آخواني محتار بين 3 سيارات الاودي اي 6 او البي ام الفئة الخامسه او كرايسلر 300 الجديدة كلها فل كامل و اخر موديل ابي رايكم من ناحيه الاعتمادية و قطع الغيار و اقل مشاكل
انسب شيء الـ BMW، واتوقع انك تقصد 528 وليس 525، لأن الأخيرة توقف انتاجها، اما 528 فصارت 4 سلندر تيربو يولد 245 حصان وتسارع وثبات وراحة ممتازين جداً، هالفئة تقارن بالسيارات 6 سلندر محركات 3.5 من قوتها وعن تجربة
اما الكرايسلر ابعد عنها مشاكل والمحرك ضعيف بالنسبة ل8 سلندر فوق ذلك يصرف بنزين، وبعد اقول لك عن تجربة
الجودة اغلبها بتويوتا بس اللي استخدم تويوتا هو الي يعرف صحيح هي جودة او كلام فاضي,
بالنسبة لي ارء ان الاستخدام له دور كبير في اطالة عمر السيارة,
اصلا المهمل لايدخل في معاير الاعتمادية ياعزيزي الاعتمادية هي السيارة التي تهتم بها وتحافظ على صيانتها ولا تخرب عليك وتعيش معاك بدون مشاكل انا مستخدم لتايوتا واقولك جودتها انخفضت كثيرا وهي حاليا من استخدامي لاكثر من سياراة لديهم هي من اسوا السيارات في الجودة
اتمنى من المشرفين المحترمين انهم يفتحون موضوع يتناولون فيه تعريف (( الإعتمادية ))
إيش نقصد فيها ،، وإيش معاييرنا فيها ،، وإيش هي بالضبط
لأن كل واحد قام يتكلم من نفسه ويقولي جي دي باور ما جي دي باور
ياخوي افضل من الواقع مافي !!!!!!!!!!!!!
صديقي عنده لاند كروزر موديل 2003 على يده من الوكالة ،، بعد 3 سنوات طاح القير وبعد 7 سنوات طاح القير مره ثانية ،، يعني من بين طيحه وطيحه 4 سنوات فقط !!!!!!!
إيش تقول جي دي باور عن هذا الكروزر وغيره من السيارات الإعتمادية ؟؟؟؟؟؟؟؟؟
انا اقول الواقع هو إلي يحكم في كل هذي الأمور مب هيئة او مؤسسة حتى لو كانت معتمده بعد ما تؤخذ على انها سند او مرجع للشخص عند شراء أي سيارة ،، في نظري جي دي باور للقرائه فقط لأنها تغرد في صوب والواقع في صوب ثاني في كثير من حالاتها
مثال :: 4 من انسبائي عندهم التيما 2013 والألتيما الكل عارف انها نيسان يعني بين قوسين (( أعتمادية لدى جي دي باور )) لكن الواقع غييييييييييييييييييييييييييير
تدري إيش صار معاهم هذولي الأربعه بدون مبالغه ،، كلهم بدأت السيارة تقطع عندهم ،، كلهم بدت السيارة تنتع عند التبديله ،، كلهم صار عندهم أصوات تحت الدشبورت
كيف حال جي دي باور مع الألتيما ؟؟؟؟؟؟؟؟؟
يا جماعة الواقع الواقع الواقع
لو بتاخذ بكلام جي دي باور ولا واحد بيشتري سيارة في هذي الدنيا
