ماهو الفرق بين النانو سيراميك وسيراميك برو

اسم المحل نانو شيلد وله فرع بالرياض اذا ودك تمر وتشيك على شغلهم
عندهم تقنية النانو سيراميك هذا مقصدي

المشكله لقيت لي محل بالبحرين يركب تقنية المانية وكل سيارات البحرين عنده وسعره حلوو بس مشكلته قالي 3 ايام تخلي موترك وصعبه جدآ

ي العالم كله مافيه حماية نانو حقيقي بدرجة 9H هي شركة نانو فورميلا

وشركة نانو برو فقط


اللي قاعد تستخدمه اللي يسمونه نانو شيلد غير صحيح


يمكن انت قاعد تركب افلام النانو فهذه مضمونه

جيوشيد غير عن نانو شيلد الي اتكلم عنه وتوي كلمتهم وقالو ال٥ سنين ما تدفع ولا ريال زياده بروح لفرعهم وبشوف لي اي شخص مركب له اكثر من سنه وبساله وان شاء الله خير

الله يعين يمكن حط لك بولمير سونكس سعره 35ريال تقنية نفس النانو ويضل 3 شهور

:smilie16:

مثل ما قلت لك تدفع 3000 الى 4000 وانت في النهاية دافع ثمن غالي جدا بدون وجود حماية فعلية من الخدوش

اصلا السبب الاساسي اللي خلاني اروح اسوي نانو من جيوشيلد هو اني لقيت خدش حصى صغير في الصدام ورحت لهم وقالوا لي انه ما يحمي من الخدوش بس يعطي لمعة

الكلام تغير


بس احسن من المقلب حق جيوشيلد :) ما كمل 29 يوم

اهاا يعني فخ , لانهم يقولون لك ٥ سنين نشيك لك الطبقه ونجددها بدون ما تدفع شي ابد

هم عارفين ان مادتهم بتروح بعد 4 شهور فيقومون يجددونها لك كل 6 شهور

انت اللي راح تدفع القيمة هذه

في النهاية راح يدفعونك قرابة 3000 الى 4000 ريال

العلبة ما تكلفهم اكثر من 50 ريال للعلم فقط وانت اللي قاعد تدفع القيمة بدل ما يحطون لك 4 طبقات او 6 يقومون يوزعونها على 5 سنوات وصدقني بتعاني من الضمان لان كل مارحت لهم بيقنعونك ان المادة موجودة ومدري ايش وبعد 6 شهور تجيبها ويحطونها لك وانت دافع مسبقا على اللعبة هذه

قد جربته او مرت عليك تجربه معهم من قبل عشان تفيدني ؟

قالي عندك ضمان 5 سنين وطبقة النانو تتجدد
وقال كل 6 شهور تجينا نشيكلك لك على طبقة النانو يسوون لها اختبار قدامي اختبار الغبار والماء والخدوش وان صار عكس كلامهم الضمان يشملني

تراه ماهو زين ويروح باقل من شهر

اسوأ نانو سيراميك في التاريخ على الاقل لو جلس 3 شهور كان خير


اقل من شهر بالتحديد 28 يوم فقط

انا حاليآ بروح لنانو شيلد موجود بالخبر والدمام والاحساء عندهم خصومات لبعض الموظفين
بروح اشوف شغلهم وفيصل السيف قد راح عندهم مره وتكلم عن النانو الي عندهم ومدحه

بشوف شغلهم وبعدها بحكم ان شاء الله

يجلس 3 شهور فقط وللعلم هو شمع فقط

3M

في الدمام من محلات بروتيكشن 7

عندي صور للسياره اول ماحطيت عليها .. فعلا لمعه رائعه بس حرام تدفع مبلغ و قدره عشان لمعه 3 شهور بس

من اي شركة سويت النانو سيراميك ؟

مرحبا يا غالي

اعرض عليك تجربتي في وضع النانو سيرميك على طلاء سيارتي انفينيتي

السياره صار لها لمعه جبارة بمعنى الكلمه

طبعا السياره تصير مقاومة للخدوش

لما تغسل السياره .. الماء يتكتل بطريقه تسهل تنشيف السياره معها

بس للاسف .. الكلام هذا ما استمر اكثر من 3 شهور يعني بعد الثلاث شهور ما كني سويت شي << اللمعه عاديه و لا كأني حطيت شي ابد

لو ادري ما كنت خسرت فلوس على كلام فاضي

بالتوفيق

نعم صحيح بارك الله فيك

السيراميك برو ممتاز ويفرق عن السيراميك النانو العادي

حتى مقياس التحمل للسيراميك برو هو 9H

السيراميك برو منتج روسي الصنع ووكيلة بالمملكة بروفشينال للعزل الحراري
المنج عليه ضمان 5 سنوات
يحافضلك على السيارت بلمعتها وبدون ما يسك عليها الوسخ ابدا ويصلح لجميع انواع الطلاء
اما النانو سيراميك ضمانه اقل وما يصلح لجميع انواع الطلاء

من شريت سيارتي الجديدة من 7 شهور وانا اجرب المنتجات هذه واللي ما تطول اكثر من 2 الى 3 شهور بالكثير

سويت منتج هايبر شيلد من 3M بحكم شهرة الشركة هذه وللاسف ما دام معي اكثر من 3 شهور

ولقيت عرض جيوشيلد على منتج نانو سكن وللاسف ما استمر شهر حتى شهر واحد ما استمر للاسف ويقولون عليه ضمان والمشكلة اروح لهم ويقولون لي مازالت الطبقة موجودة وللاسف ماهي موجودة كونك تشوف ان الموية ما زالت تلتصق بالبودي

