اخي العزيز لحن المشاعر لم اكن ارمي باعادة المشاركه الدقن السفلي للتاهو او الجمس ولكن مالون بالاحمر هو المقصود (مع الوقت ستظهر العيوب واتوقع بانها كثيره )انا مستخدم قديم للامريكي منذ عام 1402 كوابرس جموس كانت للوالد وكانت خرباتها بالجمله اقسم لك بالله جمس للوالد خبط قيره اكثر من مره واخرها احترق القير وبغى يحرقنا معه ونحن راجعين من سفره
كابرس جديده للوالد موديل 87 او 88 مالها شهر اعطاها السائق لكي يغسلها بالمغسله احترقت المكينه وبعد الكشف عليها اتضح وجود التماس بسبب عدم عزل الاسلاك من المصنع
وانا مشيت على خطى الوالد واقتنيت الامريكي لاني لا اعرف غيره واتعبني بخرباته
ولكن قررت اغير حينما كبرت العائله وجلبت سائق واشتريت له كيا كرنفال 2006 واخذت لي سياره خاصه لي للدوام ومشاويري الاخرى نوع ازيرا 2007 بعد تجربة الكوري وقِلت اعطالها ورخص صيانتها عرفت بانه مضحوك علينا من شيفروليه وال جي ام وقررت الا ارجع لها نهائيا
الامريكي عام الثمانين انا معك كانت مشاكله بالجمله ع قولتك :bigggrin:
لكن من بعد 2000 بدا التحسن تدريجيا
خصوصا بعد موديل 2005 او 2004
حتى الان تجدها بكثره تكررف
وبعد قير 6 نمر بنظري لم تعد هناك مشاكل معروفه الا الديكورات فقط
اما بقيه المشاكل فهي سوء استخدام او حاله شاذه من عيب مصنعي
وانا اكلمك كوني استخدمت امريكي من موديل 77 بدايتي معه
وجربت موديلات الثمانين والتسعين وكانت فعلا مشاكله كثيره
وجربت موديل 2000 وكان افضل بشكل ملحوظ
وجربت موديل 2005 عملي ويستاهل كل قرش
وجربت موديل 2007 ومشى معاي حوالي 400 الف وكان سليم من المشاكل
وكان اكثر موتر يمشي هالممشى معي تحت يدي واسبوعيا اقطع الدهنا فيه
وحاليا 2011 وماشاء الله لم اشتكي من اي عيب
حتى الديكورات لم اشتكي منها ومتماسكه كونه "غماره" ماشاء الله
رغم اني كارفه كرف وبرضه كل فتره اقطع الدهنا فيه رايح المزرعه
وان بعته من غير شر
لن افكر بغير gm
خلاصه كلامي gm كل موديل تتحسن عن سابقته
بغض النظر عن الحالات الشاذه حتى لو هي كثيره ، تبقى قليله قدام الناس اللي ماشتكت من شي ، ف كثره المبيعات لها دور
/
اما اللي يتكلم عن العيوب ويقول ليش الاند مافيه مشاكل او عيوب
تعال عندي لك ورش بالقصيم واوريك المشاكل كون القصيم عاصمه تويوتا
بدايه جيب الربع والشاص والافجي
من مشاكل بالمكينه ومشاكل الاحتراق ومشاكل ضعف الكرنك ينكسر ع طول ولايتحمل الجور ولادفرنس الشاص مايتحمل سحب ثقيل ويبدا يون ولا طنجره القير بعد كل شتاء يجتمعون اغلب اصحاب الاند مشتكين من ضعف الطنجره وهي عيب مصنعي لين 2012 حسب علمي و الخ
اما الاكسبديشن اغلب اصحابه شيبان او سواقين
عكس الجيوب والجموس تلقى ملاك متهورين معهم هالمواتر
وطبيعي تطلع مشاكله من الاستخدام !
من تعديل وجور وتفحيط و الخ
