. حتى يقلل من حرارته خاصة بالمرتفعات والزحمة .. لأنه معروف ان الحرارة عدوة القير ..

كلام الأخ عبدالعزيز عين الصواب و سيارتك مافيها شي و طبيعيه جداً
و كلام موظف الوكاله صحيح الرديتر في السيارات الجديده نفس الحجم
مو مثل السارات القديمه موديلات 90 يجي الخليجي اكبر من الامريكي

و حتى لو تغير الرديتر و تحط 16 صفه لازم تفهم طريقة عمل دورة التبريد
في السارات الجديدة
السيارات الجديدة في كمبيوتر يراقب الحرارة لو ارتفعت تشتغل مراوح التبريد
و لو نزلت بلف الحرارة يغلق و بكذا تضل الحرارة ثابته على النص و بكذا
تحصل على افضل اداء للمحرك
لو ارتفعت الحرارة للأحمر هنا الخطر و هنا لازم تدور المشكله و تحلها

موتري جمس حوض و ترتفع الحرارة عندي احيان مع الزحمه و الوقوف في الظهر
الى فوق النص بشرطه و بعدين اسمع المراوح تشتغل و تنزل الحرارة مره ثانيه

حياك الله اخوي الكريم
طالما انك سيخت ونظفت الرديتر وان حالة ارتفاع الحرارة طارئة فلا تغير الرديتر
دمت في رعاية الله وحفظه
تحياتي

رحت الوكالة بالبيد وقالي الموظف عن الر دير نفس اﻻ عندي تمام
اﻻستخدام والسعودي الر دير نفسه وقيمته 1900 ريال
والموجود في سيارتي نفس اﻻ في الوكالة

السلام عليكم لا اتفق مع لاستاد الفاضل عبدالعزيز8 . صحيح هوا عنده خبره اكتر مني . لكن اعتقد ادا فيه امكانيه لتغيير المبرد بواحد فيه اربع صفات يكون افضل بكتير من المبرد الدي فيه صفتين .. لان الخبراء الدين وضعو المواصفات الخليجه يعرفون الظروف السائده في المنطقه . المهم لان من لافضل تغيير المبرد وتركيب مبرد مناسب .

شكرا لكل من شارك في الموضوع كل باسمه وبارك الله فيكم
اخي عبدالعزيزجزاك الله خيرا ريحتني كثير
رغم أني ذهبت وسيخت الر دير ووجدتة نظيف
وغيرت البواجي وكالة ﻻنه اذا كانت ضعيفة تسبب حرارة للسيارة

سيارتك طبيعية وما يحتاج تخسر نفسك على شيء بسيط وكل من قريت لهم من جموس يقولون انه ارتفعت عليهم على الهداء
وارتفاع الحرارة فوق النص بشرطه امر طبيعي وغير مقلق طالما رجعت الحرارة على النص بعد انتهاء السبب وهي المرتفعات

بالتوفيق

وعليكم السلام ورحمة الله وبركاته
كلامك صحيح , تغيير الرديتر الى 4 صفات افضل وخصوصا في مثل اجوائنا الحارة جدا
كما ان ارتفاع الحرارة الى شرطة واحد هو طبيعي نتيجة للجهد والحمل الحاصل على المحرك والقير نتيجة عملية تسلق الطريق المرتفع .
تحياتي