عموما منتج نانو برو سعره غالي وللاسف ما يباع للعامة وله طريقة تركيب يستخدم فيها جهاز اضاءة حراري للتنشيف وحاولت بكل الطرق الحصول عليه وما قدرت وحاولت اشتري على انه عندي محل قالوا لي لازم توقع اتفاقية على التزويد واتفاقية سعر قالوا لي شركة برو نانو انه لازم اسوي نفس اسعارهم اذا راح استخدم منتجهم ولو اكتشفوا اني اسوي باسعار اقل من اللي تم الاتفاق عليها ممكن يرفعون علي قضية تعويضية بمبالغ مزعجة


عموما منتج نانو سكن اشتريته من امريكا وجايني بعد 10 ايام وبسويها بنفسي وامري لله هم وضمانهم الخايس

يسر مركز دوكار تقديم منتج السيراميك لكز الأمريكي حيث يعتبر سيراميك أمريكي مختلف عن النانو سيرامك والمصنع في بلدان مختلفة. كلا المنتجين لهم ايجابياتهم الخاصه فيهم ولكن مجملاً يقدمون نفس الفائد. وهنا تفصيل أكثر عن المنتجين

الجزء الاول :
الفرق بين تقنية النانو سيراميك الموجودة فالسوق وتقنية حماية سيراميك لكر ( اوبتيمم بوليمر تكنولوجي الامريكية )

1- تقنية النانو سيراميك :

معظم طبقات الحماية الحقيقية مبنية على السيراميك.

السيراميك كونه مصطلح يعني المواد الغير العضوية.
المواد العضوية مثل السيلانت هي منتجات كربونية وهي مع الوقت تزول والسيراميك في حد ذاته هو دائم، لانه من المواد الغير العضوية فيظل فترة أطول من السيلانت والواكس .

تتميز منتجات النانو سيراميك بكمية السليكون الموجودة فيها . ويعتبر اكثر الأنواع شيوعا اي ثاني أكسيد السليكون ويتم تسويقها بمسميات ( طبقة زجاجية ، الكوارتز ، نانو سيراميك الخ ) وكلها تعني استخدام السليكا فالمنتج SIO2

يعتبر خليط بين منتجين هو بوليمر سيلانت وسليكا
درجة حرارة انصهار السليكا 1600 درجة مئوية وقوتها في الصلابة 9H

يعمل (( طبقة فوق اللكر )) ولا يمسك فداخل اللكر
اي ممكن تشيله بكميكل احماض بدون ازالة لكر السيارة
لانه الكميكل يكسر الصمغ والصمغ يحمل السليكا اي يسقط بدون الصمغ

تتحمل 5٪ من الأحماض مثل حمض الهيدروكلوريك


المنتج الثاني والمستخدم لدينا:
تقنية سيراميك لكر ( اوبتيمم بوليمر تكنولوجي)
نظام حماية السيراميك الآخرة هي كربيد السليكون ( SiC)

والمستعمل في سيراميك لكر منتج اوبتيمم بوليمر تكنولوجي الامريكية
يعتبر منتج واحد فلا مجال لتفكيكه الا بازالته بالتلميع وسمكه اسمك من الواكس 100 مرة
درجة انصهار 2730 درجة مئوية
وقوتها فالصلابة
9H


وهي الحماية الوحيدة بهذه التقنية القوية
سيراميك لكر لا يعمل كطبقة فوق اللكر بل يمسك مع اللكر نفسه اي ( كانك ترش لكر ثاني على السيارة ) (( فيصبح هو واللكر كطبقة واحدة ))وهو أقوى فالمقاومة من الخدوش والكيماويات من لكر السيارة العادي فلا يمكن ازالته بالكميكل الا بازالة اللكر او بالتلميع ويعمل طبقة 2-4 مايكرون فوق اللكر . وليس كحماية نانو سيراميك والتي هي عبارة عن سليكا بحجم نانو اي صغيرة وكثيرة فتكون على السطح منتشرة لذالك لا تكون كل السطح سيراميك . منتج اوبتيمم عبارة عن منتج واحد كله سيراميك
مثال
نانو سيراميك يعطي 1-2 مايكرون ولاكن فقط السطح منتشر بحبات السليكا اي 15-25 ٪ سيراميك
عكس الاوبتيمم عبارة عن منتج واحد كله سيراميك ( لذالك اذا أخذت منتج نانو سيراميك وافتح الغطاء ودعه 3 ايام ترى الكيماويات تتبخر ولا يبقى الا 25 ٪ فالعلبة وهي السيراميك )

ولاكن الاوبتيمم يجف كله اي كل المنتج 100٪ سيراميك لكر لذالك يقاوم الخدوش والكيماويات والتلوث اكثر من حمايات النانو سيراميك ويعتبر المنتج الوحيد الذي يحمي من مخلفات الطيور ولو تتركه لمدة أسابيع

منتجات النانو سيراميك تحتاج آلى حرارة لكي تنشف . وتحصل على اللمعه نفس الوقت وينقص مع مرور الأيام بسبب الأكسدة والجو فيحتاج الى رش واكس وبوليمر لكي ترجع اللمعه
اوبتيمم لا يحتاج الى حرارة في خلال 7 ايام يوصل الى ذروة القصوى فالحماية واللمعه وتضل اللمعه لسنوات بدون الاحتياج الى واكس او غيره وذالك بسبب انه السيراميك لكر لا يتفاعل مع الأكسجين فلا يتأكسد ولا يدع الأوكسجين يتفاعل مع اللكر لانه بتفاعل الاكسجين تصير الأكسدة

يمكنكم التواصل معنا على جوال 0504446338
أو متابعتنا على الانستقرام DOCAR.world