تحذير انتبه تشتري سيارة من شركة فورد

الاخ ( yazeed ) الله يحفظك
حسستني اني غلطت عليك او سبيتك
اش ارقى من هالكلمة ؟
لا
اوسخ و اردأ و بقولها مليون مرة

و بخصوص الانتشار طال عمرك
عشانها تنطال بأسعارها و لا هي ازبل سيارات
و الدليل روح الورش تشوف
اذا ما هي داخل الورشة بتلاقيها مركونة برا لها كم سنة
صاحبها غسل يده منها


الاخ ( laramie ) طال عمرك
و الله منت داري وين هي مقبلة
عندي 3 سيارات فورد
موديلات 2010 و 2013 و 2014
وحده لي و 2 لمعارف
و المشاكل تطلع و هي واقفة
و بدون سبب

قال ايش ناس ما تعرف تقيم
قاعدين نتبلى على الشركة سبحان الله

الفكنوريا والماركيز و الينكولن من افضل السيارات من ناحيه التحمل والصبر

فعلا
فيه ناس مادري كيف تقيم السيارات

تلاقيه شاري فورد مستعمل 2007
وماشي فوق الميتين
ويقولك
الفورد خرابات
:a1120(121):

من اوسخ واردا السيارات ؟ تقدر تختار عباره أرقى منها .. ولو كانت نفس كلامك ماشفناها مليانه بشوارعنا ..!!
تخرب وهي واقفه!!
عز الله انك ما عرفت الفورد.

يارجال ماشاف خريص وش عندهم لدرجة الخرابات بعض المواتر بقراطيسها

وقطع مو متوفرة لا في وكاله ولا موزعين

كلبس صدام مافييييه !!

اوتشيها مادارا

ومشاكل طرمبة البنزين في التوريس والفلكس والكل اشتكى من هذي المشاكل وعمي عنده فورد فالكس واشتكى منها

والله الواحد معد يدري وش يشتري الوكلاء والي يشتغلون نصب عيني عينك ... انا طلبت التيما 2014 فل كامل 6 سلندر وبعد وعود وومطالة وكذب في التسليم يبون يسلموني سيارة مش حالك خدوش وكانت معروضة بالفرع ورفضت استلمها ... اشتكيت لتجارة ولشركة في دبي وللحين محد رد ...

انا اعرف ان قطع غيار فورد ناااار

لكن مشاكل وعيوب فأتوقع قليلة
انت وحظك في السيارة
مثل ما حصل معي في ال cx9 2014

الله يذكر الفكتوريا بالخير ..

من بعدها و فورد ليست بخير ..

اوافقك تماماً
ولي تجربه سابقه مع فورد ايضاً
وكانت اليمه جداً
صيانه مالها اول ولا لها اخر
فعلاً الياباني حاز على اعجابي لان سياراته لحد الان وهي تعتني بمواصفات اجوائنا الحاره وطرقنا السيئه
..
فورد والأمريكي عموما مركب وراحه فعلاً
لكن صيانتها دائماً متعبه ومكلفه وتاخذ من الوقت الكثير
ونحن في زمن السرعه ونريد شئ لايهترئ سريعاً ومفعوله طويل
اذن هذه الميزه غير موجوده في السيارات الامريكيه والاوروبيه ايضاً
الياباني فقط يستحق على بعض عيوبه ولكن هو الأفضل

منتدى فورد ما لقيت فيها المشاكل بشكل جماعي

المشاكل اللي لقيتها فردية مثل ريحة البنزين

عاد صوت الديكور ماهو مشكلة بالنسبة لي لانها بغالب السيارات غير الالمانية

المكيف الخلفي ضعيف هذا عيب في الهندسة وفورد هي كذا عندها مشكلة مع الاتقان اما جودة المحرك والقير فهي ممتازة جدا وحتى الكهرباء ايضا

مع العلم ان فيه حالات الشاشة كانت تعلق فيه وغيروا الشاشات للبعض والبعض على قولتهم برمجة وكان فيه مشكلة بزر التشغيل انها يعلق وما تطفي السيارة وكلها مشاكل فردية

عام 2010 البعض لاحظ ان فيه مشكلة في راس المكينة انها تبخر زيت ويطلع اثار زيت حول راس المكينة وكانت دفعة معينة والباقين ما واجهوا المشكلة

