المتحدة للسيارات لا تعطي سيارة بديلة يماطلون بحقك دون وجه حق

مازالت مشكله التصفح موجوده ؟؟؟

الي أعرفه بعض الوكالات مثل الجميح يعوضك سياره في حالة تطلب اصلاح السياره على الضمان اكثر من يومين . وتوكيلات العالميه جلست السياره عندهم 27 يوم ولا أخذت شيء من عندهم الله المستعان

معقولة حتى الواسطات صارت في وكالات السيارات بعد

وين الي يمدحون المتحده ويقولون
فتحو مراكز صيانه و تطور شغلهم
!!!!!
انا صارلي نفس الموقف يقول مافيه بديله
وجاء فلسطيني او سوري بعدي
ودخل سيارته واخذ بديله وانا في المدرج اتفرج
طبعاً بعد ما شرب الشاهي عند مدير الصيانه
الي خلف كونترات استقبال الصيانه

مرحبا المشاكل كالتالي
1- حساس الزيت
2- طرمبه البنزين
3- الار بي ام ( عداد الضغط ) يرتفع وينزل
4- نافذة الراكب لا تعمل
5- صوت في الدركسون.
6- صوت هواء من النافذه الاماميه


راجعت الوكاله في بداية رمضان ، وقعدت السياره اسبوع كامل ما عملو فيها شي ، غير صيانة 40 الف !

وقالو لي القطع طلبناها وبتاخذ شهر بتجي بعد العيد ! اذا حاب تستلم سيارتك استلمها !!!

اخذتها واتصلت على وزارة التجارة ، وعملتهم بالموضوع وان القطع مب متوفره !
بعدها بيومين تواصل معاي واحد من الوكالة وقال سيارتك من هو الموظف الي استلمها من الصيانه واعطيته الاسم وقال بنشوف الموضوع وبنتصل فيك

اليوم اتصلو علي وقالو جيب السياره عندنا ، بكرا ان شاء الله بروح لهم واشوف اخرتها مع الوكاله السيئة !

الله يكون بعونكم

وشهي مشكلة سيارتك بالضبط اخوي .؟

اخوي سالم كلامك صحيح ، انا قلت للموظف الي بوزارة التجاره نفس كلامك

قال هاذي مسوده بالموقع

بس يقول لازم مكتوب بالضمان انهم يوفرون لك سياره بديله
او اذا طولت المسألة من شهر وانت طالع لك اجراء اخر وانهم يوفرون لك سيارة بديل او يشوفون حل !

عن تجربة شخصية مع توكيلات الجزيرة، وكلاء السيارات عندنا ما يتحركون لين تشتكيهم لوزارة التجارة ووقتها شوف كيف المعاملة تختلف.

بالتوفيق

حاولت اشتكي على الوكالة وكلمت وزارة التجاره

ولا لقيت منهم اي تعاون قالو اذا بينك اتفاق مع الوكاله ومكتوب بالضمان تستحق سيارة بديله !!

واذا تاخذ اكثر من شهر تستحق سياره بديله !!

فما ادري كيف الطريقه ؟؟؟

نظام وزارة التجاره الجديد المنظم للعلاقه بين المستهلك والوكيل قبل كم يوم اعلن عنه الوزير توفيق الربيعه في تويتر ... ومن ضمن النقاط ان الوكيل ملزوم بتوفير سياره بديله وقطع غيار .. بامكانك ترجع لحساب وزارة التجاره او الوزير نفسه في تويتر وتقرأ اللائحه ... ولاتنسى ترفع شكوى

اعطوك سيارة لكن هل عوضوك عن ال 9 ايام؟

اشتكي وبيدفعون لك .. هذا حقك لا تخليه ..
ماهو علشان الفلوس بس
علشان يتعلمون وتصير عندهم ثقافة الالتزام بواجباتهم خصوصاً في ظل صحوة وزارة التجارة

للاسف كثير منا يتنازل عن حقه من الوكلاء الي ان وصلنا لمرحلة
ان الوكيل يستكثر عليك يعطيك حقك .. ويشوف ان الطبيعي انه ياكله عليك

اخوي ياليت تذكرلي الطريقه الي استخدمتها عشان تاخذ سيارة بديله

انا عندي تشارجر ار تي 2013 وفيه مشكلة بحساس الزيت وطرمبة البنزين ووصوت في الطاره ( الدركسون )

ولا اخذت منهم لا حق ولا باطل

اشكر على النصيحة ولكن أبشرك اليوم سلموني fiat
سيارة بديلة لين يخلصون