وش الراي في هوندا بايلوت

الهوندا سياره ممتازه من تجربه شخصيه عندي اكورد 2006 مشيتها حدود ال 500 الف كيلو و الآن ماشيه وزي الحلاوه
الوكيل سيئ خصوصا ما بعد البيع و انا صارت عندي ثلاث مشاكل :
الأولى اني اخذت السياره وطلعت كفراتها تعبانه و راجعتهم وحدوني على الجفالي الوكيل حق الكفرات و الوكيل يقولي جيب فاتوره و رجعت الوكاله وقلت لهم هذا الكلام و في النهايه دوخوني و اضطريت اغيرها على حسابي.

القضيه الثانيه و هذي اللي خلتني ابطل اروح لهم ان في فحص ال 10 آلاف بدلو لي زيت المكينه و خلو صرة الزيت مفتوحه و لما رجعت البيت جيت ثاني يوم اطلع لقيت الزيت كله نازل من الكارتير.
القضيه الثالثه اذا يوم وديت عندهم السياره وعندك اكثر من ملاحظه راح يصلحون لك اللي يبون ويطنشون الباقي ويقولن لك بكل قله حيا خد موعد وجيبها مره ثانيه او ان يكذبون عليك و يقولون لك شيكنا عليها ومافيها شي .

زبده الكلام
الهوندا سياره تعتمد عليها وما تعطلك في طريق بإذن الله لكن الوكيل يرفع الضغط و اخلاق الموظفين سيئه جدا .

البايلوت ٢٠١٦ يعتبر خورافي مقارنة بالجيل الحالي وخصوصا اذا راح يوصلنا فل اوبشن مثل الامريكان

الهوندا البايلوت سيارة جيدة وعملية والشكل الجديد فخم وحلو بس الله يعينك على قطع الغيار والوكيل قطع غالية ووكيل سمعته في الصيانة مو كويسة

ال بايلوت مافي 4 سلندر

مشكورين ... روحت الوكاله استفسر عن قطع الغيار وعن اسعار تغير الزيت ... الغريب فرق كبير بين اسعار عام 2013 والحين ... وبعدين مافي فرق بين اسعار الاربعة سلندر والستة سلندر في الصيانه الا 7 ريال وعليها ...

المهم استفسرت عن قطع الغيار الي لفت نظر البواجي 6 حبات ب 1080 ... هل كل السيارات زي كذا ولا ذي شاطحه .. تحياتي

السلام,
هوندا ماعليه كلام بس الوكيل عبدالله هاشم يجيب المرض في كل شي سيء من صيانة و قطع غيار و اصلاح الى خدمة ما بعد البيع سيء جدا جدا. الوالد الله يحفظه عنده سيارة عائلية حق اليبت "2014 هوندا اودسي" و قدر الله جتها ضربه خفيفة في الخلف و تم تغيير شنطة و صدام و عدد ٢ حساسات خلفية طلعت القطع بعد الخصم ب 12 الف ريال. و قيمة الاصلاح ب ٣الالف و شوي. فوق ذلك بعد ما وصلت القطع طلبية!!! دخلنا السيارة عندهم بالواسطة وحب الخشوم وو عدونا تخلص في ١٠ ايام, بعدين اخذت اكثر من شهر عشان تخلص :( :(
حتى نسيت شكل السيارة يوم جيت استلمها :)

سايره مش منتشره

يمكن تتعب مع قطع الغيار وقلت الايدي الي عملت فيها

يعني على على عكس الاكسبلورر والسنتافي وتوسان وهطقه

وترا حبيت اقولك الهوندا شكله شكل جيب بس في الحقيقه تراهي سياره دفع امامي يعني زي ما تقول كامري مركبين لها دبل :a1120(121):

والله يوفقك