السلام عليكم ورحمة الله وبركاته
طبعاً سيارتي تاهو 2014 وبذكر لكم المشاكل واتمنى تساعدون بسبب العطل علماً اني وديته كهربائي وقال الفيوز تمام والبطارية تمام مدري هو صادق والا مايدري وش الطبخه
وضعت لكم المشاكل بنقاط ومفصله.
1- تفتفه خفيفه والسيارة شغااله وواقفه
2- نتعه عند التوقف او اثناء التوقف تجي مرات لكن بشكل ملحوظ
3- فيه صوت طق او ماس بعلبة الدركسون يجي من وقت لأخر . مثل صوت طقطقه السيارة بعد ماتطفيها وهي حاميه
بس بعلبة الدوكسون طقه وحده بس
4- انطفاء عدادات الطبلون بشكل مفاجى مع تقفيل الابواب وفتح وتقفيل مره اخرى وتظهر رسالتين (يجب اصلاح جهاز الثبات ويجب اصلاح جهاز تماسك العجلات بالارض . 3 مرات خلال شهر
5- انطفاء السيارة وانقطاع الكهرباء عن جميع السيارة لمدة 3-5 دقايق . هذي امس وانا مسافر ورجعت للرياض بسببها بعدما اشتغلت رجعت ولافيها اي اختلاف او رسايل او مشكلة واضحه ومشيت الى 160 -180
احيان احس بضعف عزم السيارة او تحس انها مكتومه لدرجة انها تحتاج لدعسه اكثر ومرات تصير طبيعي
بعد اشتغال السيارة لا يظهر بالشاشة اي خلل ولا رسائل او لمبات تحذيريه واثناء القيادة لا يظهر اي مشكلة.
والمشكلة المذكورة تجي بدون وقت محدد وبشكل مفاجى
