مقبل على شراء هوندا crv 2015

طلع الموضوع قديم وانا وانت نعلق عليه اقرأ التاريخ وتتأكد

مبروك مقدما لكن في هذي الفئه مافي مثل المازدا cx5 محرك اقوى مواصفات افض بكثير وسعر يا بلاش 88 الف للفل اوبشن

هوندا ممتازة بالجودة والاعتمادية اذا هي تصنع في اليابان او امريكا توكل على الله وخذها اما اذا الصين وغيره لاتقرب منها افضل مازدا عليها نفس اعتماديتها وجودتها مع سعر ارخص ومواصفات اكثر وتنصنيع اليابان هوندا ما ادري شنو صناعتها لكن سعرها مرتفع جدا بدون سبب منطقي

السلام عليكم
الرجاء من صاحب الموضوع
التواصل معي
لاني اريد اشتري هذه السيارة
ياليت التواصل معي
مع جزيل الشكر والتقدير

يعطيكم العافيه وشكرا لكم واللهم امين يارب ويرزكم بخير منها والحمد لله عربنت على السياره والاستلام خلال 5 ايام وفعلا سعرها اينعم مرتفع شوي لكن الفرق بينها وبين الفل فقط المقاعد جلد والكرسي كهرباء والايرباقات الجانبيه وصراحه مواصفاتها النص فل اغرتني مقارنه بمنافسينها من نفس الفئه وانا فعلا ابحث عن شي عملي واقتصادي بالوقود وفي نفس الوقت يكون مرتفع عن الارض شوي تحياتي لكم وشكرا

أيضاً أضيف لك وللغير أن PILOT 2016 أصبح جاهزاً وتم الكشف عنه وبإنتظار طرحه العام القادم ..

سيارة راقية بامتياز وتصميمها عجبني جداً وأقرب ما تكون بـ AUDI Q7 ..

هوندا تصنع سيارات عالية الجودة والكفاءة وتحافظ على البيئة وتصاميمها جداً تعجبني وذوق أمريكي بحت ..

أعتبرها أخي الكريم من السيارات المميزة ..

هوندا تأتي بأفضل العملانية والإعتمادية والجودة العالية والأهم الإقتصادية ..

السيارة راقت لي كثيراً في موديل 2014 وهناك من لا يرغب في قير cvt في موديل 2015 ..

التحديثات راقية وهوندا دائماً تبحث عن عميل راضي وليس المبيعات المرتفعة كـ تويوتا و GM على حساب الجودة ..

أنصحك بإنتظار العروض عليها وشراء أعلى المواصفات لكي لا تفقد أي خيار قد تحتاج إليه يوماً ..

والله الموفق .

من تجربتي مع الهوندا ... كان عندي هوندا اكورد 2003 وبعتها تو قبل فترة .. يعني السياره كرفتها احدعش سنه ولا قالت احححح سياره ممتازه وصبوره واعتماديه درجه اولى واتوقع السي ار في لا يقل اعتماديه عن الاكورد

للي يدور على سيارات اعتماديه وراحة باله عليه بالهوندا لانها من تجربتي اعتبرها سياره قليلة الاعطال

السياره حلوه

لكن محركها 2.4

و السعر نصل فل بـ 110000 اشوفه مرتفع مع ان المواصفات اللي ذكرتها مواصفات سياره فل كامل

بخصوص الجيب أعتقد انه حلو مواصفات وأعتمادية

لكن حبيت أحيطك بشيء عن CR-V

من بين المنافسين بفئته نظام الدفع الرباعي فيه غير مخصص للطرق الوعرة إلا الخفيفة جدا منها غير أنها تفتقر لبعض الانظمة الي متواجدها بمنافسيها مثل زر LOCK وهو القفل الوسطي لنظام الدفع بحيث يعطيك نسبة دفع 50% امام و50% خلف
يعني اذا ودك تطلع بران وطعوس فشوف خيار أخر

لكن للمدينة فقط فهي خيار موفق

الصراحة ما جربت السيارة ..
لكن المعروف عنها .. سيارة اعتمادية درجة اولى .. وجودة مواد ممتازة ..
وأمانها ممتاز أيضاً ..

قارن بينها وبين منافساتها .. وعليك بالخيرة ..
ووفقك الله ويعطيك خيرها ويكفيك شرها مقدماً