ومشكلة القسم الامريكي ان فيه ناس متعصبين لدرجة فضيعة لا حجة ولا برهان ولا شي

بس يتعمد اهانة شخصك اذا تحجر وجبهته طارت

هالله اكبر يا ماردارا الحين التورس انت متتبعها ومالقيت الا مشاكل فرديه . كلامك مو صحيح . الا مليانه مشاكل جماعيه بعد.خذلك فره على منتدى فورد تعرف المشاكل الصح .
الحين عرفت انك من جنبها.
من مشاكلها اللي انحل بعضها وبعضها لا .
رائحة البنزين
صوت الديكورات
التنسيم
المكيف الخلفي ضعيف

عزيزي الكريم

مشكلتك فقط في قلة من المالكين للسيارة هذه

لاني تتبعت السيارة هذه من 4 سنوات ابي عليها مشكلة ما لقيت الا مشاكل فردية لكن مافيه مشاكل عامة


العيوب اللي موجودة بالتوروس :

1- المساحة الداخلية ضيقة
2- الرؤية الخلفية سيئة
3- الوزن ثقيل لدرجة ان مانع انها تحتاج اطار ما يقل عن 255 عرضا
4- تحتاج ما لايقل عن 300 حصان لتحريك الـ 2 طن بصراحة

مع احترامي لك يالغالي اغلب السيارات ضمانه 60 الف مشكله اذا انت توقع وتشتري وتمشي وماتدري وش لك وش عليك
مافي الا انواع بسيطه من السيارات الي ضمانه يختلف
انا سيارتي الدوج ضمانه 60 الف واذا تبي تمدد تدفع
هذي مشكله الشعب العربي يشتري شي ومايدري وش له وش عليه يوقع وخلاص وبعدين يجي يقول نصبتو علي

التوريس 2013 عند اخوي ومشكله طرمبه البانزين صارت له ,,

وغير كذا خبطت المكينه على الـ 80 الف ،، مع انه مواظب على الصيانه ،، والحمد لله بعد شد ومد بوزاره التجاره استبدلوا المكينه بجديده ..

وبعد انا يوم كنت مع اخوي بالصيانه حقت الجزيره في فرع الأحساء ،، شفنا قسم السمكره والصبغ سيارتين وحده توريس اسود والثانيه اكسبدشن ابيض ،، السيارات جديده ولا عليها لوحات ،، وجالسين يصبغون جزء من رفرف التوريس وجزء من باب الاكسبدشن ! وانا صورت فيديو للي صاير واخذت ارقام الشاصي حق السيارات .. تخيلو تشتري سياره وبالاخير تكتشف بعد فتره تعرضت للرش وبايعينها لك على انها جديده

نصيحه مني ! بعد اللي شفته من تعاملهم السيئ ما انصح احد يشتري منهم ! ..

يا مرحبا بجميع

انا رحت لوزارة التجارة وقدمت اوراقي
فقالو مالك شي خلاص الشركة كاتبة ان الضمان ينتهي بعد 60 الف والسيارة ماشية 70 الف
والموضوع مافي تشويه سمعة لشركة ولكن هذا الحاصل فعلا

والسيارة باقي في الشركة
والله يعين ندفع ال 8 الاف ونحن نضحك على قولك تستاهل شركة عريقة
بس شكله انا ماني فاهم
لا وابشرك المهندس يقول يمكن تتصلح ويمكن لا
يعني ياليل ما اطولك ادفع 8 الاف عشان يمكن
واذا مانت مصدق تعال معاي الشركة عشان تشوف وتسمع بنفسك
ونكتب تقرير انا وانت تستفيد منه الناس قبل ما يشترون سيارة من عندهم وبعدين يندمون

مع احترامي الشديد لصاحب الموضوع ،، شركة فورد شركة عريقة ووكيلها يعد من أفضل الوكلاء في المملكة إن لم يكن أفضلهم، وحجم المبيعات لهذه الشركة وشعبيتها لدى الناس يشهدان على ذلك ،، ووجود الخطأ وارد جدا ، ولكن هناك طرق قانونية تضمن بها حقك،، أما كتابتك الموضوع بهذا الشكل ،، فهو مريب وكيدي ، وإن كان كلامك صحيحا فالأولى أن تأخذ حقك بالنظام والقانون وليس بتشويه سمعة الشركة لدى المستهلكين ،،،،