اشتريت حساسات خلفية بدون تخريم لكن المشكلة في التركيب

السلام عليكم
اخوي اذا تبيع انا اشتريه منك
ي ليت تتواصل معي على الرقم 0550989534

المشكلة اني اكتشفت ان كيبل الطاقة الي يشبك على لمبة الريوس مفقود
مدري ما جت بالاساس ولا احد المحلات الكثيره الي رحت لهم يركبونه اخذ الكيبل

يارجال تركيبها سهل

الصدام كله 4-6 كلبسات تتفك باليد

اكيد معاه كتيب التركيب

ركبها بنفسك لا فني ولا شي

واسهل بكثير من حساسات التخريم

اخوي لا تبيعها ولا شي بالعكس تركيبها ممتاز جدا وبسبط وتافه

انا ركبتها على هوندا اكورد 2012 في اقل من ساعه بسيطه الشغل صلحها بنفسك حسب الديقرام المرفقه معها

امس كنت في الرياض بالغرابي ومريت اكثر من 7 محلات كل محل يدلني على الثاني كلهم اعتذروا بانهم ما قد ركبوا هذا النوع من الحساسات
لذلك اعلن ان الحساسات هذي للبيع بكامل اغراضه واببيعه بأقل من سعر التكلفه والشحن

عذرا لصاحب الموضوع :wavey:

النوع هذا غير المعتاد عليه في السيارات بحيث لا يحتاج الى تخريم فقط لزق في الصدام من الداخل
و يكون غير ظاهر من الخارج :ch19:

الحساسات تقدر تركبها بنفسك ما يحتاج لها خبير ولا فك صدام

كلها كم خرم بالدريل وركب الحساسات ووصلها مع لمبة الريوس , وأكيد كل شي مكتوب في الكتالوج , حتى رأس الدريل أو الريشة الخاصة بالفتحات موجوده في الكرتون

بس إنتبه من شي مهم لا تنزل الحساسات تحت ولا ترفعها فوق لأنها لو نزلت تحت تحس بالأرض ويبقى الحساس معلق إذا عشقت ريوس . ولا ترفعها فوق فما تستفيد منها شي

وأما إذا كانت حساسات على شكل شريط لاصق فهذا أسهل أكثر وأكثر


تقبل ودي

لا ماعليك انت بس خلك معه و خله يشوف طريقه التركيب و دور على الفلبيني او الهندي انهم اذا مخمخو على الشي يسويه صح
لكن شغل الفليبيني بالعاده يكون ارتب

انا اذكر شايف طريقه التريب مايحتاج لها ذاك الاحتراف الي يخلي الواحد يتخوف من تركيبها لانها ماراح تاثر على شي في السياره ابد ان شاء الله
و انا اشوفها اسهل من تركيب شاشه و كيمرا في السياره يفك الويرات و يقص او ياخذ نقطه من كم واير و ممكن يسبب مشالك اذا الشغل مشحالك

اما الحساس ياخذ نقطه من لمبه الريوس و نقطه من بور ممكن يكون من علبه الفيوزات الي جنب السائق فيه سبير هذا اصعب شي يسوييه في شغل كهرباء
الجزء الاهم فك الصدام و تركيبه بدون اي ضرر او ملاحظات

للاسف ماعرف شي في الرياض

بالتوفيق

الأخ العزيز cover me
الف شكر لك على الرد وجزاك الله خير

عندنا في القصيم لا اعرف ولا اثق في شغل المحلات

هل يوجد في الرياض بالغرابي وغيره محل ثقه وفاهم بالكهرباء