السلام عليكم و رحمه الله و بركاته
كيف الحال اخواني الكرام
سيارتي جمس 95 قير عادي
اخواني انا عندي مشكلتين و هي
الاولى
ان السياره ما تشتغل بسرعه ، لازم ادقها سلف مال اربع او خمس مرات بعدين تشتغل، الاحظ صوت نفس صوت ضعف البطاريه ، و للعلم ان البطاريه ما فيها و لا شي، لحد الان صالحه للسير ، المشكله فالسياره اذا شغلتها و مشيت فيها حوالي ربع ساعه مثلا و طفيتها ، و جيت ابا ارجع اشغلها ما تشتغل ، لازم اجيب شاحن و بطاريه و اول ما أوصل الشاحن تشتغل بدون اي معاناه. و اليوم كنت موقف السياره و هي شغاله مال تقريبا 7 دقايق و فجأه طفت علي و فصلت البطاريه كامله، فتحت الكبوت و حاولت ارخي و اشد الموجب و السالب لين ما اشتغلت البطاريه
المشكله الثانيه و هي اللي لاحظتها اليوم
اني اشغل السياره و ادعس ع الكلتش و اول ما ابدا ارفع رجلي عن الكلتش ، اسمع صوت نفس كذي قرقرقرقر و يزيد ضغط المكينه مع تفتفه و تنطفي ، للعلم ان السياره و هي ع الفاضي مافيها شي ، بس لما ابدا اتحرك ، و لاحظت اليوم كمان ان بعد المشكله هاذي ، المكينه نفسها تعبان شوي يعني أبطأ بشوي عن العاده.
يا شباب جزاكم الله خير ساعدوني و شكرًا
