بسم الله الرحمن الرحيم
السلام عليكم ورحمة الله وبركاته
الحقيقة إن هذا المنتدى ابحث عنه من زمان وهذه أول مشاركة لي
لكن لي أسبوع اتصفح هذا النتدى وكل يوم يزيد إعجابي به وبأعضائه
الذين يملكون الأخلاق العالية وفن الحوار بعيداً عن المهاترات ولاحت لي مشكلة أعاني منها اكثر من سنة والحقيقة أرجو مساعدتي من أخونا الفني ولا يهونون جميع المشتركين اللي عنده خبرة لا يبخل علينا
القصة طويلة :
شريت سيارة كرسيدا 84 سيدان
صاحبها مركب عليها مكينة 22 R من (( التشليح ))ومشت معي زي الحلاوة
بعد سنة بدت تصرف زيت (( بوشت )) قلت أوضبها رحت للورشة فكو المكينة وقال المهندس لازم تغير المكينة ماتنفع .
رحت وشريت وحدة جديدة ( قلت أهي سيارت العمر ) وركبناها وبعد التمرين بفترة يمكن شهرين غيرت الكنداسة وبعدها بدت السيارة تسخن سخونة عالية
خاصة إذا مشيت أكثر من 140 أو شغلت المكيف جوت المدينة أو كانت واقفة والمكيف شغال المهم استلمت الورش ورشة ورشة:
المهندس : جيب تماتيك مروحة ( جبت وغيرناه مافاد )
المهندس : سيخ الرديتر ( غيرت الرديتر بالمرة ) ركبت صناعة أردنية .برضة ما فاد
المهندس : وزن بلوف وديلكو ( برضوة نفس المشكلة )
المهندس : لازم نفك الراس ونسوي مسحية ( ولا أحد عندك برضوة )
المهندس : غير السيور وغطا الرديتر ( ولا زالت المشكلة )
المهم طفشتني وفي الأيام ذي بدت تطلع موية وكل مشوار وأعبيها موية
النجدة وش أسوي إذا جيت أبيعها دفعت فيها دم قلبي
وإذا خليتها ؟؟؟؟؟؟؟؟؟؟
فكرت وقررت اشتري رديتر أصلي (( قلت خربانه خربانه )) ورحت الوكالة ولقيته بــــــ 890 ريال وما كان معي .
عليها صابرن والصبر طول :::::::::::::::::
غير كذا هذي السيارة ذبحتني بالمساعدات ما تغلق شهر إلا شاري لها طقم خلفي. أحصله يصب زيت أو مكسور
رحت ركبت لها ( مدري وش أسمها ) لكن ترفع السيارة تركب مع اليايوكلما أخذت مطب انكسر المساعد وش الحل فيه مساعدات غير حقت بلاده تركب عليها
أفيدوني أثابكم الله
